رمضان كريم علينا وعليكم
اليوم الطبق الاول / الكنافه
يابنات بنزل الصور شكل الكنافه غلبانه هع لكن من جد طعمها فتاك
واليكم الطريقة :
1- طبعا الكنافه على قد صينيتك وانتبهي لازم تفركينها بالزيت والحكمة من ذلك ان الزيت يتحمل الحرارة اما السمن والزبده يحرقونها من غير ماتستوي
2- حطي مع الزيت الي بتفركين فيه الكنافه صبغة زعفران بطرف ملعقة الحلى الصغيرة جدا لاتكثرين بعدين يطلع لونها فاقع مو حلو طبعا انا دورت صبغة الكنافة الين ماحفيت ومالقيت ولقيت ان صبغة الزعفران تودي الغرض
3- حطي الطبقة الاولى في صينيتك المدهونه ولاتكثرين الطبقه الحكمة بتطلع دفشة ومي زينه واضغطيها في الصيني هودخليها الفرن الين ماتستوي من تحت
الحكمة من ذلك كذا اسهل للمبتديات في الكنافة وتضمنين انها استوت 00
4- نجي للحشوة كوب ونص حليب طازج نادك مع ملعقتين نشأ نقلبهم على النار الين مايثقلوا نجيب خلاط ونحط فيه الخلطة و قشطة التاج ومعاه 4 حبات جبنه كيري و2 فنجان سكر
5- ندخلها الفرن من فوق 5 دقايق او اقل عشان تمسك الحكمه تكون الحشوة متماسكة اكثر
6- نوزع باقي الكنافه من فوق ولاتكثرين يعني خلي القشطة شوي تبان مو كثير الحكمة يطلع شكلها احلى وماتكون ثقيله
وحمريها من فوق فقط
(يابنات صح بدتخلينها الفرن ثلاث مرات بس اسهل بكثير من انك تحطين كل الطبقات وادخلينها الفرن مرة وحده بتكون صعب عليك تعرفين انها استوت ولا لا خصوصا للمبتديئين وثانيا القشطه تسيح لانها طولت بالفرن وتختفي بين طبقات الكنافة وماتطلع متماسكة ولاتخافين ترى المدة قصيرة مو طويله
واليكم الصور
هذي الصور بعد ماطلعت من الفرن طبعا احنا صنيتنا زغنطوطه على قد الاسرة الكريمة ( الله يحفظهم يارب )
وهذي قطعه من قريب
وهنا زوووووووووووووووووووم على الصينية بعد التقطيع
يابنات امي محتاجة دعائكم ادعو لها بالشفاء العاجل وان الورم مايرجعلها مرة ثانية