كيفكم يالغالياااااات وربي لكم وحشششة ..
اخباااركم ان شاء الله بخير ...
اخليكم مع الموضوووووووووع
طق طق طق على الباب: وجععععععع من اللي جاينا هالحزه>> اهوجس
فتحت الباب وياليتني مافتحت..
اللي اتذكره اني شفت زول اسود همن شفت براطم وامممممممطخ وانواع السعابيل
وبعد مااستوعبت ان اللي دق الباب جارتنا ام رمضان >>> مب رمضان الشهر>>احلفي
وايقنت ان اللحظات اللي عشتها قبل شوي كانت عبارة عن تمطيخ من قبل ام رمضان يقالي مشتاقه
مسحت سعابيلها اللي بخدودي بكُم قميصي>>> ياعيني على النظافه
وقلت: ياهلا بام رمضان.. اوقفي بالباب الين انادي امي>>>الله من زين الاستقبال
واتجهت لم الصاله حيث كانت امي تليّن= تاخذ قيلولتها وقلت: يمه يمه يمه يمه يمه جارتنا ام رمضان بالباب تبيتس
راحت امي لها ودخلوا المجلس وصكوا على نفسهم وانا كأي بنت بريئه لزقت اذني بالباب اتسمع وش يقولون
امي: هذي الساعة المباركه اللي شفناتس فيهااا ياام رمضان.. بس وراه جايتن بدون موعد!! عسى ماشر؟؟؟
>
>>>>>>>>>>> ياحليل امي تدق بس بذوووق خخخخخخخخ
ام رمضان: ماشر يوخيتي وحنا جيران وحبايب ومابينا مجاملات ومواعيد هماه؟ عاد انا قلت اسيّر عليتس واشرب معتس
فنجال قهوه ونسولف>>>> تلمّح وين القهوه..
عاد انتم شلونكم شخباركم شلون عييلتس وبنيتس المزيونه؟
انا سمعت كلمة مزيونه وابدأ اهوجس
امي مالها بنت غيري لايكون متزوجه على ابوي من ورانا وعندها بنت من
زوجها الثاني>>>>> الله ياخذتس على هاالتفكير
قالت امي: قصدتس رحووووقه >>>>>> امي بعد استغربت
ام رمضان: وانتي عندتس غيرها؟
امي: الحمدلله! ماغير تاكل وتنام وتلزّق عند الدش !!!<<< حست امي انها خبصت بالكلام وتبي تصلّح كلامها
وقالت: ياعمري عليها مقطعه نفسها تقطيع بالمذاكره وشغل البيت طبخ وكنس وشطف شايلتن البيت كله فوق راسها
ام رمضان: ياحبيلها.. وانا ولدي رمضان يبي يكمل نص دينه ويعرس ومالقينا احسن من بنتس الملوسنه
انا كذا صار وجهي>>>>>
امي: هذي والله الساعة المباركه مهب لاقين احسن من ولدتس رمضان ..بس ابشاور البنت وابوها ونرد عليكم ان شاء الله
انا من بعد هالكلام ماصرت اسمع شي ولا ادري وش قالوا
دخلت حجرتي ابي هدووووووء وجبت لي خبز حار وشاهي وحزمة كراث خخخخخخخخخخ
وآآه آآآه انا حروفي في غيابك لاهي حكي ولاهي قصيد>>>>>> كناية عن الرومانسيه
واسترجعت شريط الذكريات واتذكر ملامح رمضان ولد ام رمضان
صحيح ان شعره عراده وماعمره تروش وعيونه متطاقات>> كناية عن الحول
وصحيح انه قصير يالله 150 يوووصلها بالوااسطة <<< بس اهم شي الاخلاق ههههههههه
بعد التتنيح والتفكير نزلت الصاله وجلست قدام امي ابيها تفاتحني بالموضوع
بس ماااش ساكته قلت يمكن تحتري ابوي يجي وتاخذ رايه قبل
عاد انا دقيت على ابوي استعجله يجي>>>>> ياشين اللي مابقلبهم صبر
طووووووط طوووووط
ابوي: الوووو
انا: هلا يبه وينك فيه؟ تراك طولت متى تجي؟
ابوي: ليه وش فيه؟
انا: لامافيه شي بس اشتقت لك >>>>> ابووووك يالسبب
ابوي: اقول اهرجي زين >>>>> ابد مايبي يربيني عالدلع والمياعه
انا: جب لي معك قلم ازرق جاف.. قلمي خلص وباحل الواجب
ابوي: طيب ساعة بالكثير واجي
انا: لا كثيررررررررررررر ساعه
ابوي: خلاص يابنت قلت لتس ساعه ويالله مع السلامه
وقفل الخط
يتبــــــــــــع
جاء ابوي وانا عشان افتح المجال واعطي امي فرصه انها تفاتح ابوي بالموضوع
اخذت اخواني الصغار
وقلت وش رايكم نلعب واحد طش وانا اللي ادوركم وراحوا يتغبون وانا طلعت لغرفتي اكمل هواجيس>>>احلى تصريفه للبزارين خخخخخخخخخخخخخخخخخخ
وبعد كم دقيقه على كم ثانيه على كم دمعه نزلت على وجنتي من الفرحه سمعت صوت احد يطلع الدرج طق طق طق
وقلبي يطقطق معه شوي ويدق الباب ويدخل ابوي ووويجلس جنبي وصار يتنحنح ويسولف وينكت ويضحك
عاد انا قلت بنفسي: ايه هذي الفرحه وماتسوي .. ياحليلك يبه منتب مصدق ان الشيفه بنتك بتتزوج
بس عاد مليت من سواليف ابوي وابيه يفاتحني بالموضوع <<< وش عليه العجلة خخخخخخ
فقلت: يبه خير وش عندك جايني الغرفه وتسولف؟ اذا تبي سلف عادي قل.. ماعندك الا اختك
>>>>الله من زين الهرج.. قال اختك قال
ناظرني ابوي وشكله يهوجس بتناحتي
وقال: يابنيتي الزواج سنة الحياة
قلت: طيب وش مناسبه هالحديت؟؟>>>> يعني اخلص هات من الاخر
ابوي: اليوم ام رمضان خطبتس لولدها رمضان صحيح انه يدخن
بس لا تنسين يابنيتي ان التدخين عاده وانتي مع الايام حاولي تعودينه انه يبطله >>>>>>> امحق تصريفه..
