نوارة قطر73 :

هلا فيج اكثر حبوبه اما بالنسبه لسؤالج عن وجباتي .. بشكل عام اكلي مايكون كثير يعني لوقلنا الفطور يكون عباره عن بيضتين مع اشويه خس مع خيار ومرات نص طماطه ومعاهم جبن ومرتديلا ونسكافيه بدون كافيين. والغدا مرات مااكل غدا و اذا اكلت يكون قطعه دجاج او سمك مقلي مع خيار وخس وهذا مو دايما اتغدا. واما العشا اهني اكل اعوض بصراحه يعني مثلا مرات سلطه مع مايونيز بس اكثر شي خيار مع خس وجبن ومعاهم نقانق مقليه تقريبا 4 او شريحتين بورجر ومرات مشروم مقلي واشرب فيمتو دايت معاهم. مرات اذا جعت بين الوجبات اكل ملعقه زبدة الفول السوداني ومرات استخدم الكريمه مع البورجر.بشكل الجبن والخيار والخس بكل الوجبات عندي . اليوم وزنت وكنت زايده عن امس تقريبا نص كيلو لاني اكلت الفجر كاكاو وشبس :icon33: والله من القهر اكلت بس اليوم فطرت مشروم مقلي مع جبن وخس وخيار ونسكافيه ومااكلت غدا لاني طلعت برا وللحين ماتعشيت تعتقدين الاكل المقلي اهو السبب بثبات وزني ولا ارتفاعه؟؟انا باجر بخلص 3 اسابيع من بديت النظام وقلت راح اخفف الزيت يعني ماراح اكل المقليات مثل قبل وبحاول اخلي اكلي كله مشوي طبعا البيض لازم مقلي وباقي الاشياء عادي بدون زيت..شرايج؟؟ اسمحيلي طولت عليج بس والله احس هالمره حماسي للريجيم غير وحابه اضعف باي طريقه ... تحياتي لج نوارة قطر

هلا فيج اكثر حبوبه اما بالنسبه لسؤالج عن وجباتي .. بشكل عام اكلي مايكون كثير يعني لوقلنا...

ام ياسمينا :

بغيت اعرف ممكن اكل بوب كورن ولا ممنوع؟؟

بغيت اعرف ممكن اكل بوب كورن ولا ممنوع؟؟

Rashroush :

لا يمكنك مشاهدة هذا التعليق لانتهاكه شروط الاستخدام.

العين بصيرة وسارة قصيرة :

السلام عليكم اختي بنت الكويت انه توني والدة من شهر تقريبا ووزني كان قبل الحمال 120 ك سويت له حميات ونزلت الي 106 وبعدهالرقم بيومين عالطول حللت وحملت خلال الحمل وصلت الى 114 وبعد الولادة بيومين وزنة الا وانه 110 وبتاريخ8 -12-2005 وزنة وكان وزني وصل 112 ومن تاريخ 10-12 انه بادية بريجيم دشتي بس سؤالي اهو..........كم مدة اتم في المرحلة الاولى؟ علما بأن الدكتور كان عاملين معاه لقاء على تلفزيون البحرين وذكر انه احد المرضى تم في المرحلة الاولى سنة بس المذيعه ملقوفة ما اتخليه ايكمل كلامه . وعن ريحة الفم اعزكم الله قاال ممكن استخدام علج اللبان او البصري وبعد اكسرت فيه المذيعه وماخلته ايتعمق

السلام عليكم اختي بنت الكويت انه توني والدة من شهر تقريبا ووزني كان قبل الحمال 120 ك سويت له...