السلام عليكم ورحمة الله وبركاته
قال صَلَّى اللهُ عَلَيْهِ وَسَلَّمَ: {لا يؤمن أحدكم حتى يحب لأخيه ما يحب لنفسه }
ومن هذا المنطلق حبيت اشاركم رجيمي الخاص فيني ولو اني ما اسميه رجيم
كل اللي عملته تغيير في نظامي الغذائي عامة
قبل 9 شهور تقريبا قررت ابعد عن المشروبات الغازيه ولله الحمد ما شربتها بعد كدا واتعودت صرت بعد الاكل اذا احتجت اشرب مويا او عصير فرش ( ليمون نعناع مشروبي المعتاد )
نظامي الغذائي اللي سميته تبديل وتخفيف هو :
لا لكل الاشياء البيضا ___ رز ابيض , مكرونه , عيش , معجنات بكل انواعها
لا للدهون ___ مقليات بأنواعها ولا تحمير لأي شي من الطبخات
لا للسكريات ____ الشوكلاتات وكل شي حالي من محلات الحلويات كيك بيتي فور معمول وكل شي
لا للمنبهات _____ شاهي احمر وقهوة بأنواعها (( اوقات اعطي نفسي مره بالأسبوع اشرب قهوة تركي واوقات لا يعني مو الزامي وقت الرغبة ))
لا للملح العادي
البديل
رز اسمر
مكرونه سمرا
عيش حب بأنواعه توست دائري صامولي
البروتين
بيضا للفطور مع توست مع جبن خالي الدسم
للغدا
اوقات سمك او جمبري او حبارا او دجاج ( انا ما اكل اللحم او المفروم بالعاده من قبل النظام الغذائي)
وطبعا كل طبخي صحي بالبيت عن طريق البخار او السلق فقط مع شويه ملح بحري و النكهات اخدها من الخضار لما اضيفها ع الوجبه
العشا
مو كثير ادورو بعد وجبة الغدا فأوقات اتعشى فواكه سلطه او نفس الفطور توست وجبن من دون بيضا
للمعلوميه
انا افطر الظهر و الغدا على المغرب عشان كدا مو دايم اتعشى اكون شبعانه
وثاني شي بعد كل وجبه اشرب شاهي الضيافه و شاهي اخضر ( استخدم السكر البني )
حبيت اقولكم اني اوقات اعمل رياضة واوقات لا يعني مو منتظمة ولا راح انتظم مافي وقت
دا نظامي الخاص ومريحني ومخليني احس اني خفيفه مره وحبيت اشاركم فيه ممكن تستفيدو منو
وكمان اخد وصفات صحية من المنتديات اللي اشوفو فعلا صحي اعملو لنفسي واللي احس فيه مبالغه بالنظر للمكونات المستخدمه استبعدوا
وبالنسبه للحلا لازم الواحد يشتهي حلويات
باخد من قسم الدايت بساكيت بالشوفان او بالشوكلا بس مو اكلها يوميا اذا حسيت اني احتاج حلا
وحاليا جبت معمول بالبر
اذا فادكم الموضوع واذا عندكم اي استفسار انا حاضره
دعواتكم ليا بحسن الخاتمه ولجميع المسلمين
يلزم عليك تسجيل الدخول أولًا لكتابة تعليق.
أتوقع في غلط بنظامك لان مو صحيح ماتاكلين هالاشياء بتجلسين فتره وبترجعين لهاأتوقع في غلط بنظامك لان مو صحيح ماتاكلين هالاشياء بتجلسين فتره وبترجعين لها
اتقبل رايك بس ايش قصدك ما اكل الاشياء انا بدلت كل شي يحتاجو جسمي والحمدلله صرت ما اشتهي الاكل زي اول معدتي صغرت لاني قللت الاكل في الوجبات
الصفحة الأخيرة
انا اتبع رجيم النقاط وشكلي بستبدل الاشياء البيضاء بالسمراء
فكره حلوه لان مالي غنى عنها