وصحيح ان ماعنده بيت وبيسكنتس مع اهله بغرفه صغيره والحمام مشترك بس كلها كم طعش سنه ويطلع له بيت
وتعيشون لحالكم >>> هذي مووت ياحمار
وصحيح ان .............
عاد انا سكككت ابوي بكحه مفتعله مني <<<< مابيه يجلس يجرّح ويسب بزوج المستقبل ويشوه الصورة الجميله اللي رسمتها له بخيالي >>>>> امداتس رسمتي الصورة خخخخخخ
سكت ابوي وخيم الصمت على المكان عاد انا تذكرت وش يسسوون بالمسلسلات لا انخطبوا
ونزلت راسي يقالي مستحيه
قال ابوي: هاه؟ موافقه؟
قلت بكل حياء واستحياء: يبه خلاص!! السكوت علامة الرضا>>>>>>ابوووك يالحيا خخخخخ
ابوي ناظرني وشكله يقول هالبنت مهب لم زواج بتفضحنا عند الرجال واهله
عاد انا قلت: يبه عاد متى بيشوفني؟؟
قال ابوي: ووووووشووووو؟؟ من بيشوفتس؟
قلت: وش فيك يبه؟ هذي الشوفه الشرعيه<< انفصخ الحيا خخخخخخخ
ونزلت راسي من الحيا>>رجع مرة ثانية الحيا خخخخخخخخخخخ
قال: مدري عاد هذي يبيلها تفكير >>>> مايبي يقول مانبيه يشوفتس عشان لايهوّن ..احتراما لمشاعري >>>كن عندي مشاعر اصلا خخخخخخخخخخخخخخخ
طلع ابوي وجلست لحالي ورجعت للهواجيس والتفكير وجبت الوان خشبيه عشان الوّن صورة رمضان فارس الاحلام خخخخخخخخخخخخخخخخ
ومن بكره قمت بدري سويت فطور لخواني وقلت لهم ترى انا اللي باسوي الغدا بس قولي وش مشتهين>>>ابتسنع
وفكيت الجديلتين وصرت اسوي جديله وحدة >>>> احلى ياللي بتغير الستايل هههههههههههه
وصرت احط روج قبل اطلع من البيت واسشور شوشتي بس من قدام والشوشة اللي ورى جديلة واقعدلي ساعة قدام المرايا>>>بزعمي خلاص صرت حرمه <<< امحق حرمة
واخوي ينكت : اصلا هذي مب اشكال تزوجونها
بس سويت نفسي ماسمعت عشان لااجرح مشاعري >>>احلفي
من بكره واشوف اهلي مكتمين ومحزنين وحالتهم حاله عاد انا قلت لهم :خير وشبكم؟ مافيه شي يستاهل هالحزن؟
قالت امي: المعرس مصمم الا الا يبي يشوفتس قبل الزواج
قلت: افاااياذا العلم :32: اذا كذا بعذركم تحزنون وتلبسون اسود بعد.. وش السوات يمه؟
قالت: مافيه الا انا نجيب لبنانيه نخليها بالواجهه <<< انواع التحطيم
قلت: يمه تبيني ابدأ حياتي مع رمضان بكذبه.. لأ مقدرش ده صعب اوي >>>ماتركب بلهجتنا
قالت: ياتسذا يامابوه عرس
قلت: لاااااا كله الا العرس.. بس وش رايتس من نجيب؟
قالت: اقووول بس اسكتي وخليني اعرف افكر
وبعد التفكير قلنا مالنا الا رمضان يشوف خشتي لانه كذا والا كذا بيشوفها يعني اصيرعانس ولا ارجع لاهلي مطلقه >>> كذا امي شرحتها لي
بس تصدقون اني تخيلت نفسي بفلم مصري وراجعه لبيت اهلي مطلقه ومعايا حتت عيّل
>>>>>>>>>>>>>>ياشين القرويه لا تاثرت بالمسلسلات خخخخخخخخخخخخخخخ
وجا اليوووووووووووووم وانواع الرجه بالبيت تصدقون اني تروشت ثلاث مرات لاني كل مااطلع من الحمام انحف شوي
>>> بلاه من الوسخ المتراكم>>الله يحوم تسبدتس :01:
وووووووجت اللحظه الحاسمه وجا ابوي وقال: يالله الرجال يحتريتس؟
