رحلتي من عالم البدانه الى عالم الرشاقه

السلام عليكم ورحمة الله وبركاته
مساء الخير يارشيقات✋🏽🤍
شلونكم وشلون الدايت والرياضه معكم؟
اليوم جيتكم وبذكرلكم رحلتي في عالم الرشاقه
نزلت فوق ال١٠كيلو ولله الحمد ماشاءلله تبارك الرحمن وللان مستمره ابي انزل لوزني المثالي ادعولي اوصل له قبل عيد الفطر ابي اصدم اهلي🙈المهم ياطويلات العمر مابي اكثر هرج وسوالف خل اقولكم تجربتي
انا ياطويلين العمر اكثر وزن وصلتله كان٨٩وكنت دببببه وكل من شافني كان يقولي هالكلام اه خصوصاً بالاسواق ماينادوني خير ياخاله💔تخلخلت عظام العدو يارب وانا عمري كان وقتها١٥او١٧💔
وصحباتي كل وحده كانت تقولي والله لو تنحفين
بتكونين مزه وحلوه بس عيبك انك دبه💔المهم يوم صار عمري١٩قلت بس يابنت لين متى بتظلين كذا وكل مالك وتفرشين بالعرض محد بينفعك لما تتعبين حتى شوفي يوم تمشين كيف تتعبين وكل جسمك يعورك وتلهثين وانتي مامشيتي الا كم خطوه!المهم قررت اروح لدكتورة تغذيه وفعلاً رحت الله يذكرها بالخير ويسعدها نزلت معاها ٧كيلو ب٤شهور🙇🏽‍♀️وانا اصلاً ترا ماكنت ملتزمه المهم تركت شهر٨وقلت خلاص ماعاد لي قدره ادفع الفلوس بسوي رجيمها الي عطتني اياه مع رياضه المهم جاء رمضان واه💔خبصت تخبيص ماصار بس كنت كل يوم بعد صلاة العشاء اطلع امشي بالحاره ساعه كامله ولعل ذا هو الي ثبت وزني المهم جاء العيد ولاخواتي يقولون لي يابنت نحفانه!وانا وجهي كذا🙁منصجكم انتم!وين راح التخبيص المهم يابنات بعد عيد الحج وتحديداً شهر٢قلت لاخلاص ماصارت لازم ارجع وصرت اسوي رياضه يومياً مع مشي لمدة ساعه او٤٥وشرب لترين مويا وهنا السررر يابنات قسم بالله ان المويا مفييييد مو بس للي تبي تنحف حتى للي تبي تحافظ على بشرتها وجسمها المهم انا بس فيني عيب وانتي كنت اخبص ف دخلت منتدى عالم حواء وقلت خليني اشوف تجارب الرشيقات واغلب البنات ذكرو انهم كانو يخففون فقلت بجرب وفعلاً يابنات جربت وتخيلو نقصت٤كيلو بشهرين!يالله يافرحتي وكل من شافني قال نحفانه ومستمره ان شاءلله على التخفيف والمشي والرياضه وشرب المويا وانا جبت لي سير قلت احسن بدل ماامشي بالحاره ولابالمجلس امشي عليه واشوف مسلسل ولااحس بتعب ولاوقت المهم يابنات انا يوم كنت اروح للدكتوره وذي السنه الي فاتت قالت لي اشربي كمون وقرفه وفعلاً سويت لي مشروب خاص وكان عباره عن"قشر قهوه مطحون وقرفه مطحونه كمون مطحون زنجبيل مطحون"احطهم بعلبه واشرب منهم ثلاث او مرتين باليوم بس لاتكثرون وتاكدو قبل لاتسوونه انه مايضركم انا للان مستمره عليه والحمدالله جسمي صار ازين من قبل ومستمره وان شاءلله انحف لين العيد من دون شر ولامرض وكل من يتمنى ينحف يارب يوصلنا للوزن الي نتمناه ونصير سمبتيكات من دون شر ومن دون مرض والي عندها اي سوال انا جاهزه🤍.