الحين عاد بدت الطبيعة اللي تسمعون فيها ..تذكرون اغنية هايدي بين الصخور والتلال ..فوق الغيوم والجبال ..هههه يحليلكم اسمع تلحينكم من خلف الكيبورد ..المهم بدت الطبيعة الحلوه ..غيوم ..جبال فضية شي خيااال بحيرات اكواخ ورود على الاكواخ بشكل خرااافي ..النمسا وسويسرا كلها نفس الطبيعة بس النمسا رخيصة وسويسرا نااار السكن تقريبا كلهم مثل بعض بس انا اقصد السوبرماركت والمطاعم والمواصلات 💓

تتهنواااا يااااارب وترجعون بالسلامه
ضحكني اسلوب سردك لرحلتكم 😂😂😂
سبحان الله الدول الاوربيه أحلى مافيها جمال ارضها وجوها لكن الامن والامان صفررر
لو انهم دوله مسلمه كان توب وحياتهم حلوه لكن سبحان الله

سبحان الله ... الله عطاهم الدنيا ولنا الاخرة ان شاء الله 💕

يالله ونكمل...وين حنا بووه الحين ..ايه ذكرت بفينيسياء ..بنطلع الصباح من ايطاليا الى النمسا زيلامسي الطريق تقريبا ٤ ساعات بس الطريق خيال بحد ذاته رحلة روووعه

المهم عادةلاجاء الليل واظلمت الدنيا نفتح قوقل ماب ونبحث عن رحلات القطار الصباحية طبعا الاسعار ماتطلع لنا بس نشوف اذا فيه شي دايركت من فينيسياء المحطة زيلامسي لان تغيير القطار وقص كرت الكل قطار هذا اصعب شي مر علينا خاصة ان معنا شنطتين كبار نبغاهم علشان الهدايا وحدة الملابسنا ووحده للهدايا ..اغلطنا بهذي بس لاتنسون انه على اساس بنستاجر سيارة ..وعادي بالتنقلات تكون بشنطة السيارة . فكرت قبل اسافر اننا ناخذ شنط ظهر او كتف متوسطة الحجم .واخر الرحلة نشتري شنطة كبيره للهدايا...بس الاخ الفاضل رفض الفكرة..المهم ماتعبنا غير هالشناط اهلكتنا ...عموما مافية احد يسافر الا لابد تحصل له اشياء مو مرتب لها .واذاسهلتوا الامور والله تسهل ..انا والله لاسحبنا بهالشناط مااتذكر الا طاش ماطاش ..المهم ماحصلنا الا القطار النمساوي الاقتصادي ولا يودي الزيلامسي على طول ينزلنا بفيلاخ النمساوية اول همن ناخذ قطار اظن ساعة وحنا بزيلامسي المهم اكتشفنا ان هالقطار هو المناسب بس انه دورين ياقلبي ..بس ترى فرحت انا قلت بنصير فوق الطريق كان روعة وهذا القطار ارخص من القطارات العادية ..المناظر روووعه غيوم ..طبيعة جبال فضية ..بقر ..كل شي يقول الزين عندي انا اسمع ان زيلامسي ازعاج الناس صاروا ياخذون فنادق في كابرون طبعا اول ماوصلنا المحطة قطار زيلامسي ماشاء الله نفس البندقية حركة ومحلات فخمة البحيرة جنب محطة القطار تغدينا كل اللي حولها مطاعم حلال اتراك وبوسنيين..وجلسنا عندها لين جت الساعه ٥ خلاص ماعاد فيه حركة اخذنا باص ودانا الفندقنا بكابرون فوش حجزنا فية يومين ..فندق روووعة يطل عاى بحيرة فخامة صالة الفطور الصباح جنان احلا فندق سكناة واالاريح نفسيا جنبه على طول محطة الباص ..مع انه ٣ نجوم غريبة حقة خمس نجوم ..صاحبة الفندق تجنن وزوجها يشتغل معها ..مادري عاد لهم الفندق والا موظفين اخوي يقول لهم وانا اقول لامهب معقول ..قلت له اساله طيب
..فشلن قال ياطبعكم يالقصمان مايتغير...مادري هو من المريخ شكله ..المهم ونتمشى بهالقرية مافية بقالات ولا شي لو معنا سيارة كل شي قريب بس مامعنا ..المهم ومن تخطيطات تالي الليل اننا لااصبحنا وافطرنا وعينا من الله خير على طول بنطلع البحيرة زيلامسي ونجلس فيها الى حول المغرب ركبنا اللنش وتغدينا وصورنا انا بزيلامسي لبست عبايتي السوداء بس بحجاب ملون ونقاب انااسمع ان كلها عرب ..والله وش زين زيلامسي مريحة نفسيا ..تخيلوا فيها منقبات لابسين حتى قفازات ..ماشاء الله عليهم ..وياارض اتهدي..ماعليك قدي ..طبعا النظرات للنقاب والاستغراب بكل مكان ..بس منطقة تختلف عن منطقة ..عاد يالله بخليكم مع الصور ..ان اعجبتكم وودكم تروحون عادي انا خوذوني مرشد سياحي وبسوي لكم عرض خاص ..انا علي قص كروت القطارات وانتم تسحيب الشناط ..وش رايكم😎