الى احلى بنات واحلى منتدى رجعت لكم بعد شهر ونصف ولله الحمد والشكر
علشان اكتب لكم قصة ولادتي .. من طق طق لسلام وعليكم طبعا انا دخلت
التاسع وخذيت منو اسبوعين وكنت اراجع طوال حملي عند مستوصف خاص ولما دخلت
التاسع حولت عند العام علشان الولاده تكون عندهم طبعا مالحقت اراجع العام
دخلت ملفي ع الكمبيوتر واعطوني موعد وولدت قبله الحمد الله طبعا طوال مواعيدي
في الحمل كانوا يقولوا كل شي تمام وكل شوي يعلموا لي سونار وقالوالي اخر
زياره ان وزن البيبي 2 كيلو ونصف ,,,
طبعا جايتكم باسباب ذكري لوزن البيبي وحبيت اقولكم اني كنت طوال حملي
ذا صايبني خوف وسواس الله لايوريكم موطبيعي كلش رغم انو ثالث حمل لي بس
ماادري شو صابني حتى اطفالي اطالع فيهم ويجيني احساس اني بروح ولاعاد ارجع لهم
الله لايقوله ومن دخلت التاسع وانا اكل تمر بكثره واقراء كل ليله
على بطني الافاده في ورد الولاده كامل وسورة مريم واردد بعد كل صلاه
" اللهم لاسهل الا ماجعلته سهل وانت تجعل الحزن اذا شئت سهلا
" اللهم اني استودعتك نفسي ومافي رحمي فهون الطلق وحسن الخلق
وامشي بكثره
لما اخذت اسبوعين من التاسع بالضبط كانت الساعه 1 باليل جاء زوجي من برى
كان طالع يجيب اغراض جلس ع السرير يلعب مع ولدي الصغير جيت وجلست باسولف
معاه لفجأه المويه اللي انكبت ع رجولي غزيره مرره اناهنا تجمدت ومسكت يد
زوجي هو خاف مايدري شو فيني مسكني وقال شو فيك مااقدرت
اتكلم احس جسمي كله يرجف قلت ماادري احس حاجه نزلت مني مسكني ومشى معاي لحد
دورة المياه الله يكرمكم وجاب لي ملابس ولما خرجت قالي تحسي بشي قلت لا مررره
مااحس بشي قال يالله اوديك المستشفى هو خايف علي لاني ارتجف من الخوف
وحاول يهديني قلت لحظه بس بجمع اغراضي انا وعيالي علشا ن ننزلهم عند ماما
وسويت لي منقوع مويه وتمر غليتها وصفيتها وحطيتها بقاروره وحطيتها
بشنطة المستشفى
دقيت على اختي ببيت اهلي وقلتلها عن اللي صار وقلت لها لاتقول ل امي تخوفها
ومرينا ونزلنا عيالي واغراضي عندها ورحت انا وزوجي للمستشفى
اول ماجيت ع الطواري لما حكيت لهم حولوني لغرفة الكشف
طبعا ماكشفوا الرحم مفتوح كم سانتي ماادري ليييش
بس اخذوا معلوماتي وشافوا نبضض الجنين ودخلوني ع غرفة الولاده طبعا انا مااحس باي
الم ولو بسيط سوى المويات احسها تنزل بكثره جتني الدكتوره المناوبه كانت
الساعه 2 ونصف وقالت لازم تجلسي تنويم لاانو ممكن يجيك طلق باي وقت
او نحط لك طلق صناعي ولازم نشوف التخطيط لقلب البيبي كل شوي
انا رفضت قلت باطلع ع مسؤؤليتي وامشي واذا حسيت بشي اجي
طلعت الكتوره لزوجي وفهمته ان التخطيط مهم واني لازم ابقى تحت الملاحظه
دق علي زوجي واقنعني وكان يقولي ليييش وش بك صايره خوافه ماكانك جايبه 2
قبل توكلي على الله وانا معاكي بالجوال وان شاء الله بتولدين من غير شر
وجلس يطمني ويهدي فيني الله يخليه لي لحد مااقتنعت
جلست امشي واردد لاحول ولاقوة الابالله واستغفر الله واللهم اني برحمتك استغيث
كان فيه غيري ثنتين دوبهم والدين وثلاث ع وشك اذن الفجر وانا امشي
ووكل شوي مركبين علي جهاز التخطيط وكلمني زوجي وقلت نام انا شكلي مطوله
الدكتور تقول ممكن 11 بالليل وكلمتني امي وخواتي وقلت لهم نفس الكلام
لان الدكتوره قالت لي ممكن تاخذي اربعه وعشرين ساعه او ممكن 11 بالليل
انا ضليت امشي وادعي واستغفر واقرء سورة الزلزله واشرب منقوع التمر
لما جت الساعه 8 الصباح وانا ابدا ء احس بالم الطلق ماقلت للممرضات
قلت اصبر شوي يمكن كاذب واحسه ولله الحمد في خلال نصف ساعه صار متواصل وبقوه
يعني كل عشر دقايق
طبعا الممرضه جايبه لي الاخت فطور .. ع بالها ماحولي شي قلت لها انا احس بطلق
كل عشر دقايق بققت عيونها وراحت تنادي الدكتوره لما جاتني الكتوره تسالني
كان الالم كل ماله ويشتد وكان سريع مرره وورى بعض ركبوا جهاز الطلق علي
وكشفت قالت واو ماشاءالله مفتوح سبعه سانتي ونصف خلاص انتي قرربتي مرررره
انا فرحت وجلست احمد ربي وشكره واردد لاحول ولاقوة الابالله واستغفر الله ع طول
نقلوني لكرسي الولاده وجلست نصف ساعه صح تعبت شوي بالدفع
بس الحمد الله لما جت الساعه 9 ونصف لحبيبة قلبي مشرفه اللهم لك الحمد والشكر
بس المفاجاه لما جت كانت 1كيلو 900 جرام ع الرغم انو المستشفى اللي اراجع عنده
ماذكر لي بوزنها شي وجلست بالحضانه اسبوعين وطلعت بالسلامه
طبعا انا دقيت ابشر زوجي ومامه وكلهم استغربوا ع بالهم توي
وولدي وبنتي اكثر العالم فرحه باختهم يموتون فيها الله يخليها لي ولهم ولاابوها
وذي قصتي وعقبالكم يارب تقوم كل حااامل بالسلامه
وتفرحها بشوف ضناها ... وترزق كل محرومه
عفيفه كوول @aafyfh_kool
عضوة فعالة
يلزم عليك تسجيل الدخول أولًا لكتابة تعليق.
ام النرجس
•
مشالله تبارك الله000مبروك والحمدلله على السلامه00
الفففففففففففففففففففففف مبررررررررررررررررروك وحمدلله ع السلامه وتتربى بعزكم ان شاء الله
الصفحة الأخيرة