ردة فعل زوجي بعد مصارحتي له بشكي فيه

السلام عليكم ورحمة الله وبركاته
انا اللي قلت لكم قبل بحط جهاز تسجيل لزوجي في السياره لاني اشك فيه وكل اللي ردو عليا ما نصحوني بهذا الشي وماني عارفه احط لكم رابط الموضوع الاول لكن ح تلاقوه في ملفي


المهم الجديد في الموضوع دحين اني جلست معاه في وقت كان فيه البيت هادي وتكلمت معاه وقلت له انا بصراحه اشك فيك وعندي احساس قوي بهذا الشي وهالاحساس مسيطر عليا ولا تسألني عن الاسباب لانه مافي شي واضح مجرد احساس لكنه جدا قوي انت ممكن تسوي هالشي وتخوني
ردة فعله على كلامي كانت بالنسبالي غريبه ومفاجئه لانه كان هادي مرا بالكلام رغم انه طبعه شوي عصبي ومن النوع اللي ما يتقبل على نفسه كلمه ويكره اي احد يمسه بكلام مو كويس يثور عشان كدا تفاجئت منه قالي ليش وانا احبك ومستحيل اشوف او اروح لغيرك وما راح اخرب حياتي معاكي وحياة اولادي عشان بنت وسخه وحرام عليك وهذا الشيطان يوسوسلك وتعوذي من ابليس وبدا يتقرب مني بطريقه انا مستفقدتها منه حتى وجلس يفكرني بأشياء بيننا حلوه من لما كنا عرسان وصارت بيننا العلاقه الحميمه من اجمل ما يكون يعني دلعني فيها غير عن كل مرا وجلس يتغزل فيا وبعدها تقفل الموضوع وعدا باقي اليوم عادي


ابغاكم تقولولي بأمانه ايش رايكم بردة فعله قولو اللي تحسوه من اللي صار بصدق ما ابغى تطبطبو عليا وتقولو غير اللي تحسوه عشان تبغو حياتي معاه تعدي بسلام الله يخليكم لا
لاني انا اشوف ان تصرفه هذا يدل على خيانته ومعاملته الحلوه معايا في ردة فعله هذي لان ضميره اشتغل ويبغى يحسسني بحبه ليا ويلغي احساس الشك اللي فيا لانه مو من عوايده يتقبل شكوك احد فيه


وارجوكم سامحوني وانا اسفه اذا في كلام في موضوعي هذا تحسو انه ماله داعي وعيب ينقال بس انا حبيت اوصلكم اللي صار عشان تعرفو تجاوبوني ع سؤالي