ياحبيباتي الأنواع هي:

الدرقي: سمينه من الوسط(الخصر)
النخامي: مليانه كلها مثل الطفل المليان
التناسلي : من تحت على المؤخره والأفخاذوالخصر صغير
الكظري :من فوق الصدر والأكتاف أكثر وشي بالبطن

وراح أحاول أكتب لكم بكره إن شاء الله معلومات كثيره
لأني الخميس أمسافره


وأنا الحين أتبع ريجيم النوع الواحد في أسبوع والسبت راح أبدا ببرنامج (الدرقي )

بإذن الله........

لقيت كل اللي أبي أكتبه موجود بس راجعوا الصفحات السابقه
خاصه ص 5
موجود فيها الحميه كامله

وإيش المسموح والممنوع

أختي الداعية أنتي شنو الرجيم اللي بتسوينة بالضبط علميني عشان نسويه مع بعض . أنا اليوم بدأت ... دعواتكم لي بالتوفيق .

اسوي ريجيم
اول يوم فواكه
والثاني خضار
والثالث خضار وفواكه
والرابع 6 موز وحليب منزوع الدسم
والباقي راح أجيبه لك إنشاء الله لأني الأن ما أعرفه
أنا اليوم بالثالث وماشيه تمام
بس طبعا من الفواكه والخضار الممنوعه
البطاطا الموز التين المانقا
والله يعينك شدي حيلك
وطبعا هذا مع المشي ثلاث أيام لمدة نصف ساعه
وإن قدرتي أكثر أفضل
بس ترى بتحسين بدوخه بس اتحملي
أنا متحمسه ودي أنحف قبل المدرسه على شان يطلع اللبس مرتب

حبيبتي الداعية أنا قصدت الرجيم الدرقي و أنا اليوم بدأت بس عفست شوي على الغذا أكلت عيش و هو المفروض أني ما آكل إلا عيش أسمر و بكمية قليلة جدا بس أنا شوي زودتها. المشكلة أن أنا ما عندي الكتاب و قاعده بس أتبع التعليمات اللي مكتوبه في هذا الموضوع .

حبيبتي أنت مو من النوع الدرقي ؟؟؟ المفروض تمتنعين عن الفواكه تماماً لأنها تخفض عملية الحرق في الجسم . هذا اللي عرفته عن هالنوع من الرجيم . و الله يوفقك في رجيمك.

أنا بصراحة هدفي هو أني أنزل الكرش فقط لا غير لأن ما عندي زيادة وزن أبداً.