سيدنا وحبيبنا
محمد صلى الله عليه وسلم خير خلق الله وعلى آله و صحبه اما بعد
فقد وصلتنا رسالتكم هذا وبعد القراءه والاطلاع وجب علينا الرد لنضع النقاط علي الحروف
بدايته ردي سيكون من امراءه ريفيه الاصل والمنطق معنها كلمة دخيله علينا لكن بما ان الرساله فيها شوية تطور وتحضر بنمشي علي نمطها شوي بس اعرف نفسي ما ببتل:44:
المهم مدري من الي كتب هذا الرساله الي اكيد لا انا ولا غيري من النساء تنكر معظمها اكيد هذا رساله من واحد فاهم ملم بااسليب الحياه يعني مهو خروف يشوف شي او يسمعه وعلطول سواء فيها رجال وهاتك يارسايل
وربي اني ارحم هاذي العينة من رجالنا صدق امعه
نرجع لرسالتك الشهيره يلي اخذتها ونسختها من المنتديات ومسوي فيها رومنسي علي اخرت عمرك وكل واحد يرساله لشلته
بداية انت وياه وهو بسالكم كم سوال واعط نفسك الدرجة الي تبيها ع قولة الكاتب
السؤال الاول تعرف وش تحب واش تكره مرتك في الحياه
يعني ابسطها لكم اعرف ان عقولكم علي قدكم
يعني وش تحب من لبس من عطر من اكله
كذا استوعبتو
السؤال الثاني يارجال يا قوام قد مره مسكت مرتك وفهمتها انا احب كذا وكذا وكذا واكره كذا وكذا
في امور الحياه طبعا ما يروح فكركم لبعيد لني عارفه ما تفكرون الي برومنسيتكم علي قولتكم بس نخذها معكم وحده وحده علشان نوصل
يلي مسوي فيها رومنسي شفت مرتك بيوم تعبانه وقلتلها الف سلامه عليك ما تشوفين شر جعل يلي فيك فيني يالله علي المستشفي اقل شي.. خل كاس عصير ولا غيره فهي من العجايب لوسويتها.. ولا قومي ما فيك الي العافيه شوفي بيتك وعيالك
والغداء لا ارجع الي هو جاهز:44:
مره قدر الله وطاحت مرتك ولا تعرقلة في السوق وش سوية مسكتها وقومتها وسميت عليها ولا دقيت الثمة وحطيت رجولك بعد ما قلتلها قومي فضحتينا
قد مره يارومنسي علي غفله اتصلت علي مرتك وقلتلها حضري نفسك ورانا مشوار وتفاجاها بحجز في فندق ليوم ما نقول اكثر بس علشان تعرف رومنسيتك وعقلك وووش تحب ووش تكره
طبعا لا واكيد لو واحد طبق هذا الشي الحين لغير تنجن مرته وتقول خير وش احضر حالي اهلي فيهم شي زعلتك في شي مسكينه مهي متعوده الي علي الدفاشه:44:
مره سويتلها مفاجاه وجبتلها بوكيه ورد يو وش بوكيه والله ما تشوفونه غير في التلفزيون ولا في ايدين الاجانب نعطيكم حقكم ونقول ورده من يلي تنباع عند الاشاراة راس مالها خمسه ريال
واعطيتها اياها وقلتلها تذكرتك بس شفت هالورده وجبتها لك شفت ما ابسطها بس بتغير كثير
مره جبت عطر وقلتلها هذا العطر اعشقه عليك ويذكرني فيك كل ما شميته
والله يشيخ لو واحد فيكم يقول كذا لمرته لغير يشوف الدلع والسنع علي اصوله
ومثل ما قال الكاتب البذر اذا اعتنيت فيه واعطيته اعطاك وخلوكم منصفين وخافو الله فينا
واعرفو انا احنا السعوديات ما تعرف الوحده غير خشت زوجها ولا عمرها سمعت لا كلمة حب ولا دلال غير من التلفزيون
وعلي قولة راشد الماجدما باسها الا ابوها وامها ...
انت بايدك تعدل وتسوي وانت بايدك تعرفها وتفهمها اذا غلطت التحاور والتفاهم للاسف مقطوع عندنا
يجي من شغله وما همه الي اكله ونومه وفي الليل شلته وهي مسكينه حياتها كلها ركض في ركض زوج واولاد وفوقها اهله
وياويلك لو قصرتي وليش تقصرين انتي منتي انسانه من لحم ودم وللا عندك مشاعر
للكرف وبس وفوقها تتفلسفون اقول خافو الله واعرفو انكم محاسبين عنا
مهو علشان نستحي وما نقدر نقول شي قمتو علينا
لن نراعي احاسيسكم ومشاعركم
لا والله وقت الجد ما تشوفون الي العين الحمراء يللي تطلع فضايحكم وعلومكم
ارتقو وترفعو واحترمو نفسكم بالاول علشان حريمكم يحترمونكم
صرنا مضحكه بسسبب عقليتكم التافه الي ما همها الي تصحي تبوسك مرتك وتحضر كاس الشاهي
وتفرك الرجلين
لو دارين هذي اقصي ااهتمامتكم ابشرو ببراد شاهي يخبط علي خشتك
صدق تفكيركم علي قدكم
وكل ما سمع واحد من فيلسوف في استراحتة ولا خيمته قال صادق مدرا انه راعي فلسفه علي الفاضي وفاقد الشي لا يعطيه
احترمو خصوصيات بيوتكم وحريمكم وفكونا من فلان وعلان لو فيه خير كان خيره لا اهله منطق معهم في بيته مقابلهم ماهو ضايع في الاستراحات وهم من سوق لسوق بالسواق
وجاي يفرد عليكم عضل وانا وانا
علشان يعوض النقص الي عنده
كل واحد يحمد ربه علي النعمة الي هو فيها ويارب لا تغيرها علينا
ولا تنسون التحاور بالعقل والتفاهم
حسنو اللفاضكم واعرف انها بنت ناس جبتها من بيت اصل وفصل
لها كرمتها
الحياه اخذ وعطي حتي مع اهل بيتك
شبع مرتك حنان وحب علشان تشبعك
والحياه ماهي كلها رومنسية
خليك وسط علشان تمشي الحياه
وما ينخرب بيتك علي راسك
وما تنسون قوله صلي الله عليه وسلم
في الحديث: (استوصوا بالنساء خيراً فإن المرأة خلقت من ضلع أعوج، وإن أعوج ما في الضلع أعلاه..)
اعتذر عن الاغلاط الاملائيه بس مستعجله علشان الحق اسوي غداء الرجال لا يكلني بقشوري
الرجل يقول المراءة مع التعايش ومع الايام ستعلم مااريد
وصحيح يوجد رجال قلوبهم غلف
خصوصا في تعاملهم مع محارمهم من زوجات او اخوات و.....
الله يحنن قلوبهم على بعض