مسائكم فل يااحلى منتدى
طبعاً موضوع عجبني ولطشته بس يارب مايكون مكرر
واذا هو مكرر انقلوه لقسم المكرر لاتخلونه يضيق هنا <<<<< لا يابنت الحلال بنخليه
لا والله ماتخلونه اهىء اهىء متعقدة وايقالي ماهمن <<< اقول وين الموضوع كنك نسيتي
خلاص يله بلصقه لكم بس تكفون لاتحطون ههههههه لا ابي تفاعل ومواقف عشان نضحك1)
بنات كانوا معاي في الجامعه شله وكانت وحده من البنات عازمتهم ووحده من البنات كتبت لصاحبة العزيمه (اذا انتي عازمه نجلاء انا ماراح اجي ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها واوعدك بجي اوكي) وارسلت الرساله لنجلاء :{ !! .....
(2)
مره كنت بدز مسج حق رفيجتي بقول لها تحسب لي طارئ بالدوام لان مالي خلق اداومالمهم انا حافظة رقم رفيجتي بس كتبته غلطوشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال( عن الخبال قومي لبسي وداومي )طبعا انا انصدمت وسكرت الخط على طول من الخرعه داومت
(3)
وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه ... وارسلت الرساله لابوها ...
(4)
مره انا كنت والده في المستشفى ووحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح واقوم اكتب رساله لوحده من خواتي اقول لها
(( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))وارسلتها لصديقتي :{ .....
(5)
أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مهوب لازم ترد علي ..وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..
والا هو جااي وجالس يالله وين القهوه ؟: أنا : أي قهوه ؟ هو : تستهبلين يا أم المفاجات الحلوه ؟ وبعدين استوعبت اني أرسلتها له بالغلط وسكت وما قلت شي ,,:
(6)
قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان ... والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشلة
(7)
كنت عند اهلي وقالوا لي خلي زوجك يجي يتغدى عندنا .. رحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجي رسالة مضمونها ( بأي مناسبة ؟) فشلة ...
(8)
مره تخاصمت انا وزوجي وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه ..
تتتتخخيلوا ...... الرساله راحت لزوجي وزعل وارسل تهديد
وانا انطميت وسكت والله موقف لن انساه
(9)
مره اختي مسافره برا وهي مديرة مدرسه .....
المهم جا وقت عودة المدرسات وهي كانت معطيتنا جوالها ....... فارسلت على جوالها رساله تقول لاختي الثانيه )يا فلانه ارسلي للمدرسات رسايل وقولي لهم يداومون احسن لهم ....مو اذا غاب القط العب يا فار)قامت اختي من السنع ارسلت نفس الرساله لجميع المدرساااات ....يعني نفس النص ما غيرته وتعالوا شوفو الضحك والفشيله
(10)
انا مره اتصلت على وحده ماردت بعد شوي جاني منها مسج كاتبه
((يافلانه ترا فلانة (إللي هي أنا) ازعجتني بالاتصالات ومارديت عليها))
والمشكله اني مادقيت الا مره وحده ..
عاد تحسبوني سكت ارسلت لها مسج قلت:
(( ربي باغي يفضحك ))
(11)
جتني رساله من رقم ما أعرفه بس تقول :
((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))
على طول رديت قلت :
((تراااااااك غلطانه وعلمو الحرمه انكم تبي تزورونها ترى الرساله هذي ماوصلتها))
(12)
انا مره واحد ارسل لي رسالة بالغلط :
(فلان انت صاحي ولا نايم)ارسلت له : تراك غلطانرد :
( بلا استهبال جب معك فطور)
(13)
مره في العيد اخوي ما جاء هو وأهله لنا كان عنده شغل ماقدرالمهم اختكم في الله فيني رومانسيه زايده اقعد اكتب رساله كلها شوق وحب لأخوي .. وان العيد ماله طعم بدونك واشتقنا لك والمشكله ماكتبت اسمه لا .. كاتبه ابو عبدالعزيز ليتني كتبت اسمه ..واجي ارسل الرساله ورقم اخوي مميز يعني مايبيله حفظ واكتب الرقم وارسل .. يوم رحت للرسائل المرسله والقى رقم ماطلع اسم اخوي ..
يافشيلتاااااااه قلت الحين بيتصل علي ويغثني يارب مايكون واحد لعاب بس شوي واتصل نفس الرقم <<< جاك الموت ياتارك الصلاة ارد ماارد ارد ماارد .. ردي يابنت الناس واعتذري وخليك جاده ورسميه وقولي والله غلطانهيوم رديت طلعت حرمه ..السلام عليكمعليكم السلامأنتِ مرسله رساله لي ؟؟قلت لها غلطانه و اشوا انك حرمه والله اني كنت خايفه انك رجال الحمدلله طلعتي حرمه,,تتوقعون وش قالت ؟ قالت : انا كنت اتمنى انك تطلعين رجال بس للأسف طلعتي حرمه!!قلت لها ليش؟قالت انا رقمي رديف لرقم زوجي .. وزوجي اسمه ابو عبدالعزيز قلت يمكنك واحد من اصحابهمرسل له رساله وغلطان ,, لكن طلعتي حرمه والله لا يوريكم والله سوت لي تحقيق ولا المخابرات
انتِ مين ؟ انتِ تعرفينا وتسوين فيني مقلب صح؟؟قلت لها والله مااعرفك..غلطانه والله غلطانهقالت قولي الصراحه تعرفين زوجي ؟؟والله اني قعدت احلف واقسم ساعتين ماصدقتنياووووف اعوذ بالله شكلها مرررررره شكاكه حلفت لها مليون يمين اني مااعرف زوجها,,في الاخير عطيتها رقم اخوي قلت لها شوفي هذا رقم اخوي ابو عبدالعزيز اللي كنت ابرسل له نفس رقمك يا اختي لكن الاختلاف اخر رقمين بس انا عكستهم صدقيني,, اتصلي عليه واسأليهياالله بعد طلوع الروح اقتنعت وسكرت ,, لا .. ويوم اقتنعت تقعد تسولف معاي ,, تقول ارسلي رسايل حلوه ان كان عندك ,,<< في المشمش هذا اللي ناقص بعد ,,
(14)
امي ياحليل امي وخف دمها .. كنا عند اخوي وكان شديد علينا في الخروج لازم نستأذن منه .. المهم انه مو كل المساييير يوافق عليها
وكنا معزومين عند ناس ما يبينا نروح لهم .. عاد امي قامت تبي تدق على اخوي الثاني وتقوله بنقول لخوك انا عندك ونروح للي عازمينا قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..
ما درت انه هو الشديد ..
ضحك وقال ان شاء الله يمه دقت عليه مرة ثانية قالت : شف حنا بنروح لخوك فلان حتى دق عليه واسأله ..ضحك .. وقال إلعبي غيرها يا ام فلان انا اللي كلمتيه تو ..
قامت تضحك وقالت : اصلا امزح ماني رايحة لاحد :{
منقوووووووول ان شاء الله يعجبكم
(ام العز) @am_alaaz_3
محررة
يلزم عليك تسجيل الدخول أولًا لكتابة تعليق.
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
والله تهبل بس الحمد لله ما قد صارت لي الحمد لله
والله تهبل بس الحمد لله ما قد صارت لي الحمد لله
هههههههههههه مواقف خطيرة
انا موقفي اللي صار لي بالرسايل مرة جلست ادق على وحدة من صديقاتي وهي مطنشة ماترد لي كم يوم ادق عليها ولا به خبر
عاد دقيت على صديقتنا الثالثة وقلت لها باللي صار وقلت لها اخاف تكون صديقتنا هذي زعلانة مني او ايش السالفة وقالت اوكي انا ادق عليها واشووف لك السالفة ومر اسبووع ورجعت كلمتني البنت وجلسنا نسولف وقلت لها ها بشري دقيتي على فلانة قالت ايه وطيبه ماعليها قلت ليش ماترد علي قالت يوووووه نسيت اقوول لها واسألها خلاص شوي وادق عليها
وعقب ماسكرت المكالمة كتبت لها رسالة>> بليز بليز هزئيها يافلانة من قلب قهرتني ليش تطنشني وانا ماسويت لها شي ليش هالتغلي بس والله لوريها بيووم >>>تدرون لمين ارسلت الرسالة ارسلتها للي طنشتني وعاد هي لمن قرت الرسالة دقت علي واعتذرت وحلفت لي ان الجوال مايكون عندها وان جوالها كان مفصووووول وكانت عندها مشاغل
انا موقفي اللي صار لي بالرسايل مرة جلست ادق على وحدة من صديقاتي وهي مطنشة ماترد لي كم يوم ادق عليها ولا به خبر
عاد دقيت على صديقتنا الثالثة وقلت لها باللي صار وقلت لها اخاف تكون صديقتنا هذي زعلانة مني او ايش السالفة وقالت اوكي انا ادق عليها واشووف لك السالفة ومر اسبووع ورجعت كلمتني البنت وجلسنا نسولف وقلت لها ها بشري دقيتي على فلانة قالت ايه وطيبه ماعليها قلت ليش ماترد علي قالت يوووووه نسيت اقوول لها واسألها خلاص شوي وادق عليها
وعقب ماسكرت المكالمة كتبت لها رسالة>> بليز بليز هزئيها يافلانة من قلب قهرتني ليش تطنشني وانا ماسويت لها شي ليش هالتغلي بس والله لوريها بيووم >>>تدرون لمين ارسلت الرسالة ارسلتها للي طنشتني وعاد هي لمن قرت الرسالة دقت علي واعتذرت وحلفت لي ان الجوال مايكون عندها وان جوالها كان مفصووووول وكانت عندها مشاغل
ميمي 19 اسعدني مرورك بس انا قلت لاتقولون هههههههه لازم تشاركون يله ياعسل ننتظرك
نووض مشكورة يالغلا بس نبغى مواقف تذكروا يمكن حصل لك موقف اكتبيه لنا
اتعبني الحرمان تسلمين عالمرور
احب زوجي واولادي وااااااوك فشيلة الصراحة بس خيرة دقت عليك
سعدت بتواجدك ياحلا
حلا الايام العفو حبيبتي
بناااااااات نبغى مواقف تكفووووون نبي نضحك
نووض مشكورة يالغلا بس نبغى مواقف تذكروا يمكن حصل لك موقف اكتبيه لنا
اتعبني الحرمان تسلمين عالمرور
احب زوجي واولادي وااااااوك فشيلة الصراحة بس خيرة دقت عليك
سعدت بتواجدك ياحلا
حلا الايام العفو حبيبتي
بناااااااات نبغى مواقف تكفووووون نبي نضحك
الصفحة الأخيرة
اسعدتني قراءة رسائلك