غنج باريس @ghng_barys

عضوة جديدة

راح تبكون بعد هالسالفه .. لاني بكيت بكاء مو طبيعي

السلام عليكم .. اول مره اشارك بينكم ..

وابي ترحيب ..وابي رأيكم بالموضوع..

بنت عمي تقدم لها واحد حالته حاله ..

يا طويلات العمر سالفه هذا الشاب سالفه .. وابحاول اختصرها بشكل وان شاء الله ما ابكي وانا اقولها :06::06:

الشاب هذا جاء عند عمي وخطب بنت عمي ..

وقال لها قبل لا تسأل عني او اي شي انا ابقول لك كل شي صار لي ..

علشان اذا سألت تعرف مين انا .. واني ما كذبت عليك

يقول انا موظف في قطاع حكومي .. كنت ملتزم ملتحي ..

كنت اروح المخيمات الدينيه .. والاستراحات ..

واحب الانشطه الدينيه مره .. كانو يجونا مشايخ للمخيم مثل الشيخ سليمان الجبيلان ومحمد العريفي وغيرهم كثير

يقول في يوم من الايام وانا طالع من سيارتي الا امسكوني الشرطه ..

قلت لهم ايش في قالو بعدين تعرف .. المهم حققو معه .. وانسجن كم شهر ..

وطلع بري .وطلعوه .تعرفون ليه انمسك لان واحد من اخوياه كان له صديق ارهابي .. وكلهم ما يعرفون انه ارهابي

والارهابي هذا كان يجلس معهم بالمخيمات .. وبعد مده فجر نفسه .. في عمليه ..

المهم هم حققو معه يبون يشوفون هو له علاقه فيهم او لا وطلع برئ ماله علاقه فيهم وطلعو بعد كم شهر من التحقيق

وقالو له ارجع مارس حياتك عادي .. ارجع لعملك وكل شي ..

رجع الاخ يبي يأخذ زوجته من اهلها الا قالة له طلقها وما بينا وبينك الا هالبزر .. اما انت مالنا علاقه فيه

حاول فيهم قال يا ناس حرام عليك مافي فايده وطلقها

رجع طبيعي لعمله وكل شي عادي .. بس الناس تتكلم

وهو ممنوع يقول اي شي او يعلق بالموضوع .. وكل واحد يقول سالفه .. وكل واحد مطلع اشاعه

انقهر ورفع على ديوان المظالم .. وقال لهم اهل زوجتي يبوني اطلقها وانظلمت بشكل كبير وانا برئ

قال لو وش يشتغل ابو زوجتك @_@ قال لهم شغلته وهو مسؤل قال له القاضي مالنا دخل بأبو زوجتك وزوجتك الله

يعوضك احسن منها ..

المهم قالو له راح نعوضك عن كل يوم قضيته بالسجن 1000 ريال .. وفعلا عوضوه بس المبلغ ناقص ..

اتصل عليه خال زوجته وقال له طلقها وانا ازوجك غيرها .. مانبي واحد مشبوه فيه بينا !!

وطبعا طلقها خلاص ..

وواصل حياته طبيعي ووصل لمرتبه ممتازه في عمله ..

بس كل ما تقدم يبي يتزوج يرفضونه العوائل بعد ما يعرفون عن اللي صار له ..

وطبعا سفره للخارج مو بالسهوله علشان اللي صار له ..

وحياته انقلبتت فوق تحت .. حلق لحيته !

وجلس على وظيفته .. والاصدقاء مو اي واحد يصادقه تووب..

بالله ايش رايكم .؟؟؟

هل هو يشكل خطر ؟؟؟

ولو كان يشكل خطر ليه طلعو من السجن ؟؟؟

ومهو من المطلوبين ابدا!!

وكل ذنبه لانه كان يجلس بالمخيمات الدينيه وكان يجلس معهم هذا اللي ماله علاقه فيه وكان ارهابي ومحد درى!

أعطون رايكم .. هل يرفضونه ؟؟ ام يزوجونه

و قال لعمي اذا ماتزوجني بنتك .. اكسب فيني اجر ودور لي على وحده تقبل فيني

هو يهبل مثل القمر .. ماشاء الله

قال لعمي اتصل على عملي والله اني ناجح فيها ..

ومالي ذنب باللي صار ..

حتى اهلي ما يقدرون يخطبون لي انا جاي اخطب لنفسي ابوي رجال كبير ..

وامي كبيره بالسن ..واخواتي مايقدرون يقولون نخاف الناس تفهمنا غلط..

زواج من الخارج كيف اتزوج من برا لازم فيزا ومو بالسهوله هذي ..

عمي مره رحمه ..

لا تبخلون برايكم .. واذا وحده تعرف مثل هالقصص ناس انظلمو قولوها ..

10K

يلزم عليك تسجيل الدخول أولًا لكتابة تعليق.

تسجيل دخول

ام حمزه وريان • 15 سنة

السلام عليكم
شوفى حبيبتى لازم تتاكدون من هذا الشخص الدنيا ماعاد لها امان ومن خاف سلم
وانا لومكان البنت ماراح اوفق ابدا هذى وجهه نظرى مادرى واستخيرو الصالح حبيبتى

وشكر:27:ا

ام الفـاتح • 15 سنة

اسألوا عنه

شوفوا لكم اي احد بالمباحث يتأكد انو ملفه سلييييييم

واذا ثبت انه سليم توكلوا على الله

×ام خطاب× • 15 سنة

الله يكتبلهم الي فيه الخير

قمر ع سطح الارض • 15 سنة

خليها تستخير ولبد من السؤال
هذا زوووواج يعني حباه طوال العمر والله يكتب الي فيه الخيره

امــــاسي وونص • 15 سنة

الله يكون بالعون يااارب