رحلة غرسه وحفره لاستراليا الجزء الاول

" الجزء الأول "

هذي قصة بنتين ناوين يسافرون لاستراليا :-

الشخصيات اللي راح نتكلم عنهم :-

غرسه:- عمرها 15 سنه و3 شهور .

حفره :- عمرها 15 سنه وشهرين .

مجول :-........... سنه ............ شهر .

غرسه الاخت الكبرى لحفره وطبعاً هم اخوات من الابو ومجول خال حفره بس بسبب رضاعة غرسه مع

حفره صار خالها ...

نبدا بالقصه ...

في بيت مصيول .... اللي هو ابو غرسه و حفره اليوم قالبين البيت فوق تحت علشان مجول راح يسافر لاستراليا

لمدة سنه وسته شهور والبيت كله قالبين اليوم مناحه وهذا اليوم كان جمعه وعيد الاضحى يون الاثنين بس" الامر لله "

مالنا دخل بس خلنا نشوف وش صار بعد ماسافر

مرت 4 شهور على سفر خالهم طبعاً الوقت عند خالهم يمر بابطأ مايكون بس هم ماحسسوه بالوحده كل يوم يكلمونه مره من المراير اقترح عليهم اقتراح ان يجونه في استراليا بس البنات شايلين الفكره من روسهم اساساً لانه مستحيل يروحون لان عايلتهم ماتسمح لهم بالسفرات عندهم اللي بناتهم يروحون برا عيب :-

غرسه:- حفوره ليه مانروح وش اللي يمنع .

حفره:- حلوه وش اللي يمنع اقول شيلي الفكرة من راسك وانطقي .

غرسه:- اقول خلينا نحاول .

حفره:- انتي اكيد انجنيتي حنا مانروح لمدينه ثانيه من دون اهلنا اجل كيف تبينا نروح وبعدين حنا مانروح حتى لوبيت عمي او عمتي إلا بأمي اقول امسحيها بكلوركس وإلا اقول انا اللي بمسحها لك.

غرسه:- كيفك حنا بنحاول ونشوف .

مرت الايام مع محاولات غروسه وحفوره باهلهم بس مادري وش لين راس ابوهم ووافق وطبعاً أم غرسه و حفره مالهم دخل اذا قال ابوهم خلاص يعني خلاص .

أم حفوره :- كيف تسمح لهم ...

والد غرسه و حفره ويدعى ابو
سعيدان
أبو سعيدان:- كيفي بناتي وكيفي .

أم غرسه :- وش بقولون الناس .

أبو سعيدان:- خلهم يقولون ماعلينا منهم .

مرت الايام وغرسه و حفره مو مصدقين ويجهزون اغراضهم وماقالوا لاحد بعد سلام والتوديع والصياح اللي مادري وش يبي بس مع هذا غرسه وحفره مستانسين دق خالهم قال :-

مجول:- صدق البنات بيجون والله ماني مصدق .

أم حفره :- لا صدق وش نسوي با ابوهم خلاص اذا قال شي مايرجع عنه مادري وش تبي فكرتك هذي .

مجول:- اقول عطيني وحده من البنات بسرعه بس .

أم حفره :- الله يستر منك ومن خرابيطك دقايق .

حفره:- هلا .

مجول:- اهلين وش اخباركم .

حفره:- الحمدلله طيبين .

مجول:- سمعت انكم حاجزين 3 مقاعد لمين .

حفره:- واحد لي واحد لرايه وواحد مادري لمين بس خلاص كنسلناه .

مجول:- خلاص مدامكم بتجون وكانت صعبه وسهلت خلوا اختكم تجي .

حفره:- تستهبل حتى لو وافق ابوي هي بتعيي .

مجول:- اذا ماجت معكم والله ماستقبلكم .

ضحكت حفره وسكرت السماعه وهي متأكده انه يمزح ...
اهم شي وصلهم ابوهم واخوانهم المطار وودعوهم ...

في المطار ...

ركبوا غرسه و حفره اول كرسي قدامهم جلسوا فيه جاتهم "المضيفه" وقالت اعطوني "البوردنق" نطت غرسه وقالت واحد عصير ولاختي واحد لبن قالت لا انا ابي "البوردنق" قالت خلاص واحد ببسي واحد حمضيات قالت لا التذكره وقالت آه كنت عارفه بس حابه افرفش معاكي .
اهم شي تهاوشوا غرسه و حفره على الدريشه بس غرسه لعبت على حفره بكلمتين لا ن حفره حنونه حتى لو غرسه بكت قدامها توافق وكل اللي في الطياره فاطسين ضحك عليهم ...

مرت الساعات وهم يسولفون ويلعبون كأنهم في بيت ابوهم والعالم يس يتسمعون لهم .
غروسه غطت في نووم عميق وحفوره قالت لازم استانس ...
قامت حفره وطلعت المسجل من الشنطه وطلعت شريط طقاقات سارقتته من امها وشغلت المسجل على الاخر ورقص بين الكراسي وكانت ترقص الحصان " هي رقصه تركض مثل الحصان وتتحرك يدينها "
طبعاً غرسه قامت من قوة الصوت واستانست وماصدقت خبر قامت ترقص مع اختها المهبوله زيها والناس يصفقون ويصفرون " صح انها في الخيال تصير لان الموضفين بيمنعون بس عادي "
راحت غرسه لقت وحده خليجيه متنزله وسحبتها وترقص معها لين قامت ترقص راحت الخبله غرسه تقلدها سحبت وحده مصريه ترقص معها الاالخماسي اللي جاها بعدها ماتدري الا لاصقه في الكرسي اللي قدامها وراحت واجلست في مكانها وهي تدعي على المصريه وقالت :

غرسه:- والله لاخرب عليهم مو يرقصون وانا لا
اخذت المسجل وطفته وبعد الهواش بينها وبين حفره هجدتها

بكلمات تمسكان وخلتها حفره ونووووووووووووووووووومه الين وصلوا الدوله اللي راح يوقفون فيها ويكملون طريقهم الى استراليا ....



هل يكملون غرسه و حفره رحلتهم بأمان ؟؟؟؟

هل الكلام اللي قاله خالهم انه ماراح يستقبلهم صدق والا يمزح ؟؟؟؟؟؟؟

التكلمه الجزء الثاني إن شاء الله قريباً بس قوولوا اعجبكم الجزء الاول والا لا.......

الكاتبه / RORO