رجيم الفواكة و الخضار؟

اعذروني لوضعي الموضوع هنا في قسم الاسرة بس هنا أكثر تجمع و اتمني الاقي إجابة سريعة

لا إله إلا الله

اعملي تمارين البطن .. هي الوحيدة الي تمسح بطنك مسح. انا مثلك بس بطن. اعمل ريجيم مع رياضه اذا استمر بطني تنشد بس اترك بحكم العمل ترجع.

لازم بروتين في اكلك. البطن غالبا من النشويات. قللي رز وخبز. استبدليهم ببطاطس مسلوق وذرة قرع زبادي دجاج (اللحم لاتكثرين منه كل فترة) بقوليات تونة سمك فواكه خضار وامشي بطنك بيخف كثير.وصلحي تمارين بطن مرتين في الاسبوع عشان يصير شكله مرتب

اسألي نفسك هل هذا النظام الغذائي مناسب لنمط حياتك وذوقك في الاكل ؟

وهل انتي قادره تستمرين عليه طول عمرك ؟

وانا متأكده ان الاجابه .. لا

وطالما الاجابه لا ، يعني حتى لو حرمتي نفسك شهرين ثلاثه ونحفتي بمجرد ماتتركين الرجيم راح يرجع وزنك ومعه هديه كم كيلو زياده ..

وبما انك ماعندك مشكله في جسمك بس دهون بمنطقة البطن يعني جسمك طبيعته كذا يخزن الدهون بالبطن .
افضل حل انك تخففين او تقطعين السكريات والحلويات وتستبدلين المقالي والدهون والشحوم بالمشاوي .

وتقللين كمية النشويات في وجباتك لنص او ربع الكميه اللي تاكلينها بالعاده يعني تكتفين بكميه بسيطه .
كذلك اللحوم والبقوليات قلليها لنص الكميه اللي تاكلينها

واعتمدي على السلطات الخضراء والخضار الغير نشويه مثل الكوسا الزهره البروكولي الباذنجان الجزر الباميه كلي منها الى ان تحسين بالشبع لانها ماتسمن سعراتها مره قليله وفيها ألياف تعبي المعده وتحسسك بالشبع بشرط اطبخيها بدون دهون ولا قلي بالزيت ..

وعشان تعرفين وش تاكلين بكثرة وش تقللين منه للربع والنص افتحي قوقل وابدأي اقرأي عن السعرات الحراريه في جميع الاطعمه

وجهزي لك وجبات خفيفه تنقنقين عليها بين الوجبات مثل البوب كورن بالمايكروييف بدون زيت او جهزي سلطه خضرا او خيار وزبادي او شوربة خضار كل ماجعتي خذي منها

وابحثي بالنت عن طرق اعداد وجبات خفيفة السعرات وقليلة النشويات على سبيل المثال تلقين باليوتيوب طريقة بيتزا بدون طحين مطبوخه بقرنبيط مفروم مع بيض وجبن سعراتها اقل بكثير من البيتزا اللي بطحين .

كذلك فيه طريقة خبز الشوفان برضو سعراته اقل بكثير من الخبز العادي .

ابحثي بالنت في افكار واشياء كثير تساعدك على تحسين نمطك الغذائي بدون ماتحسين بالحرمان وبنفس الوقت تستمرين عليه طول حياتك وتنحفين وتحافظين على رشاقتك ..

واهم شي اشربي مويه كثير وارقصي كثير هزي خصرك ونطنطي متواصل وانتي تتنفسين شهيق وزفير لو 10 إلى 20 دقيقه باليوم ومع الوقت تزيدين الوقت ..

وانصحك بتمارين الزومبا والخمسه ميل والاستبس وكلها باليوتيوب موجوده