ماشاء الله عليك بالتفصيل ياعسل المهم حصلتم اسواق حلو وقوليلي اماكنها واسمائها
ماشاء الله عليك بالتفصيل ياعسل المهم حصلتم اسواق حلو وقوليلي اماكنها واسمائها
هلا وغلا دلوعه كلها جروح......اسواقهم عاديه مو زي اسواقنا .....السوق اللي دخلته ماجستيك سيتي ويوجد في كولمبو بس في اسواق كثيره في كولمبو مارحتها لان قريت ان افضل شئ ماجستيك
mmms
•
ماشاء الله
والحمد الله على سلامتكم
اخيرا خلصتي التقرير الله يعينك صراحة شي متعب تنزلي موضوع بصور
بس تسلم يدك وعقبال ماتلفي العالم كله
والحمد الله على سلامتكم
اخيرا خلصتي التقرير الله يعينك صراحة شي متعب تنزلي موضوع بصور
بس تسلم يدك وعقبال ماتلفي العالم كله
الله يعطيك العااافيه ياطم طم امتعتينا بالرحله وان شاء الله تلفين العاااالم كله بصحه وعاافيه ياعسل
الصفحة الأخيرة
صحينا سبعه وجهزنا وافطرنا والاولاد ماافطروا قالوا نبغى ننام قلتلهم في الطايرة ناموا ......خلصنا ودق السواق قال انا تحت ونزل زوجي عشان يعمل تشيك اوت ......وفطرت جواد وجاء العامل واخذ الشنط وقالي انزلي وانا وراك ونزلت وتأخر عامل الشنط ربع ساعة مع انه كانت الشنط عند المصعد ....بعدين تعرفون ليش تأخر؟؟؟؟؟؟؟
عملنا تشيك اوت وتوجهنا الى المطار وكان يبعد ساعة وفي الطريق كان فيه تفتيش بس لما قاله السواق سعوديين ورايحين المطار مافتشنا بس شاف بطاقة زوجي ......
ووصلنا المطار وكان مليان سعوديين وبعد ماخلص زوجي اجراءات الشحن والدخول وكان مرة زحمة واخذنا اوراق المغادرة وعبيناها وخلصنا كل الاجراءات وبعدين توجهنا لمطعم عشان الاولاد يفطروا وافطرنا معاهم لان فطورنا كان توست وجبن ومربى فأخذنا سندوتشات تونه وعصيرات ولجواد كورن فليكس.....وخلصنا فطورنا وكانت الساعة 11 وتوجهنا لبوابتنا وجلسنا ننتظر قلنا ماراح ندخل الا في النداء الاخير عشان جواد مايطفش وسيف معصب يقول الناس كلها دخلت الطايرة الا احنا الحين تروح وتسيبنا .......شوي والا موظف في الطايرة سعودي جاي يصرخ يقول كل اللي جالسين يدخلون الطايرة عشان نخلص ورحنا ولقينا العالم واقفه طابور للرجال وطابور للنساء والموظفين يفتشوا الشنط قال زوجي يعني مو كفايه التفتيش حق المطار .....
وفتشونا ودخلنا وقالهم زوجي عربيتي بدخلها معايه الطايرة لان الاولى ضيعتوها لي قال اوكيه وكانت مقاعدنا ثلاثة بجنب بعض وزوجي بجنبنا ......وكانت الطايرة مليانه سيرلنكيين ...... واقلعت الطايرة وكانوا الاولاد مبسوطين وخصوصا جواد بس بعد ساعة بدى يسوي قلق يبغى يمشي على كيفه وجلس يتنقل بيني وبين ابوه بس بعدين بدى البكاء والقلق يبغى ينام واخذه زوجي وجلس يتجول فيه في الطايرة ......بس جواد مايبغى ابوه يجلس
لقي زوجي مقعد ورانا فاضي ونقل سامر فيه عشان انيم جواد مكان سامر وراح سامر وعلى طول نام وجواد مانام الا بطلوع الروح.........وسيف صاحي طفشان واعطيته يلعب في جوالي الى ان طفش ونام وكان الكل نايم انا طبعا اخذت الجريدة اللي وزعوها اول مادخلنا في الطايرة وجلست اقراها وبعدين اخذت مجله في الطايرة وقريتها بس بعدين طفشت وتمنيت الكمبيوتر معايه ..... طبعا زوجي صلى الظهر والعصر في الطايرة الساعة وحده
ماصدقت يوم قالوا البسوا الاحزمه .........واصحي الاولاد والبسهم واعطيهم اللبان وبعدين وزعوا حلاوة في الطايره والباقي جات المظيفه واعطتنيه قالت خذيها كلها لاولادك ........