قلت: منهو؟ اي رجال؟ >>>>>> ياشين اللي يسوون نفسهم مايعرفون
قال: المعرس بعد منهووو؟
قلت: معرس لمين؟ >>>> هالمره مب استهبال بس ابيه يقولها ابي اتاكد اني منيب احلم
قال ابوي: هوووووهوووووو علينا.. شكلي باهون
قلت: لا خلاص.. رح اجلس عند الرجال عيب نخليه لحاله وانا بتطمن على شوشتي وخشتي وجايه وراك :23:
وفتح ابوي باب المجلس عشان يدخل وانا اللي المح اشين مخلوق شفته بحياتي قاعدن ومتربع بمجلسنا..لا ويشرب قهوة بعد
خنقتني العبره وحامت تسبدي شوي بس بعدين تذكرت ورحت ناظرت شكلي بالمرايا عشان اتقبل شكله>>>>>> خطه خخخخخخخخخخخخخخخخخخ
دقيت الباب عليهم وقلت: يبه عندك احد؟ >>>>> لاياشيخه خخخخخخخخخخخخ
دخلت وانا اسوي نفسي اكح واعاطس واتثاوب بقصد اني اقدر احط ايدي على وجهي عشان لايتمقل بملامح خشتي الموقره ويهون<<< وطول منيب جالسه على ذاالحال خخخخخخخخ
وشكلي طولت وانا قاعده لان ابوي قال: طسي يابنيتي عاوني امتس بالمطبخ تراه ماتدبر شي دونتس >>>>> مايعرف يصرف والا يمكن بيعلم المعرس اني قرمه وراعية بيت
قلت: ان شاء الله يبه ........... وطلعت
بعدها بكم يوم وانا متربعه بالعش الزوجيه وعشنا في سبات ونبات وخلفنا صبيان وبنات كانوا مثال حي للفغااارة والدلاخه والملامح الشييينة خخخخخخخخخخخخخخخ
بس ولو مايمنع انهم اطفال ابرياء مالهم ذنب ان جينات شيون اتحدت وانتجتهم خخخخخخخخخخ
لكن يافرحة ماتمت والباب اللي يجيك منه الريح سده واستريح>>>جابت العيد بذا المثل
عيال الحرام كانوا لنا ولسعادة بيتنا بالمرصاد وضحكوا على عقل رمضان واسحبوه معهم لحياة الدشرة وصار يسهر بره
البيت ولا يرجع الا بانصاص الليول :25:
ومع الوقت حسيت انه من جد تغير وماصار يلعب مع شعبان وشوال وربيع ثاني >>>ذولا عيالنا
وذي القعده وذي الحجه>>عاد ذولا بناتنا خخخخخخخخخ
وجت الطامه الكبرى وامسكوه يتاجر بالمخدرات واحكموا عليه مؤبد بعدين خففوا الحكم وعطوه اعدام
>> قد سمعت ان الاعدام اهون من المؤبد بحكم ان المؤبد عذاب نفسي وحسي وجسدي عكس الاعدام يقطعون راسه
وانتهينا>>>>> يحلفون ان بهالبنت عرق ارهابي خخخخخخخخخخخخخخ
وياليت الامور وصلت لين هنا واهجدت.. لا..
وجات هيئه حقوق الانسان وقالوا لي انتي تعذبين وتسيئين التعامل مع اعيالس واخذوووهم مني
وهكذا فقدت زوجي واولادي ورجعت لبيت اهلي :23: <<< زي مارحتي جيتي خخخخخخخ
ماااااااااايوووستفاد :
* موب كل عريس يخطبس انتي وخشتس تواافقين عليه <<< تحسب الناس دلووخ مثلها خخخخخخخخخخخخخ
* احذري من رسم صوورة للعريس واذا رسمتيها لا تلوونينها مثلي بالالوان خليها ابيض واسود خخخخخخخخخخخخخخخخخ
واخيرا :
احب ارحب برااائعتنا واقوول لها الحمد لله على رجعتك لنا بالسلامة
وتراك نورتي واحتك .. ودمتي بحفظ الله ورعايته ...
واعذرووني يابنات لاني انقطعت بس والله اني محتاجة لدعائكم لأني متمررمطة في ذي المستشفيااات ادووور علااااج :44: ... الله لايوريكم مكروووه ..