رحلتنا الى جدة وكلها غراءب وعجائب

السلام عليكم ورحمة الله


الله يسلمكم رحنا جدة في اجازة العشر الايام
يوم السبت ولفينا ولفينا ويالله حصلنا غرفة ب300
ومقرفه وبحيرة مجاري امام البوابه للشقق
واليوم الثاتي اضطرينا نخرج بعد ماراح زوجي وحجز لنا شقة وقالو بتفضى بعد الضهر وب500 حتى قاله المستاجر تعال راح اخرج
وزوجي كان يدور لنا ويدور لعائلة ثانية مانعرفها لكن حزن عليهم لانهم من لهم ساعات يدورون وماحصلوا :09:حتى غرفة في فنادق صار سعرها 2000 الليله:angry2:
ولما وصلنا تفاجئنا ان المساجر غير رايه :22: والموضف استحى قام اعطانا غرفتين منفصلة وحدة لي وزوجي ووحده لاولادي وبينها غرفة مستاجرة قال حتى تفضى شقة وانقلكم
والله لايوريكم بعد ماتمشينا وانبسطنا رجعنا للنوم وعند الساعه 1 ونص ليلا سمعت صوت رجال عند الغرفة وخفت على اولادي وشوي صراخ ويقول هجدها واسمع بكاء وتكسير وضرب في الجدار قومت زوجي يطمن على اولادي والله خوف ورعب ولما خرج زوجي هدي الوضع وكان في الغرفة الي بيننا ورجع وبعدها اسمع رن جوال وواحد يكلم برى الغرفة ويقول لاتخاف علي ويضحك وبعد ساعه صوت اقوى من الاول وتكسير وصراخ لدرجة خفت ان زوجي يطلع ويسير له شي واستودعت الله ابنائي وهدي المكان وعند الفجر سمعت واحد يصرخ عند غرفتنا ويقول(وش سويت ياحمد فيني ياحمد ياكلب ويبكي)وخرج زوجي يصليوحصل الغرفه مفتوحة وبلغ الموظف وطلعوا حصلوا المكان معدوم والستارة مقطوعة والباب مجوف من النص ودخان وعدسات ودم على السرير وبطارية جوال (الشقق مشهورة 4 نجوم بمكانتها ونزاهتها واحنا لنا 7اسنين نستاجر فيها) وطلعو شباب كافلتهم شركة ولعبوا في الولد الله لايبلانا :(:11retcher
واليوم الثاني نطلع قوارب وعند الحجز على المرسى تجمع الناس يحتجون على الموظف انه يقدم ناس على ناس وشوي ينهار فينا المرسىالمبني من خشب احا ومجموعة من الناس والحمد لله انقذ رجل ولدي 7 سنوات من السقوط في البحر
واليوم اليثاني جلسنا على الكورنيش وجلست عايله بقربنا وطول الوقت يتخاصموا ويرفعوا اصواتهم ولما ركبوا السياره نسيوا فرشتهم ولما طالعنا فيهم شفنا الام تفك الرباط تبع الشنطة مصنوع من الحديد:angry2::06::06: وتضرب في اولادها الله لايبلانا والاب يطالع فيها وهاتك ضرب وقفل الباب وترجع تفتحة وتضرب والله ضلت ثلث ساعه الله يصلح بالهم
شفتو رحلة احلى من هيك اي والله انا شفت رحلات بنات حواء الله يحرصهم:26: