طبعا تعرفوا رجة البنات في الملاهي..
القصة من حياتي الشخصية مع الصبايا..
احنا مرررة كثير الصبايا مع بعض.. ونمشي في الملاهي مع بعض..
لأنو كان هداك اليوم الملاهي مرررة زحمة.. واحنا دايما نروحها في اليوم المخصص للبنات يعني بدون عوائل..
فناخد راحتنا.. بس هداك اليوم لمن رحنا كان عوائل ودخلوا معانا الشباب..
الموووووهيم احنا مانلعب ولا شي عشان مانتكشف.. وكلنا محترمين ومغطين..
وكان يومها مررررة طفش.. فقلنا ليييش مانشتري تذاكر وندخل (بيت الوحووووش) وماعمرنا دخلناه..<<بدأت المغامرة..
الموووهيم قالوا الصبايا طيب ييلا.. وقعدت أنا أقنع أختي تدخل معانا عشان هيا مررررة تخاااف أكتر مني بكتيييير..
وأشترينا التذاكر ورحنا طبعا في ناس كتير قبلنا دخلوا.. ولمن جاء دورنا قال الرجال فين الولد اللي معاكم عشان تدخلوا..
طبعا احنا ماقصرنا قلنالوا دخل قبلنا ..<<<<طبعا كذابييييييين..
أخذ مننا التذاكر ودخلنا طبعا وقفل الباب.. ويللا بدأ الحمااااااااااااااااااااااااااااااس وأحنا أخر ناااس..
يدوب مسكنا يدين بعض واللعبة مابدأت.. وقاموا الصبايا شافوا مجسم جالس على الكرسي وراحوا عندوا يضحكوا ويحركوا راسوا..
الا قلت يابنات لا يكون هادا أحد فيييه وماكملت إلا وهادا وقف واقال هااااااااااااااااااااااااااااااااااااااااااااااع..
وقااااموا البنات الله يفجعك فجعتنا..
وبدأت اللعبة واحنا اخر ناااس ..وطبعا والوحش يجي من ورانا ونجري ومن كتر مانجري ضربنا البنت اللي قدامنا نصقع في بعض ونطيح ونصرخ..
ونجر بعض وقد مانجري الوحش ورانا يسوي إنو يبغى يمسكنا واحنا نصرخ...
ونجري ولا يخرج واحد وحش من الطاقة اللي جنبنا وطبعا طحنا على بعض..
وفي جسر متحرك كل مانجري يطيحنا.. واتنين من الصبايا مع بعض ووحدة منهم لابسة عباية راس وطاحت ومو قادرة تقووم..طبعا الوحش صار وراهم تماما واحنا نشوفهم لاكن محجوزين مانقدر نخرج..
ولا وقفت وحدة منهم وقالت للوحش الله يخليك استنا شوية والله رجلها مكسورة وماتقدر تقووم.. هههههههه ماأدري من فين صرفتها..
وطبعا احنا انواع الضحك.. وقف الوحش وجات تقوم وقالهم هاااااااااااااااااااااااااااااااااااااااااااااااااااااه..
ويصرخوا ويطحوا تاني..
المهم طبعا المكان اللي احنا محجوزين فيه قاعد وحش على المرجيحة واحنا مو قادرين نمر ونصرخ..
وكمان جاه اللي كان ورانا صرنا نصرخ..
قامت وحدة من الصبايا قالت لهم ياابويا خلاص والله خوفتونا وكمان موتونا رعب أمانة خرجونا.. والله بعد كدة مانجي عندكم..هههههههههههههههههههه
واحنا اصلا في نهاية اللعبة عند الخروج..
ولمن خرجنا طبعا وميتين ضحك وخوف ورجفة في اليدين..
ولا وحدة من الصبايا مع الجري جزمتها عند الوحوووش خرجت حفيانة ويضحكنا ضحك وحرمنا بعد كدة ندخل بيت الوووحووووش...
بس كان يوومها مرررة فلللة وبسطة مو طبيعية..
النصاااااائح..
المفروض مانجرب كل شي بذات احنا الصبايا اللي نحب الرجة والفلة..
وانتبهوا لمن تخرجوا من اللعبة تكون لابسه الجزمة الله ولكم الكرامة..
أتمنى تعجبكم..
تحيااتي،، روزة الصغيرة..:26::26: