ربي يبلغها رمضان ويبارك لها فيه ...اللي تساعد خالي ...

ماعندي خلفيه
بس أعملي بحث لأكلات خاصة بمرض الكالسترول
بإذن الله تستفييدي

السمبوسة رشة خفيفه زيت زيتون وبجهاز التوستر
خبز الزعتر ( كوبين بر ونص كوب نخاله ونص كوب زعتر ورشة ملح ولعقة خميره وتعجن بموية ( تقريبا كوب انت صبي بشوي شوي ) العجينه تكون شوي اقسى من عجينة الفطاير واتركيها تخمر ساعه ثم افرديه رقيق وعلى الصاجه من الجهتين
وممكن بدل الزعتر حطي جبن شيدر ( كرافت) مبشور وبنفس ابطريقه
وممكن بدون أضافة زعتر او جبن تخلينها ساده بس تنتبهين لكمية المويه وتسوينها وتحشينها

طيب خالك يحب البقوليات اذا ايه سوي له ( عدس اخضر مسلوق ورشي عليه شوي بصل مقلي )
شوربة وومكن ياكلها كاإيدام بالخبز ( شوحي بصل وثوم ثم عدس اخضر مسلوق وحمص حب وانواع الفاصوليا وحركية لين يكون قاع القدر بني شوي أضيفي الخضار مقطعه رفيع( ملفوف ابيض وجزر ) بعدها بهار وملح والمويه وخليها تطبخ اذا استوت أضيفي ملعقة نشاء مذوب بشوي مويه وخليها دقائق
وممكن بنفس الطريقة السابقه بس بدل البقوليات قطع دجاج وزيدي على الخضر ( بازلاء وذره ) بس قلليل مويته لذيذ مع الرز المشخول وطريقته( اسلقي الرز بكمية مويه قليلق وزيت زيتون واعواد القرفه وملح ) لما تلين حبته اشخلي المويه بس اهم شي يكون الرز مفلفل مو معجن
وعادي عجينة العشر دقائق انا استبدل الدقيق العادي ببر وتضبط معي

ماعندي خبره

السمبوسه سويتز للقلي بس ماتصلح للفرن... خذي رقايق حق المخابز ابحثي بمنطقتك وش احسن نوع
اذا مايضره زيت الزيتون حطي شوي بالصينه ثم حطي السمبوسه وعلى طول حطيها بحافظه وسكري عليها اوقات ماحط زيت بس كذا بدون شي

ربي يشفيه ويعافيه

انا جربت شرئح الفت حلوه لاني مااحب السمبوسه مقليه
والباقي ان شاءالله البنات مايقصروا معاك

جربي رقائق سمبوسة الفت
ولاتحطين زيت زيتون الا اذا تشقرت وسكرتي الفرن عنها صبي عليها ملعقه

حطي له شوربه شوفان ..وشوربة عدس .. مناقيش زعتر
لفي له سبرنغ رول خضار ملفوف وجزر وبازلا وشقريها بالفرن
الفت عنده شرائح سلرنغ رول روعه بالقلي بس هو حطي له بالفرن ماتيبس ابد وتقرمش
او جيبي له قرصان وحشيه بدل السلرنغ رول
احرصي تقطعين له سلطه ع الفطور
وعصير طازج
فطائر سبانخ

وهذا اللي يحضرني والبنات مايقصرون بيعطونك افكار

الله يجزاك خير ويكتب لك الاجر ان شاءالله