ربي طفلك قبل ان يربيه الناس ( الى كل ام تغضب ممن يضرب طفلها )

قرأت موضوع لأحدى الأخوات تتكلم فيه عن الطفل اذا تعرض للضرب من شخص آخر (عمة مثلا او خالة او اخت زوج )

وفي المقابل مافكرت هي والأخوات المشاركات ان مافيه شخص عاقل كبير يجي ويمد يده على طفل بدون سبب..!!

اكيد يكون هالطفل مسوي خطأ واضح استفز الشخص الكبير خصوصا اذا لاحظ هالشخص ان الأم متجاهلة هالوضع وعاجبتها تصرفات طفلها

طبعا ان ضد ضرب الطفل لأي سبب كان لكن مع ذلك اشوف احيانا اطفال يتطاولون على حريم كبار ويسببون مواقف محرجة والام تضحك مستانسة

لذلك هالموضوع مفتوح فقط للعمات او الخالات او زوجات الأخ اللي تعرضوا لموقف سيء من طفل قليل ادب بوجود والدته واضطروا اما يتصرفون معه او يكتمونها بقلوبهم من القهر

وطبعا هالموضوع مو علشان نعاند الأمهات او نستفزهم لكن علشان نفتح عيونهم على شي مايلاحظونه او ماينتبهون له

يعني اذا كان ولدك يهبل بعيونك ولقافته مقبولة بالنسبة لك تراه بعيون غيرك شين وبثر و قليل ادب (القرد بعين امه غزال ) و ( والخنفساء شافت ابنها بالحيط قالت له تقبر قلبي مثل اللولية بالخيط )

واذا ماتبغين احد يمد يده عليه تدخلي اجل ومدي انتي يدك على طفلك اذا غلط بدل ماتقفين متفرجة من تطاول طفلك على غيره ..

لي عودة لذكر بعض المواقف ..