الله يهنيكم بالسفره والمنظر كثير حلو

زين اني صورت تعرفون كيف كنت خايفة مالي خلق كنت افكر اقطع سفرتي وارجع قلت اللي هذا اولها ينعاف تاليها ..شكل هذي حوبة ابو الشباب ماوده اسافر ..بس بديت اقرا قران لين زانت نفسيتي ولله الحمد .

حلو الفيديو رحله سعيده .....لكن بلادنا العربيه فيها مناطق بتجنن خاصه في الربيع

اصبحنا واصبح الملك لله قلنا يالله نطلع نغير جو ونستكشف المنطفة ...نبحث بقوقل ماب ماحولنا شي الا بحيرة تبعد نص ساعه ..قررنا نروح لها شفنا صورها تجنن ..يالله ونطلع لها شافتني بنت صغيره خافت ..هي خايفة مني وانا خايفة من كلبها..وكل واحد يهج من الثاني....قال لنا واحد يحسون انكم دواعش ..او انهم يحسون انكم مشوهين علشان كذا يخافون ..المهم المنطقة هادية بس نظراتهم فيها استغراب وانا خايفة بس ابي الصبح يجي بنطلع الفينيسياء...المهم ونروح للبحيرة كل شوي نشوف مكتوب تبعد عن البحيرة نصف ساعة ..ام الليل وش هالنص اللي عيا يقضي ..وطريقها صعب نزله ..والطريق فاضي يادوب تمر سيارة والا رياضيين بسياكل..اللي معي مادري يستهبل والا ايش الطريق بحد ذاته يخوف ..قال والله يااشكالهم بس يشربون ..يمممه ...قلت خلاص ناظر الطريق كانه بعيد رجعنا قال مكتوب باقي نص ...حنا تقريبا كذا غلقنا ساعة ونص مشي ونشوف البحيرة من فوق الجسر تحتنا..المهم قال الحين ترى الروحه سهلة بس الرجعة بتصير صعبه لاننا بنمشي من تحتاالى فوق ..المهم ونقرر اننا نكنسل الروحة نرجع الشقتنا ابرك وبكرا ان شاء الله نروح الفينيسياء
كومو مو شينة بس ماتصلح لي لاني منقبة وشكلهم مايعرفون عن الاسلام شي ..حظنا اننا اول يوم طلعنا من مطار ميلان البحيرة كومو جلسنا تقريبا ٣ ساعات مررة رووعه البنات فيهم جمال عجيب ماشفت بجمالهم واناقتهم بس معهم هالكلاب البنت كيووووت بس هالدخان مع الغالبية الا اللي اقل من ١٨ وهالكلاب وش كثرهن اكثر منهم ..تحصل الكلب اسود يوحش كبر الباب واحيانا كلبين .اقول لاخوي وراهم بس معهم كلاب ..قال من هالسكارى يحمن انفسهن..اعوذ بالله انا وش جايبني مخليتن رجلي وعيالي ورايحتن اتمشى ..توووووبه بس متى ارجع للرياض😭😭😭.