راعيات البوفيهات السنعات وينكم

الله يعينك ويساعدك

ام ريم المكيه مشكور عيوني على الدعوه بس وين السناعت الباقيات :)

تبين نصيحتي وصي على المقبلات مثل الورق عنب الحمص والكبه والبف من برى ..
ولو قدرتي تطلبين بوفيه من برى يكون رايح :22:

امسكي ورقه وقلم واكتبي المنيو اللي تبين وارسمي السفره وتقسيمك لها .. وبعدين اكتبي كل طبخه متى بتسوينها بالوقت بالضبط ..

وامسكي ورقه ثانيه واكتبي فيها المهام اللي بنفس يوم العزيمه ولزقيها على الثلاجه علشان ما تنحاسين ..

حلى القهوه سويه صباح العزيمه الا اذا كان يحتاج يقعد بالثلاجه وقت طويل سويه قبل بيوم ..

البوفيه مثلا ..حطي نوعين سلطه مثلا سلطة معكرونه بالمايونيز وتبوله او فتوش ..والسلطه الخضراء حقت الذبيحه ..وانتبهي تطلعينها تصفينها من المغرب ترى السلطات اذا صارت حاره او فاتره تنزل مويتها وتصير ذابله وطعمها مو حلو ..
ممكن تسوين السلطات قبل بيوم ما عادا السلطه الخضرا .. من غير ما تخلطيها مع الصوص يعني جهزي كل شي لها الصوص لوحده والسلطه لوحدها ..وزينتها مثلا ليمون شرائح وبقدونس مفروم وطماطم وجزر كلها قطعيها واحفظيها بالثلاجه قبل بيوم وقبل العشا اخلطيها وزينيها بالخضار اللي قطعتيها قبل بيوم ..

الصياني ..لازانيا او مكرونه بشميل الى جانب صينيه مسقعه او صينية خضار ..او ممكن صينيه كوسا محشي ..تدرين ليش قلت لك هالصياني ؟؟ لانو انتي اول مره تسوين عزيمه وهذي الصياني تتسوى قبل بيوم وما تسوي لك ربكه .. وثاني يوم طلعيها من الظهر خليها تحمى وحمريها قبل العشا ..

الشعبي ..حافظه جريش ..واذا تبين زود قرصان ..وكلها تتسوى من الظهر ..

الحلا ادخلي قسم الحلويات وشوفي .. ونصيحه لاتحطينها على السفره الا اذا دخلو للعشى علشان الحلى ما يسيح او يخرب وتتفشلين ..

ترى كل شي يتسوى قبل بيوم عادي بس راعي انك اذا سلطه لاتخلطينها مع الصوص الا قبل التقديم واذا صينيه جهزيها ولا تحمرينها الا بنفس اليوم ..

ما انصحك بالعصيرات للرجال لانو الرجال يحبون السفن اب واللبن والمشروبات الغازيه اكثر ..بس ممكن تحطين كوكتيل مع عصير برتقال وعصير منجا ..
وان شاء الله يفيدونك البنات اللي عندهم خبره اكثر بالبوفيهات ..

للرفع

الله يقويكي