رد آخر على الزوج اللي يطالب زوجته بحافز... احلى رد صراحه

السلام عليكم صبايا كيفكم ياحلوات...جبتلكم رد جديد على قصيدة الزوج اللي يطلب هالمسيكينه بحافز..

هذي قصيدة الزوج..

تكفين يابنت الاجاويد تكفين
نبي سلف والا نبيها معونه
اما عطين الاف والا الالفين
مادام حافز اليوم يوزعونه
وانا ترا استاهل ولاني معك شين
ومعروفي الاول ترا تذكرونه
اما شرينا به شياه وبعارين
والا به المديون خلص ديونه
ردي عليه بالخبر وش تقولين
عسى ابو عيالك ماتخيب ظنونه



وهذا رد جديد عليه..

شكلك حبيبي تايهٍٍ بالعناوين....... احلم تطول ريال مني معونه

انتم رجال ودخلكم فوق الالفين....... سموا علينا بس لاتنظلونه

ماهو بخل لكن ترانا مساكين....... نكرف ونتعب وشغل البيت ماتعرفونه

قدرك بقلبي وفوق الراس والعين....... ولاهو تغلي ولا القصد بالمهونه




هاه وش رايكم ياحلواااااات...؟؟؟؟