رجيم فادي تجربتي ومعاناتي التخبيصيه

يسعدلي ايامكم جميعا


مالي بالمقدمات
انا وحده صعب اتقيد بالنظام يعني لو حاطه ببالي رجيم وانتظام لازم يجي الشيطان ويوسوس عليا ليين تتعب نفسيتي مو اكل لا بس ارتاح لمن اخبص


اما لو ماكنت عامله رجيم ممكن يعدي يوم كامل ماافكر بالاكل
اظن المسألة عناد ووسوسه الله يبعدو عني وعن الجميع


بس اصريت اعمل رجيم فادي اظن الكل عارفه
بديت الاسبوع الاول بحماس عديت اول يومين بسلام
لكن اليوم التالت بدا الشيطان يوسوس وخبصت
بس م استسلمت رجعت وكملت اليوم اللي بعدو وانا بعزيمة اقوى
وبرضو رجعت خبصت بالعشاء
المهم عديت الاربع ايام معاناة وصراع نفسي وتانيب ضمير بعد التخبيص


اليوم الخامس خبصت لين قلت بس وقلت بما انو خبصت خلاص راح اكتفي واخليه اليوم المفتوح
ماحبيت استسلم واليوم حبيت اكمل الاسبوع التاني من الرجيم
وها انا اليوم ب اول يوم اتمنى اتمنى ان ربي يقدرني ويساعدني اني اصبر


اللي استفدت منو بالاسبوع الاول مع التخبيصات
والله احس نفسي خفيفه وحتى بطني وجوانبي خفو بشكل ملحوظ هدا اللي شجعني اكمل الاسبوع التاني


اتمنى يابنات انكم تشجعوني وتدعولي بالصبر والاستمرار


*ملاحظه
دايمن لمن نخبص نحس انو خلاص الدنيا وقفت بطريقنا ويجينا احباط
لا تياسو خبصتي كملي لا نقول انو ماينفع وحبدا من جديد واغلبنا يتكاسل وماعاد يرجع وانا اولكم
ممكن يقلل من النزول لكن الاستمرار افضل من الرجوع للعادة السيئه حقتنا بالاكل وكمان وعودنا وتاجيلنا للكلمة الشهيرة ( يوم السبت ابدا )


قدامنا اسبوعين قبل رمضان الله يبلغنا جميعا بصحة وسلامة
لازم لازم نخفف ع الاقل لان بالنسبه ليا الرجيم برمضان متعب وممكن نتبع الخفيف


ادري طولت عليكم لكن حبيت اكتب تجربتي ممكن احد يستفيد منها ويتشجع زي


اللي عندها تجربه ممكن تكتبها للتشجيع


وسلامتكم ♡