@ رحلة برية في ربوع مكه البهية @

صبااااااااح المسك والعنبر ؛؛؛ صباااااااح الشهد والسكر

صباااااااااااح حلو ما يتغير ؛؛؛ صبااااااااااح بالحب منووووور

ابدخل في السالفه على طول بلا مقدمات بلا هم>> وحده ذبحها السهر وعيونها صارت كذا :12:

امس الجمعه الله يسلمكم اقترح ما زولتي انه يطلعنا للبر عاد خبركم مكه الله يعمرها

ما فيها بحر مهنا الا بر وجبال

المهم ونزين قهوتنا ونطلع من صلاة العصر >> قراوه ما قيد شافوا خير خخخخخخخخخ

ونفرش فريشنا وننزل قهوتنا واجلس انا ومازولتي نسولف وبناتي يلعبن حولي

وعاد يوم الجمعه عندي يوم مفتوح اتصل فيه على الحبايب كلمت شوكولاته ثمن المريخيه

ثمن اختكم امل ثمن جلست ارسل بعض المسجات لضيوووووونه ورووووووعه

وسمركيك ابشرهم ان بكره مدرسه >>>>> الا ابضيق صدورهم :D نذله بقووووووووة

المهم يوم بداء الظلام قام مازولتي وولع لمبة على بطارية السياره وقاموا

بناتي يلعبون في الرمل اللي تزين لها بيت واللي تزين لها كيكه >> اعجبتني كيكتها مسويه

كيكه مدوره بالرمل وحاطه عليها اغصان شجر كنها شموع وراشتها باوراق الشجر

الصغيره كأنها زينه >>>>> شكلها بتطلع طباخه مثل امها خخخخخخخ اممممممممحق

وجالسين يغنون ومنسجمين في اللعب اول افتتاح لمسرح المنوعات كان بأغنية

ابله جميله يا عيوني ،، ياللي لابسه الليموني

لابسه الساعه اللماعه ،، تسوى كل الجماعه

والأبلات معاها ،، وابله جميله تسواهم :05: >> اداء ملكة البحرين :07:

والأغنية الثانيه من أداء * الباكستانيه * وطبعا باقي الفرقه تردد وراها والأغنيه تقول ::

ابوكم مصري ......... ايوووووووه
جالس على الكرسي ........ ايووووووووه
يعد فلوووووووسه ..........ايووووووووه
علشان عرووووسه .........ايووووووووه
عروسته سلووووى ......... ايوووووووه
بتحب الحلوىىىى .......... ايوووووووه
جابت وووووولدين ............ايوووووووه
حسن وووووحسين ........... ايوووووووه
سافرووووا البحرين .......... ايوووووووه
ماتواااااااا الأثنين .............ايووووووووه >>> الله يكفينا الشر

وعاد نوال الزغبي * العبده * سابقاَ جالسه فوق السيكل من يوم ظلمت الدنيا مهب راضيه

تنزل تقول * احاف من الحنافص * هههههههههههههههههههههااااااااااااااااي

المهم وهم منسجمين في لعبهم الا قامت * ملكة البحرين * تصرخ يا مامه دوده

>>>>>>> عاد خبركم بنات دلع كل الحشرات يسمونها دوده خخخخخخخخخ

وقمت انا قلت كيف شكلها قالت : دوده طويله واناظر تحت الا اشوف عقرب تمشيء وراها

عاد خبركم العقرب سريعه وحست بحركة احد جنبها وقامت تسرع اتجاهها قام ابونا

وقمز بيذبحها عاد بنتي الصغيره قامت تصيح وجلست بحظني ويوم قام ابونا الا اشوف

مكانه عقرب ثانيه يعني سبحان الله كانت تحته وحده ثانيه ولا قرصته واقوم انطل بنتي

بألأرض واقعد اصيح عاد بناتي فكوا الونان ابونا ما يدري وشهوله قاعده اصيح وانا ما عاد

قويت اتكلم انربط لساني لأنه كان جالس بجنبي والعقرب تحته يا ويل قلبي :08:

قاموا بناتي يصيحون يا بابه عقرب ثانيه ويقوم يذبحها قلت والله ما بدهاش سرينا

على البيت سيده بس كيف ابمشي لين السياره جبها جنبي ماعاد قدرت اتحرك من مكاني

وطول ماني في الطريق جالسه اتحسس عمري عسى ما نشب شيء في عباتي والا

في ملابس بناتي :41: والله الفجعه شينه

واذكر وانا صغيره كنت العب في الحوش مع اخواني والا احس بشيء تحت ملابسي داخل

جسمي واقوم اقمز واصيح ولا طاح احسه ناشب واقوم امسكه من فوق الملابس واجي لم امي

اصيح واقول لها يمه صرصار عاد انا اموت اذا شميت ريحته مهب عاد اشوفه وقامت امي

تنفض ملابسي الا العقرب اللي طايحه مني ويوم شفتها دخت احسب انها قرصتني وابي اموت

خخخخخخخخخخ قالت امي احمدي ربك انها قرصتك يوم الجمعه لان العقرب في هذا اليوم

تفضي سمها وما يكون فيها شيء بس تقرص على الفاضي >> من زود الفضاوه :05:

عاد اللي عندها قصة عن العقارب والا قد جربت قرصتها والا سمعت

عن احد انقرص بها لا تبخل بالمشاركه ............................................