رجيم اللقيمات ... للي ماعندهم أراده قويه خلونا نبدا ونتحمس

مرحبا ملايين للدبدوبات أمثالي مامليتو من الكرش المنهدل والزنود الوارمه والأرداف حدث ولاحرج أنا عن نفسي مليت وكرهت جسمي بكل ماتعنيه الكلمه ..تعبت وانا اقول ببدا بكره وبسوي هذا الرجيم وذاك الرجيم احس بصعوبه واني مااقدر التزم حتى بوجبه وحده فقلت مافي إلا إني أبدا بالتخفيف يعني آكل كمية اقل من اللي تعودت عليها فقلت ليش ما امشي على علم اللقيمات للدكتور الهاشمي وحبيته وحسيت انه باستطاعتي اتباعه فشورايكم نبدا من بكره الرجيم يسمحلنا أنا ناكل كل اللي فخاطرنا بس بكميات قليله وكل ساعتين لنا وجبه خفيفه ((حبة فاكهة او خضار)) بعد وجبة الإفطار طبعاً وفي وجبه رئيسيه الي تحتوي على كوب ونصف سلطه خضرا ونصف كوب من النشويات ونصف اخر خضار مطبوخه وقطعة بروتين من اللحوم او الأسماك وقطعه حلويات بحجم علبة الكبريت ويحبذ تأخير الوجبه ألرئيسيه عشان ماتجوعون وبعد الوجبة ألرئيسيه بساعتين نرجع للفاكهه وصح شي مهم نسيته لازم قبل الوجبه ألرئيسيه بساعتين ناكل يا فول سوداني اولوزكل نص ساعه يعني بتكون اربع مرات قبل الوجبة ألرئيسيه عشان يعطينا إحساس بالشبع
فيلا خلنا نحمس بعض أنا وزني الحالي 90وهدف الاول 80 يلا ياكروشات خلونا نلبس لإرج وميديم وسمول خلونا ندخل السوق ندور سايز 14و12 ليش لأ إحنا قدها إحنا نحمل ونولد ونربي مابنتحمل تقليل الاكل ساعدوني وبساعدكم .... انتي ايوه انتي اللي قاعده تاكلين برنجلز ودبل برجر ارمي من ايدج وحطي ايدج فايدي وخلينا نمشي في درب الرشاقه انتظركم يااحلى حوائيات .....