اول مره اسمع عنه :cool:

هذا ريجيم الدكتور اتكنز.. و الممثلات و الممثلين في امريكا يستخدمونه.. منهم الممثلة جينيفر انيستن.. وزوجها براد بت... و كاثرين زيتا جونز و سلمى حايك....
المهم ان الريجيم يمنعك من اكل النشويات .. و تعتمدين على البروتينات و الزيوت النافعة - و الخضار... يعني ممنوع الخبز و المعكرونة و الارز.. حتى الفواكه... ممنوعة... و تنزلين عليه تقريبا 6 كيلو بالشهر... و يكون الوزن اللي راح شحوم مب ماي مثل باقي الريجيمات... طبعا لازم تشترين اصابع البروتين المغطاة بالشوكولاته من شركة اتكنز.. و تاكلينها مرتين باليوم... و انصحك بقراءة الكتب اللي كتبها الدكتور اتكنز علشان تفهمين الريجيم عدل.. و تطبقينه حسب وزن كتله العضل اللي في جسمج...

والله يوفقج مع هالريجيم.....

جويل حبيبتى مشكوره على ذكر الرجيم ..:24:

الله يعطيج العافيه اختى uaewoman. على معلومات طيبه منج عن الرجيم ..:26:

هذا الريجيم مفيد جداً والنحف عليه شي اكيد ,,

اعرف كثير نحفوا عليه ,, وعلى حسب السمنه اللي في جسمك راح تلاحظين الضعف ,,

واحد من جماعتنا ضعف عليه 50 كيلو في سنه ,, وله الآن 3 سنوات من سواه ولا زاد ,,

اللي تحب البيض والأجبان واللحوم ,, الريجيم هذا رووعه وتاكلين بالكميات اللي تبينها ,,

ونزل الدكتور كتاب فيه طبخات خاصه لريجيم اتكنز ويوجد في امريكا وجبات سناك وحلويات مثل سنكرز ومارس , عليها اسم الدكتور وهي خاصه لريجيم البروتينات ,,

الله معك اختي

شكرا على ردودكم

انا قريت عنه وايد بالموقع وبحاول اطبقه وبخبركم عن النتايج انشالله

ومثل ماقالت الاخت تاكلين كل شي الا النشويات مثل الخبز والمعكورنه والرز والحلويات والسكريات يعني اغلب الاكل بيكون بروتينات ولحوم واسماك مع سلطات وممكن توصل لخمس وجبات باليوم

مابي انزل وايد بس راضيه بعشره كيلو بس :42::42::42: