بيتنا من الخارج حجر بس سعودي من الاملس لان زوجي ماعجبه الحجر الاردني الظاهر مو املس واحنا اتفقناانا علي الداخل وهو الخارج ....
اشتريناه المتر ب45 ريال والمقاول ركبه لانه جزء من عقد البيت
سعره راكب 90-95ريال
القرميد مركب بس نوعه والله ما اعرفه ولالي شغل فيه يكفيني داخل البيت:06:
المقاول جابه وركبه يقول في منه انواع بعضها مصبوغ وهذا من النوع الاصلي مو صبغ يتغير لونه

عزيزتى ام لولو والله شى انتو مقسمين الشغل بينكم ياليت زوجى يرضى اهو يتدخل فى كل شى حتى مجالس الحريم حاشر نفسه فيهم يقول رايين احسن من راى المهم احنا ان شاء الله تعاقدنا مع ناس بيركبولنا الحجر اردنى معا ن واذا مانى غلطانه المتر راكب 145 ريال واهىا على قولتهم احسن الانواع وانا شفت حجر الرياض بعد ذيك الامطار كانت البيوت اللى ملبسه منه كلها بقع ومبين انها متشربه الماى وعلشان جذى قال زوجى انه بشرب ماى والا اهو ارخص وفيه مجال للتشكيل اكثر من الاردنى:24: والقرميد اخذناه من فيولا والحبه 6 ريال مع التركيب يطلع المتر المربع 120 ريال:26:

انا زوجي دايما يقول كل خجر طبيعي لازم يتأثر بالعوامل الطبيعيه
بس المحصله الحجر جميل لو تغير لونه قليل تشيكلة السعودي احلى.....وهي اجتهادات ان اصاب .............. وان اخطأ نتحمل الخطأ
تدرين في النهايه الواحد يتعب ويرضى باي شي بس نخلص نوصل للصبغ والتأثيث
يتعب من المقارنه والاختيار بين الانواع من كل شي .....والله تحسين انك خلاص حفظتي كل المحلات اللي تهتم بالبنا وتوابعه
الله يسهل بس ونخلص
:26: :26: :26:

الى الاخت ياسمين : بالنسبة للمقاس هو الواح وعلى فكره الرخام الذي اشتريناه من الملحم وصل سليم الى مدينة ابها 100% وتم تركيبه وطلع جنان لان المحل اعطيناه مقاس كل مدخل بالضبط وبعدين رسم كروكي للمساحات ثم بدا يقص ووصل وكل لوحه عليها رقم وسهم وكان مع الشحنه رسم توضيحي كيف يتم تركيبه ولم نجد صعوبه لافي التركيب او اي نقص في الالواح واتمنى لك التوفيق والعون على الاختيار