بعد غياب دام اسبوع تقريبا لاني سافرت لي شوي اغير جو مع العيال وابوهم رجعت متحمسه
انزل لكم هذه الكبه سويتها من ساعتين بس للوالده الله يحفظها لي ان شاء الله عشان رمضان
للفرزله طبعا بس قليت ثلاث حبات عشان عيونكم يالغاليات كم بنات حواء عندنا
المقادير بكاس الجبن العادي>> 2 كاس برغل +1 كاس لحم مفروم+ 1/2 ملعقه صغيره
بيكنج بودر+1 ملعقه اكل سمن او زبده +ملح وفلفل اسود+ بصله مقطعه ارباع +
1ملعقة اكل نشا
_ في البدايه نغسل البرغل زين _ بعدين نفرمه في مفرمة اللحم بالحاله مره وحده بس
_ نعيد فرم البرغل مع اللحم المفروم والبصل
_ بعدين نحط كل المقادير المتبقيه مع بعض _نخلطهم زين _ بعدين نركب الجزء الخاص بالكبه في
مفرمة اللحم واذا تعرفين بيدك ما يخالف على راحتك
_ طبعا لازم تكون الحشوه جاهزه عندنا من قبل وهي عباره عن لحم مفروم مطبوخ وجاهز
_نبدأ نخرج العجينه بشكل انبوب نغلق طرف ونبدأ بالحشو
نحاول ان المقاسات تكون متساويه
نغلق الطرف الاخر ثم نبدأ بالتشكيل الي نعرفه <<البوز >>
_ في مرحلة القلي ضروري التركيز على مسألة القلي على مراحل بكميات قليله جدا حتى
لا تتفرقع وتخرب ضروري ثم ضروري القلي على دفعات قليله جدا
_اخيرا هذا شكلها بعد القلي
اسفه يا بنات بس كنت مستعجله تعرفون الساعه كانت وحده من الليل وانا مصلحتها لامي
ما قدرت اقلي كثير والوقت متأخر خفت ابوالعيال يرجع وانا ما خلصت
واذا تحبين تفريزها حطيها مثلي على نايلون او
سفره وبعدين على الفريزر وقبل القلي لازم تخرجينها قبل بوقت حتى يذوب الثلج
وهذه صوره لها من الداخل
اتمنى انها تكون اعجبتكم ونالت على استحسانكم
واي استفسار او سؤال انا حاضره وحتى لو كان على الخاص
