المهم كم دقيقة ونبي نوصل للقمة .. انا شفت الثلج استانست وراح الخوف جلسنا نلعب بالثلج ونصور ونتمشى المهم اللي معي شكلة نسى الخووف وانا ياقلبي كل مااتذكر ان وراي نزلة غصبن عن ..جتني ام الركب خبري بها بكومو ..وخلاص ماعاد جتني المهم يوم جلسنا تقريبا ساعه وشوي قال يالله لازم ننزل لاتروح عننا الباصات ..ياقلبي..الدنيا تحت بعيدددده ....وش الحل ..قلت لازم ننزل ..قال مادري عنك ..خلاص اجلسي عند هالسكارى وترى بقمة الجبل تظلم الدنيا قبل الارض بساعتين ياقللي والحين الساعه ٤ العصر يعني شوي وهي مظلمة..قلت طيب مانقدر نتزخلق لين نوصل ....قال الا تبين ادفك ...ياربية اناجايبتن معي مهبول يسويها ..المهم لازم ننزل بالتلفريك خلاص مافية حل ثاني. ..المه تشهدت وركبت بالتلفريك وانا مسويتن نفسي عااادي اصلا ماهمني لابسة نظارة شمسية ومغمضة ومسوية نفسي اني اسولف بالواتس ...المهم مادريت شوي .. الا الاخ العزيز يقول لي وش تسوين انا ارد وانا مغمضة ماابي اشوف قلت اسولف مع صديقتي بالواتس قال ياشيخة ...ترى الجوال مقلوب ...حسبي الله ونعم الوكيل ..الحين رامي خشته بجوالي ليه ..والله شكله خايف اكثر مني ...بس هو مفتح وانا مغمضة المهم انا عصبت وحطيت الجوال بالشنطة ..شويات ووصلنا لارض الوطن ..قصدي لارضهم بسلاااام ..

المهم يوم نزلنا قال اخوي الحقي على هادم اللذات ..قلت ليش..مانيب مستوعبة الا واتذكر رسالتي الصوتية ..وش السواة ...الله يحلل التلفريك عند ذا السالفة...شكلها ماتتصرف ..خلاص احس ماعاد اقدر افكر..كل شي متلخبط ...الله ياخذك ياهايدي من يوم اني بزر اتمنى اشوف جبال الالب..اللي جابت لي نوبة بالقلب الحين وش الحل !!

وصلنا فندقنا بسلام وننام نوم عميق ... لاننا بكرا بنطلع منه الفندق كابرون مو بعيد تقريبا نص ساعة وهااات يانومة بعد افلام الاكشن اللي صارت لنا ..

😂😂😂ربي يسععععدك .. أستمتعت وأنا أقرأ وعشت معاك التفاصيل ماشاءالله أسلوب جميل وخفيف وظريف ☺️

فندق كابرون الجميل فيه انه قريب من زحليقة كابرون كانت تجربة لي ممتعه مع اني خفت منها اول الوقت قريب من الزحليقة مطعم بوسني برقر وشاورما وجبات سريعه كان لذيذ..كابرون بحد ذاتها حلوه ببيوتها وفيها بحيرة جميلة تمشينا فيها الين قبل المغرب وطبعا ورانا بكرا سفرة لانسبروك اخر منطقة نمساوية نزورها بنجلس يوم نريح فيها بعدين نطلع من النمسا لسويسرا قبل حظر النقاب بالنمسا ..