المراد
موضوعي طويل بقول لكم رحلتي انا واخوي لصيد الضبان ..؟..
هاك اليوم الساعه 11 الصبح قاعدتن بالحوش اتشمس واحط براسي حنا واغني
المراد ماطولها
الا واخوي الكبير مشيعل داخل وضايقن صدره كان يمشي ويرفس طاسه الحنه يعنني معصب
انا: كتو براسك مايت نااار ياعلك العافيه <<< امحق دعوه
هو: اسكتي لا هلحين ابرد حرتي بك
وعقبها راح ورحت امسح الحنه اللي بالارض
دخلت للصاله الا هو جالس وصاكتن به الدنيا
انا: مشيعل علامك تقول مطلق حرمتك وعليك مأخر مليون
هو: شقيح روحي لاللعن جدفك
انا: لا لا بالله علامك
هو: ياخي بنفسي طلعت صيد ضبان وربعي كل واحد فيهم معيي يقولون مايدانون الضبان
انا: بس كذا اجل انا بروح معك
هو: تعرفين تصديدين انتي وجهك
انا: انا بنت راعي الحرشا ابك انا الضبان تخاف مني تدري اني لن جيت ترتعد مني يقلون شقيح شقيح
ويسنفرون بحياتهم
هو: خخخخخخخخخخخخخ والله تروحين
انا: بروح ألبس عباتي واشوف احد يخاويني
ورحت لبست وقلت لخواتي طبعا كلهن تصرع خوف ومالقيت غير سعودي ومحمد و عبدالله طبعا كلهم ورعنه وراحت معانا بعد خزنه ..؟..
المراد ركبنا الددسن : وددسنا مهرقل يعني بالمطبه نتجود بالبيبان لانها تنفتح ياربي دخيلك
واللي حارني انها مغيمه يالربع
المراد
ونركب وانا جايبتن معي خيشه عشان احط الضبان فيهم
المراد
رحنا البر وقمنا انتمشا وكل واحدن فينا ماسكن له زاويه يتعاينها ان شاف له ضب ننزل من السياره
المراد
اخوي عبود الصغير رقله وحنا مندمجين بالشوف ولا يقول : ضب ضـــــــــــــــــب
وحنا ننزل من السياره وينه
كان يقول : لا بس قاعد اغني ضب ضب يا احلى ضب
طبعا جاه صفق وشلوتيات من كل مكان مسحنا اسم ضب من مخه
المراد
لمحنا لنا ضب ورحنا ركض نحده واخوي مشيعل راح داس جحره لين صاده سعودي
وحطيناه بالخيشه طبعا صفق واغاني ورقاله..؟..
المراد ان صيدنا ضباان لين قلنا بس حول 10ضبان واثنين بيجر
المهم
عايوني ذي الصوره شوفو الضب الابيض والله لن شفتوه تمسااح ياربي دخيلك اي تمساح ديناصور
هذي الخيشه الثانيه
هذا ضبي انا اللي صدته
ياملحه ملحااه
هنا يوم اهده على ابوي خخخخخخخ ابوي ما يداني الضبان عاد قلت له عطني 200 ريال ولا اهده
عطاني تصدقون 300 ريال لوووووووووووووول
وهنيه قاعده امشيه في البيت
وفي بعض الصور مقدرش احطها يوم كنا بالددسن ويوم ذبحناهم مراعاة لشعور البناات الرقيقات
واللي طبخ العشه انا محسوبتكم تصدقون يالربايع اني طبخته وربي فوقي عكرته لالحين تتحرك
اي وبعد في صورة ضب البيجر تصدقون اني حطيته في مخباتي يوم نمت وقمت مالقيته
حسبي الله على اللي خذااه
وشكلي بشارك بي مسابقه حواء للطبخ في كبسه الضباان والله اخذ المركز الاول
وعقبها تعشيناهم لكن ماصورت عشانه لقيت صوره بالنت قلت احطها لكم لكي يكتمل الماضوع
وهذا الله يقلعهم شهواني بيه ياحلاته
وجاو جاو حبيباتي الى اللقاء مع رحلتي صيد الجرابيع ..؟..
من جدك اكلتي ؟؟؟؟؟؟؟؟؟؟؟؟
ثانكس على التصويرر والله حامت سبدي