مساء الخير
بعد الأناناس بساعة ( يعني تقريبا الساعة 11 ونص الصباح )
اكلت شريحة توست مدهونة بملعقة فول سوداني


الغداء ما حبيت يكون شكلي شاذ على الطاولة
فاستبدلت العشاء بدل الغداء
اكلت على الغداء سلطة و شريحة همبرغر مشوية سويتها ساندويتش بالخس ( لان غير مسموح الخبز مع البروتينات)
الخس حشيته الهمبرغر و شرائح طماطم


على العشاء
اكلت سلطة مع بيضتين مسلوقة
حاولت اشرب موية كل شوي


مره اشتهيت اشرب بيبسي 🙈 بس الحمد لله مشى الحال
بكره الصباح اوزن و أبلغكم


ملاحظة
الرجيم اصلا 3 ايام فقط
و ممكن تكرارها
بس انا بعد الثلاث ايام راح امشي على رجيم ثاني تبعه أسمة العشاء الحر لاني معزومة بالليل

ان شاء الله تنحفي وتفرحي وانتي بخير وسلامه

السلام عليكم
للاسف امس الليل جاتني الدورة الله يكرمكم
ما احب لمن تجي ببرنامج جديد لان يصير صعب الحكم عليه خصوصا انه قصير


عموما
اليوم أفطرت حبتين برتقال
و بعدها بساعة شريحة توست مع ملعقة بينت باتر ( الصدق احس بمتعه و انا أكلها - كأنها هدية- لانها النشويات الوحيدة في اليوم )
الغداء اتغديت شريحة و نص صدر دجاج مشوي تبلته ببزار الليمون مع طماطم و لفيته بخس مع شوي سلطة
العشاء
صراحة خفت اخبص لان مع الدورة فقلت ما راح اكل بيضتين مسلوقة ، استبدلتها بشريحة همبرغر ( بروتين بدل البروتين فما تعتبر مخالفة قوية )
أكلتها بنفس طريقة غداء امس سندويتش بس بدل الخبز خس و لا كملتها


اليوم احس اخف من امس
امس الصداع كان شديد و كنت حاسه نفسي جوعانة
اليوم افضل
اذا حسّيت بالجوع اجيب لي كاس ثلج و احط عليه شوي مويه و اشرب المويه و اتسلى بقرض الثلج 😅🙈
طبعا هذي عادة سيئة عندي و لحد يجربها لانها عدام للأسنان
اشوفكم بكره على خير