اهم شي الترتيب اكره لما اروح لوحده وتكرفنا وياها خلاص هذي عزومتك اللي تقدري سويه واللي ماتقدري عليه لاتسويه مو اذا جا الضيوف تخلينهم بالمطبخ
انا ماقصد اللي مره بس تورطت لا اقصد اللي هذا طبعها عطول
صدقوني بترتيب الوقت بتقدري تسوي سفره جميله وبيت نظيف وشكلك مرتب

شوفي اختي فيه حريم سريعات وبسرعه يصفون لك كل شي
وفيه بعضهم ماتنجز بسرعه والشغل ماتخلص منه بسرعه

انا من النوع الوسط بس قبل بيومين اسوي اشياء اللف والحشي
والحلا وانظف بيتي وقبل بليله اجهز البيالات والفناجيل والاباريق
واغطيهم حتى السلطات اقطعها قبل بليله بس الطماطم اقطعه
في نفس العزيمه والسلطه اذا ماحطيتي ملح ولا ليمون وغطيتها
في الثلاجه ماتتغير ابد والصلصات اللي تنحط فوق السلطه تقدرين
تسوينها قبل بليله بس حطيها في قاروره ووقت التقديم حطيها
فوق السلطه مع الملح
ومحشي الكوسا احشيه واصفه في القدر قبل بليله بس مايحتاج
الا المرقه والطبخ وورق العنب نفس الشي
يوم العزيمه اسوي بس الرز اما الجريش والقرصان الله يعافي الحريم
اللي يسوون بعظهم شغلهم ولا اطعم منه
تلاقيني يوم العزيمه اصحى مبكر و احاول اكمل كل شي ومايجي
المغرب الا كل شي خالص بس اتروش والبس
كان عندك شغاله زين يطيح عليك التنظيف وتغسيل المواعين
وكانك لحالك فالله يعينك على المواعين اللي تجي اخر شي
وكان عندك اخوات تقدرين تخلينهم يساعدونك ويخففون الشغل
عليك
انا عندي جارتي احسن من اختي ووقت العزايم نساعد بعض
اسوي لها صنف مالح وصنف حلى وهي ماتقصر معي اذا جاني عزيمه

الناس لبعضها

اهم شئ الترتيب والتنظيم والجودة وخوذي وقتك قبل العزيمة فكري ايش راح تطبخي والاشياء اللي تتجهز من بدري مثل الحلويات الكيك البسبوسة المعمول الدونات(بدون الصوص طبعا تجهزي ووقت التقديم تزينيه) سويها قبلة بيوم وكذلك المعجنااات خلية نحل بدون الشيرة لما تقدميها تسخنى بالميكرويف وتظيفي الشيرة اللي بتكون جاهزة من الليل والمحشي من قبلة بيوم احشيه واذا جاء وقت العزومة طلعية واقلية

وملا بسك جاهزة ومكوية وتكوني عارفة ايش تلبسي وايش تحطي ميك اب واكسسوار وبيتك من الليل نظيفة وبخرية ونظفي الحمامات وقبل وصول ظيوفك سوي بخور او شغلي الفواحة

والكاسات والفناجيل والترامس كلة بالليل يكون جاهز

واتركي الطبق الرئيس يوم العزومة وطبعا الكشنة تكون مجهزة من الليل ومفرزنة

اتمنى اكون افدتك وتقبلي مروري

انا ماعندي شغاله الحمد لله بس اختصر الاصناف وابدى من بدري ممكن اسوي الحلا بالثلاجه والايدامات تكون مجهزة تجهيز مسبق واذا فيه جريش يطبخ على راحته مايحتاج له وقفه والرز اطبخ الدجاج قبل جبة الضيوف يصير اذا بغيت اجهز العشاء بس احط الرز يطبخ والسلطات قبل جية الضيوف كمان يعني باختصار تجهيز مسبق ومااكثر الاطباق