السلام عليكم ورحمة الله وبركاته
راح ادخل بيومي على طول..
يبتدي يومي الساعه 6 ونص الصباح احب اصحى بدري
ولان عندي شغاله لازم اشرف عليها.. هي طبعا تصحي بدري
لانها تنام بدري يعني على 11 بالليل هي نايمه
اول ماادخل المطبخ لازم اشغل هالمملوح واحط على اذاعة القرأن
واقرأ القرأن الكريم
بعد ماتخلص شغالتي من التنظيف والترتيب ومسح السرميك تكون الساعه 8 او 9 تقطع
لي خضار الشوربه"شوفان" وانا اركبها على النار..
ونسيت اصور لكم الشوربه بعد ماجهزت
بعدها رحت اريح شوي بالصاله انسدحت لين مااذن الظهر
صليت وقريت قرأن واذكاري
ورجعت نمت الى الساعه1:30_2:00
عجنت عجينة اللقيمات
وهنا بعد ماتخمرت
فيمتو+تانج البرتقال يمممممممممممممي
الجيلي بالاناس
لقيماتي بعد مااستوت
البيتزا
هريسة اميمتي الله يطول لي بعمرها ويخليها لي
جهزت السفره قبل الاذان بنص ساعه والشوربه اصبها قبل لايأذن بخمس دقايق
سفرتي
وصلينا المغرب وحطينا الشاهي والقهوه ونسيت اصورهم
من زود التعب والارهاق
وان شاءالله يومي يكون خفيف وطيب عليكم
اللهم لك الحمد ولك الشكر اللهم تقبل منا
وانتهى بحمد الله