ووصلنا الرياض وصحي جواد وجلس يبكي ونزلنا وقالوا طايرة جدة بتقلع ونجري جري نخلص الاجراءات ......
فرق بين مطارنا ومطار سيرلنكا في كل شئ حتى في الاجراءات ...عندنا المطار حوسه ولخبطه .......وقالولنا خذوا عفشكم معاكم عشان الطايرة بتوقف هنا .....واخذنا العفش معانا وقالوا روحوا على الصاله الداخليه وبالعافيه لقيناها وبعد التفتيش قالوا عربيات حمل الامتعه ماتدخل معاكم قال زوجي وكيف اشيل هذا العفش خصوصا كيس الشاهي الكبير ووزعنا الشنط علينا وقال زوجي راح اشوفلي عامل راح وجاب عامل وشال الكيس وشنطه وشحناها وراح زوجي يصرف فلوس سعوديه
بعد ماخلصنا لقينا لسى بدري على طايرتنا وجلسنا ننتظر ......وبعد نص ساعة دخلنا الطايرة وكانت الساعة خمسه وكانت مقاعدنا متفرقه اثنين بجنب بعض وواحد في الامام وواحد في اخر الطايرة قال زوجي انت وسامر بجنب بعض وسيف قدام وانا بروح اخر الطايرة الى ان نقلع وبعدين نترتب ....طبعا كالعادة الطايرة لخبطة في المقاعد وكان في عايله من سبع افراد يبغوا يجلسوا بجنب بعض قال المضيف الحين اجلسوا في مقاعدكم الى انا القالكم مكان وجاء عندي وجلس ثنتين بجنبي وقال مكانك غلط هذي مقاعد العايله ذي قلتله لا متأكدة من مكاني قال وريني الورقه قلتله مع زوجي ورى واعطيته رقم المقعد بس مانا عارفه الحرف وقلتله خذ سيف وهو يدلك على مكانه ..........واخذ سيف وراح وشوي الا زوجي جاييني وقلتله الرجال اخذ سيف وراح يدور عليك وناداه زوجي وقاله ابغى اجلس بجنب عايلتي قال خلاص وقوم العايله اللي من سبعة افراد لانه لقيلهم ست مقاعد بجنب بعض وقاموا واحنا جلسنا بجنب بعض بس زوجي جلس قدامنا قال اعطي جواد مقعد لوحده وارتاح جواد واقلعت الطايرة وكانت الرحله الحمدلله مريحه مافيها تعب بس جواد لما جينا بنهبط استفرغ بس الحمدلله كان فيه كيس للاستفراغ لانه طوال الرحله ياكل لبان وحلويات ولخبط وانا طبعا قدمت لجواد تنازلات كثيره في موضوع الحلويات بس عشان يسكت ..........
وصلنا جدة الساعة سته وكان في الانتظار عامل عند زوجي وخلصنا اجراءات الدخول وكان زوجي يبغى يصلي المغرب بس لقينا الصلاة انتهت وركبنا السيارة وتوجهنا الى بيتنا ووقف الرجال ونزل عند سيارته واحنا مرينا واشترينا مطبق ومعصوب لان الاولاد اشتاقوله وتعشينا والاولاد مارضيوا ينامون الا اذا اخذوا العابهم وفتحنا الشنط ولقينا لعبة سيف وباقي الالعاب الا لعبة سامر مالقيناها بس لقينا الكرتونه حقتها قلنا اكيد انفكت من رمي الشنطه في الشحن وقلبنا الشنطه فوق تحت ومالقينا لها أي اثر وعرفنا ان في احد فتح الشنطه واخذها لان شنطة الهدايا قفلها خربان بس ياترى مين اللي الله يكسر يده اللي اخذها وتذكرت عامل الشنط اللي في فندق رمادا لما تأخر ربع ساعة بعد مانزلت ودعيت عليه لانه مومعقوله في المطار حد فتحها لانها معانا طوال الوقت وبعدين على الشحن حسبي الله عليه مالقى الا لعبة سامر المسكين طبعا سامر شوي ويبكي وقلت لسيف اعطي اخوك معاك لان لعبته فيها وحوش بن تن كامله ومارضي واعطيناه لعبة سعود اللي اشتريناها هدية وفرح وقلناله سعود نشتريله من هنا وسيف طوال الوقت ليش تعطونه لعبة سعود قلناله خلاص انت اعطي سعود لعبتك قال ياسلام لا ماراح اعطيه لعبتي ...........اناني يفكر بس في نفسه.......وقلت لسيف نام عشان المدرسة ونمنا كلنا .......وبدينا في القلق والدراسه والصراخ هههههههههه
والحمدلله خلصت التقرير اخيرا :icon28: