رجيم رمضاني مشبع

بنات انه صار شعاري وع للسمنه هههههه لاعت جبدي من السمنه وقررت اني اتبع ريجيم رمضاني وعجبني هالريجيم بس افكر ابدل الحلويات بالشيك اوف المنظف للبطن وراح اضيف الكلوروفيل للماي علشان امنع الترهل واخلي جسمي ينشد مع الريجيم

ان شاء الله يعحبكم



ريجيم رمضاني مشبع +يوم حر + حلويات وينقص وزنك
السلام عليكم ورحمة الله وبركاته
ومسائكن ورد

حبايبي بداية أقولكم رمضان كريم وربي يتقبل منكم

اللحين نرجع لموضوعنا العام اللي طاف رحت عند دكتوره في بوظبي وسوتلي ريجيم لرمضان وهو وااااااااااااااااااااايد حلو بس لا تسألوني كم ضعفت عليه لأني ما أستمريت بس أختي وايد استفادت منه وكل ريجيمات الدكتورة اللي ضعفت عليها من 90 إلى 75 تقريبا تنقص ما بين كيلوين إلى ثلاثة في الأسبوع


الأسبوع الأول+ الثاني :

السحور (ثابت ) كوب عصير + ساندويش أي نوع
وجبة خفيفة ( بعد صلاة التراويح ) كوب عصير + كوب حلويات


الأفطار :
يتكون من جزئين الأول ثابت وهو ( 3 حبات تمر + كوب عصير + كوب شوربة أو 2 حبة سمبوسه )

الجزء الثاني متغير مع تغير الأيام :

اليوم الأول = كوب عيش برياني أو أبيض + قطعة دجاج مشوي + سلطة )
اليوم الثاني = نص كوب هريس +2 حبة فطاير
اليوم الثالث = نص كوب ثريد +2 حبة سمبوسه
اليوم الرابع = كوب هريس أو ثريد + سلطة
اليوم الخامس= كوب رز + صالونه (مرق )
اليوم السادس = تكرار لأي يوم من الأيام
اليوم السابع = حر








الأسبوع الثالث+ الرابع :

السحور =كوب عصبر + كوب حليب خالي الدسم أو قليل + كوب كورن فليكس
الوجبة الخفيفة = كوب عصير + كوب حلويات


الأفطار :

يتكون من جزئين الأول ثابت وهو ( 3 حبات تمر + كوب عصير + كوب شوربة أو 2 حبة سمبوسه )
الجزء الثاني متغير مع تغير الأيام :

اليوم الأول = كوب هريس أو ثريد
اليوم الثاني = رغيف خبز صغير + صالونه
اليوم الثالث = 4 حبات فطاير + سلطة
اليوم الرابع = رغيف صغير + دجاج مشوي + سلطة
اليوم الخامس= كوب برياني + قطعة دجاج + سلطة
اليوم السادس = تكرار لأي يوم من الأيام
اليوم السابع = حر




ملاحظات :
دائما الدكتورة تفضل العصير يبدل بفاكهتين , وإذا كان عصير بدون سكر أو سكر الريجيم
بالنسبة للشاي بدون سكر فهو مسموح بأي كمية


الأعشاب مسموحه بدون سكر
مقدار الكوب يعني الكوب للماء الصغير وليس الكبير لأن بعض كاسات الماي يكون حجمها XXXL
يمكن إبدال يوم بآخر

وربي يوفقكم


منقوووول للفائدة