هل فى احد من الكويت يدلنى على احسن مكان يبيع رخام روزا فى الكويت ؟؟؟؟؟ واحسن معلم رخام ؟؟؟؟

هلا بالسنع كله اقول شنهى سالفه الكنتى ترانى ما فهمت قصدك وبالنسبه للدرج نفس مانى ناويه اسوى باذن الله انشاء الله لا خلصتى علمينى علشان نروح ونبارك :26: :26: على فكره فى اى مكان مركب الجدران رخام مبين عليها فكره جديده وشنهو نوع الرخام اللى يصلح حق جذى اللى يخليك علمينى عن الديكورات الجبسيه عند منو سويتيها :24: انا رحت حق محل فى شارع الملك خالد اسمه فنيسيا بس اسعاره وايد غاليه ياليت اذا فى احد تعرفينه ويكون شغله حلو وسعره معقول وبالنسبه للابواب الخشبيه اللى داخل وين فصلتيهم وشنو اللون اللى حطيتيه انا معجبنى البنى المحروق وعليه طبقه الورنيش علشان الاضاءة تعكس عليه واذا الرزات ذهبى بيجى اللون فخم ولا ايش رايك ردى على :24:

وبالنسبه للدرج نفس مانى ناويه اسوى باذن الله

مافهمتها

الجدران انا ملبستها رخام بس الصالات والمداخل
روزا فااااااتح وعند المداخل جاي شكل اقواس مدخل الصاله والمدخل للغرف خلينته من الالكنتي انت تعرفينه؟
هو يستعمل كثير كزخرفه لونه بني محمر معرق بابيض
كمان استعملته في تلبيس عمودين مع قوس فوقهم كمدخل لغرفة المعيشه
ايه سوالف البيت ما تخلص ربعنا بيزهقون :09:
بس عقبالهم
الجبس انا مسويته عند الصادر شارع الملك سعود
معرضهم مو مبين ضخم بس شغلهم ما شا الله
اسعارهم غاليه شوي
بعدين اكمل لك مشغوله

ام لولو عزيزتى قصدى نفس فكره الدرج يعنى الارضيه نفس رخام الصاله والقطعه اللى تحت لون مناسب اونفس تعريقه الارضيه حقت الصاله يعنى بانسقهم مع بعض يترالولى واضح بس انا اول مره اسمع بالالنكى بس منشرحك فهمت انه نوع من التلبيسات جنه رخام واذا انا غلطانه صلحيلى ترانى عليميه والجبس ناويه على اعمده لازقه بالطوفه وفريمات حقت لوحات او باخليهم حجم كبيروجنا الجدران مقصوصه بالنص:26: تصدقين كل يوم بفكره ومع هالمجلات حقات الديكور تحتارين بالزين :24: اقول ليش ملبسه جدران الصاله رخام هذى موضه جديده والا انا ما عندى خبر انتى شايفتها والا فكره من عندك واكيد بتكلفك وايد :24: عليك بالعافيه مبين عندك ذوق مره والصادر اللى فى شارع الملك سعود فى الدمام ولا الخبر ترانى مو ذاك اللزود بالدلاله على فكره عسى موانتى اللى زهقتى والا الربع اكيد مستانسين ياخذون خبرات لا تقطعين

لا والله ابد ماازهق من سوالف البيت
الالكنتي رخام بني.....اذا ما شفتيه ما بعد تحفظين الرخام عدل.........................
انا شايفه بيت جداره رخام وعجب زوجي مره...تكلفته وايد اكيد لان الصالات دورين مفتوحين فلازم كلهم رخام
علشان جذي ما انصحك فيه تعب وايد
هو مريح من ناحيه جمال ونظافه اكيد خصوصا الجدار الملاصق للدرج انا اتوقع يكون مكان يتوسخ بسرعه
من يد العيال........مو من تجربه هذا مابعد اسكن
الصادر في الدمام امتداد الشارع اللي فيه الحياه بلازا بس مو في الرايح في الجاي
تدرين هو قريب من تقاطع شارع المزارع مع سعود
انا مسويه نفس الاعمده اللي تقولين بالرخام
لاني اشوف الجبس الايقشر ويتكسر بعد فتره خاصه مع العيال
شوفي المجلات وحوسي انترنت وبيوت ترى هذي مرحله مهمه ...علشان تعرفين شو يناسبك
الابواب للحين ماغصت بحرهم....كل شي يبغاله تعب بروحه
بس شوفي الموديلات عند سيدكو جنب باحسين في طريق الخبر
بيصجونكم بالهذره والاقناع بس عندهم باب اول ماتدخلين يسارك
بني غامق وملبس قشره
صراحه روعه بس اسعارهم غاليه موت
شوفي انتي بعيده الحين عن الابواب لان التشطيب ياخذ وقت طويل
مو مثل اول البنيان يوقف البيت بسرعه ونقول خلصنا.......بعد ما شريتي السيراميك:06: :06: :06:
المساله طويله واي مساعده انا في الخدمه:26: :26: