رسالة جوال … بكتني …

ما ادري انا محششه الموضوع رسالة جوال بكتني .. يعني الحكاية فيها بكاء . وحطيتها بالترفيهية .<<<<< طب قولي لنفسك يا اخت :D

المهم والله انا شايفة المكان مناسب .. الا اذا الاخوات المشرفات بيعصبون علي . ويغيرون المكان . فما عندي مانع <<<<< تكفين يا لمهمة .

<<<<<<< اخلصي ياكثر هرجها وين الرسالة اللي بكتك .

ايوه صح والله يابنات من يوم طلعت الجوال ماكنت اتوقع انه يوم بتجيني رسالة تبكيني <<< عشان قلبك حجر

وصارت وجاتني رسالة من اعز صديقات المدرسة . اللي تزوجت و بطلت دراسة . وضعت بعدها بين البنات اللي مايعرفون معنى الصداقة .

وبعد فراق 6 سنوات ارسلت لي هذي الرسالة

ياليت الزمن يرجع والليالي تدور
ويرجع وقتنا الاول وننعم في بساطتنا
نروح المدرسة بدري ونضحك داخل الطابور
نحاول نزعج العالم بروحتنا وجيتنا
كبرنا وصارت الدنيا تصف احزاننا بالدور
وكل غارق بهمه والاخر تشتتنا

لا تقولولي قديمة الرسالة

بس والله كان لها اثر فيه . بعد ما قرايتها . ما حسيت الا بدموعي تنزل غصب عني .
والرسالة هذي فعلا تتكلم عننا يوم كنا في المدرسة . صح كان ابوي الله يخليه ويطول في عمره يوديني المدرسة بدري وهي كمان والله لا يوريكم يطيح علينا ضحك مو بس في الطابور حتى في الفصل وفي التلفون . وما نمل من الهروج مع بعض .
اما الحين فتمر شهور ما نكلم بعض من كثر المشاغل .

المهم خلاص مسحوا دموعكم <<<< على بالها انها بكت بنات المنتدى

ونزلوا دموعي انا <<<<<< غاوية احزان والله

وقولولي ايش الرسايل اللي جاتكم على الجوال وبكتكم .ودي اسمع قصص
الة جوال … بكتني …