رجااااالناااااااااا والرومانسيه

عزازز والله عززاز:06:
وشوقي لكم شوق الحمام اللي جاي لاهله
وشوقكم نسمة جنوب سيرت لاهل الشمااااااال
وبقلبي لكم ووووووووووووود وحنين

والله اشتقت لكم ولهذرتي عليكم عاااااااااد اليوم اللي يعينكم عليها اول ماصحيت الصبح دخلت المنتدى اتصفحه كالمعتاد وقلت خل امر على قسم الحياة الزوجيه:06: اشوف وش عند البنات

ووش المواضيع المطروحه ولفت انتباهي<<<<<<<<<<<< الله يستر من هالانتباه:23: بعض
المواضيع اللي يسولفون فيها عن الرومانسيه ذابحتهن هالرومانسيه: وجلست اقرا وش هن

كاتبات ووشلون الوحده تكسب زوجها وتسويله ليله رومانسيه:29: ياحليلهن اكيد توهن معرسات:06:

يعني جدد لسى ماغبرن مثل بعض الناس<<<<<<<<<<<< ماهيب قايلتن من والا كان الاقيهن بقسم المشاكل الزوجيه:23: والاجتماعيه والا هنا بقسم الترفيهيه خخخخخخخخخخخخخ ينفسن شوي من اللي بكبودهن:06:
واجلس افكر بسوالفهن وبرجالنااااااااااااااا وشوي وتجيني الصيحه خخخخخخخخخخخخ من القهر ايوالله<<<<<<<<<<<< خلوها تقول اللي تبي<<<<<<<< واحد ماسكك

صحيح ان الرومانسيه مطلوبه والتجديد وبعض التغييرات والحركات مطلوبه بس ياترى كل الرجال بيعجبهم هالشي ويتقبلونه والا لا ترى فيه عندنا ناس جلوووووووووف ماهم راعين رومانسيه تحسين وانتي معه كنك بمدرسه والا معسكر اوامر وبس ولو سويت وجبتي كل ماعندك ماتغير فيه شي لا ويمكن يعتب عليك لاسويتي هالحاجه من هالشغلات الرومانسيه
زي مره قريت موضوع لوحده كاتبه عن حركات حلوه انها حطت ستان احمر فرشته بطريقه من مدخل الشقه لين
غرفة النوم علشان يمشي عليه وحطت بالوانات بدولابه علشان اول مايفتحه تطير بوجهه
طيب وان طلع الاخ ماهوبرومانسي وهو يمشي على الستان طااااااااااح وش بيسوي فيني والا ان مليت دولابه بالوانات احسه يابيكرفتني معهن بالدولاب او يفقهن بوجهي خخخخخخخخخخخ

مدري اتخيل اللي فيه نوع من البداوه قمة رومانسيته انك تحطين لك خيمه بالحوش واذا ماعندك بالصاله خخخخخخخخخ والبسي برقع وولمي قهوتك واجلسي اول مابيشوفك بيستانس

واللي تاخذ لها واحد من مهابيل الكوره ومتابعينها رومانسيته انها تلبس لون فريقه اذا هلالي
ازرق وابيض يعني حسب الفريق وتملا الغرفه كور وفنايل معلقه بلون فريقه على جدران
الغرفه لاشافها بيكون اخر روقان

واذ الاخ مثقف زياده عن اللزوم وبس يقرا تفصل لها فستان ابيض وتملاه معلومات ثقافيه
وتلبسه ولاتنسى توزع بعض الكتيبات على الارض بالغرفه وعلى السرير وتكتب لها
كم معلومه على التسريحه علشان مايفوت الاخ شي ويضيع وقته خساره

واللي فيه حنين لزمان اول وبس يسولف لك عن اهله والاولين رومانسيته انك تجيبين لك

سراج وتحطينه بالغرفه وتفصلين الكهرب وتجيبن زير ماء وتحطينه بالغرفه وتلبسين ثوب
زم والا كرته خخخخخخخخخخ وتلفين شيله على راسك اكيد لاشافك بيكون بقمة الوناسه

ولاتنسون ترى فيه ازواج انوااااااااااااااااااااع التحطيم آآآآآآه يالقهر على ماتسوي الوحده
بس يحطمونها
اتذكر ايام الدراسه بعضنا متزوجات وبعضنا لا وكنا نجتمع اوقات الفراغ نسولف وكانو اللي

ماتزوجو متأثرين بهالمسلسلات المكسيكيه ينصحونا يهالمتزوجات يقولون وليه ماتسوون ليله
رومانسيه مثلا تولعون شموع وتطلبون عشاء وقبل تكونون مغيرين بشكلكم شوي يعني من

باب المفاجأه والتغير>>>>>>> مابعد تزوجو والا ماكان قالو كذا المهم وحده من خواياتنا

كانت تسمعهن وبانتباه يلفت النظر وحنا لاحظناها اختفت هالمسيكينه عن الدراسه كم يوم ولاندري عنها

ويوم رجعت اول ماجت قالت حسبي الله عليكم قلنا ليه قالت سمعت نصايحكم ورحت قصيت شعري وصبغته وشريت شمع وولعته وطلبت عشاء من المطعم قبل يجي ابفاجئه بليله رومانسيه تقول واطفي النور واولع الشمع تقول يوم دخل وهو يجلس يسمي وانا متشققه
من الوناسه احسبه بينهبل على هالتغيير تقول قالي الحمدلله وشبلاك منهبله اليوم:06:
قال وش هالعشاء من جابه تقول قلت انا طلبته وجابوه تقول الا يوم التفت وقالي البسي عباتك
وهو يقشني انا وعشاي لبيت اهلي وقالي لاعقلتي اتصلي علي خخخخخخخخخخخ
قلنا لها والعشاء وش سويتي فيه قالت ولعت الشمع وتعشيت انا وخواتي هههههههههه