ربي وكلت امري وانت خير معين

السلام عليكم يالغاليات ماكتبت الا يوم ضاقت فيني الدنيا والحمدلله على كل حال ،وأبي مشورتكم انا تزوجت قبل خمس سنوات رجل من معرفه بعيده وكان ماعليه موظف وهادئ وسالنا عنه وماسبوه عموما كتب الله وتزوجنا وكانت حياتي شبه مستقره اول سنه كانت اموري ماشيه والحمدلله مع ان فيه كثير مشاكل بس توقعتها طبيعيه وان كل بيت وفيها مشاكل زوجي كان حنون علي واذا عصب رجع واعتذر لكن كان فيه شي مو مريحني كثرة نومه قلة صلاته مشاكله المتكرره بالدوام انصدم اذاا رحت عند اهله مايحترمني قدامهم واحيانا يسبني وكان وانتم بكرامه يطول بالحمام اناتوقعت عنده مشاكل عاديه بس ماتوقعت توصل للادمان طبعا كيف كشفته كنت راجعه من عند اهلي وجالسه ارتب مجلس الرجال الا وانصدم بورق مكتوب عليه ورق شام انا هنا دارت فيني الدنيا حسيت انه فيه شي غلط بحثتت ولقيت انه يستخدم للحشيش طبعا واجهته وماانكر وقعد يبيكي ويعتذر ووعدني انه يتركه طبعا عطيته فرصه ومشت الحياه وجبنت بنتي لكن جرحني كثرة مكالماته اروح عند اهلي وارجع القى مكالمات ورسايل ودخلت بمحادثه مع وحده يكلمها عاساس انه هو وقعدت اسحب منها كلام ولقيته يسبني ويقول مارتحت معها عموما تضايقت وواجهته واستغربت من ردة فعله يضحك كانه ماصلح شي ،،كنت ماشكي لاهلي بس امي كانت مو مرتاحه منه وتعامله لي قدام ابوي ينافخ علي عديتها احتراما له مع انه مايستاهل المصيبه بعد فتره لاحظت اعراضه زادت وشكيت بعد مالقيت رساله لصديقه يقوله عن شي رخيص شاريه وواجهته واعترف انه ياكل الحبوب وانه مايقدر يتركهم مره وحده قلتله انا بوقف معك لكن اوعدني تتركهم قال ابشري رحت شريتله حبوب تخليه يترك الدخان وفعلا اكلهم اول يومين وتركهم انا تحملت كل هالكلام عشان بنتي لكن جرحني بالنهايه يوم بدى يشك فيني واي وحده نفس اسمي بتويتر ولا انستقرام يقول انتي الحين انا عند اهلي واستخرت ورفعت خلع واحس بديت اندم عشان بنتي مره متعلقه فيه واتذكر ايام حلوه بيننا ودي اقسي قلبي عجزت وش رايكم بنات وبلييييز ردود تجريح مابي ابي نصيحه ودعوه في ظهر الغيب :mad: