رشاقة رمضانية و صحية مع الطائر الجريح(سارعوا فالكمية محدودة)

السلام عليكم ورحمة الله وبركاته..
كل عام و انتو بخير جميعا..
يا الله يا الله يا الله!!
أنا شايفة بنات كثار مرة مرة متجمعين هنا و يقرأو الموضوع <الثقة العمياء>
:icon28:
بنات أول شي خليني أحكيلكم معانتي و معاناة كل وحدة فيكم مع السمنة :angry:
دخل رمضان بنوره و خيره علينا...و قرب العيد...و البنات كلهم يدورون عن رجيم سريع ينحفهم قبل العيد لو 10 كيلو او 5 كيلو...
و تقعد تجرب هذا الرجيم وهذاك الرجيم و هيا خذلك انوااااااااااع الخربطة و الأكل بين الوجبات
>> ههههه و نقول نبي ننحف :D <<
طبعا هذي معاناة قبل العيد و برمضان بأكلاته المميزة و الشهية و اللي تشمين ريحتها من آخر البيت :buck:
طيب نروح للمعاناة من جهة أخرى او ناحية أخرى..
أنا: أمي بروح للسوق اليوم!!
الوالدة: طيب...الله يقويك...
أنا...أروح السوق و أدور و أدور أدور...لا واللي يفشل أكثر لو جربتي بنطلون و لا بلوزة و انشقت....
يا الله...أرجع البيت وانا معصبة عالآخر...
ما لقيت ولا شي حصيلة التسوق الإكسسوارات كالعادة مافي شي حلو و مقاسي
و الله حتى في الأيام الاخيرة...سرت اروح السوق ولا امر على محلات الملابس على طول على الإكسسوارات
ما ابغى اقهر نفسي...
أرجع البيت و انا منهكة و متقطعة و خانقتني العبرة و اقعد أبكي و أبكي...مقهورة من نفسي..
أمي: يا بنتي ايش فيكي تبكين؟؟
أنا: يا ماما زي كل مرة...أروح السوق ولا ألقى شي مقاسي...ولا في شي يعجبني أصلا...
أمي: بنت الحين بدال ما تحمدين ربك على المشوار اللي تعبتيه مع الرجيم تقولين كذا؟؟ و تتذكرين لمن كنت أقلك
يا بنت لا تاكلي لا تاكلي ترى تسمني...و انتي ما تسمعي كلامي...و تعانديني أكثر و تاكلي أكثر
يا بنتي الطريق و الأشواط اللي قطعتيهم مع الرجيم مو سهلين...أبدا...احمدي ربك يا بنت...شوفي الحين كيف جسمك عن اول...باللهِ عليكي مو أحسن؟؟
أنا * والدموع مجتمعة في عيوني *: صح يا ماما خلاص خلاص من اليوم ورايح بسوي رجيم و أنحف..إن شاء الله..
أروح و افتح عالم حواء و ادور بهالرجيمات و اجرب و الخبط...
و بما أنو جا رمضان...قلت لنفسي..خليني أسوي رجيم و أنحف...و منها عدة فوائد:
1- أنحف و أنحف و أنحف
2-أؤدي عبادة و أخذ أجر...يعني يااا سلام حتى على الكيلوات اللي انزلها اخذ أجر
3-تصغر المعدة ويسير ما يحتاج أكل كثير بعد رمضان...
-- -- -- -- -- -- دارية تبغون الزبدة يلا أترككم مع الرجيم -- -- -- -- -- --
الفطور:-
3-5 تمرات
كوب حليب او لبن خالي الدسم
2-3 فنجال قهوة >> اذا كنتو مشتهين طبعا القهوة العربية..يعني اللي مافيها سكر
2-3 حبات حلى – بإمكان تأجيله لحد الفطور اللي بعد الصلاة- 
= = = تروحون و تصلون المغرب و هذا لعدة أسباب:-
- عدم تأخير الصلاة
- لكي ترتاح المعدة قليلا بعد وصول الأكل المفاجئ لها...لأنو يا بنات في حاجة مهمة لازم تعرفوها
مو نحنا نصوم و تسير بطوننا فاضية...طبعا بهذا الوقت المخ يرسل زي الإشارات بحرق مخزون الدهون
كمصدر للطاقة....و كمان يعطي إشارة للمعدة انو لما يوصلها أي أكل ما تصرفه على طول و من غير تفكير تروح تودي الأكل لمخزون الدهون في الجسم...عشان لو سارت حالة زي كذا مرة ثانية ما يتدهور الجسم و يسير في حالة نقص طاقة....
فنحنا لو أكلنا و بعدين إرتحنا لو ربع ساعة و رجعنا ناكل...ما راح يسير هذا الشيء
لأنو غلطات الناس في رمضان ياكلون مرة وحدة و بعدين ما يسيرون يقدرون يتحركون!! من التخمة طبعاً
= = =
الفطور الثاني اللي بعد الصلاة:-
صحن شوربة من أي نوع
صحن سلطة
2-3 مقليات (سمبوسة-كبة و أي حاجة مقلية)
بإمكانكم التبديل بين المقليات و الرز مثلا بدال 3 قطع مقليات
تاكلون نصف صحن رز- 10-15 ملعقة رز يعني...
= = = =
يمكن تحسون انو الأكل شوية و لكن والله و عن تجربة...حتحسون بالامتلاء عالآخر..
- - - - -
إذا حسيتم بالجوع بين الوجبات...كلو لكم زبادي خالي من الدسم او حليب خالي من الدسم او صحن سلطة او شوربة خضار...
- - - - -
السحور:
يفضل السحور إنو ما يكون ثقيل...
فمثلاً 7 تمرات و كوب لبن قليل الدسم
أو 5 ملاعق رز...شوية سلطة...
2-حبتين حاجة مقلية
و انا أقلكم السر في السحور...
1- أول شيء لأنه سنة....
2- السر في تخفيف السحور...هو إنو السحور حيكون مصدر ثاني للطاقة أثناء الصيام..
فلو خففتو السحور...
حيسير مصدر الطاقة قليل و بالتالي يسير الجسم ياخذ الطاقة من مخزن الشحوم (وهذا هو المطلوب)
= = = = =
الحين خلصنا الخطة و باقي نقطة صغيرة أحب أوضحها لكم...
سوو رياضة ولو لمدة10-15 دقيقة....
والأحسن تكون البطن شبه فاضية عشان تبان النتيجة بغضون شهر...
= = =
تمنياتي لكم بصيام مقبول و إفطار صحي و نزول سريع
و الرشاقة أكيدة مع الطائر الجريح
و أي استفسار أنا حاضرة...
- - -
ادعولي ربي يحقق لي اللي في بالي
و يوفقني في دراستي!!
- - -
و انا حأسوي الرجيم اللي كتبتو و اكتب لكم النتايج يوميا و كمان انتو لو حبيتو تطبقونو كل وحدة تكتب النتايج...
و السر في الرجيم هو مو الحرمان بلعكس الرجيم متعة وصحة انتي بس اتخيلي حالك بعد ما تسيرين رشيقة و الكل يسألك: ايش سويتي بعمرك انتي؟؟
و يسير بدال ما تدورين الملابس اللي علا مقاسك تسير الملابس هي الل تدورك :7_18_2: ما تعرفين ايش تختارين من الملابس و الخرابيط يااااااي
متى يجي هذا الوقت بس....يلا لازم نشد حيلنا
- - -
أختكم
الطائر الجريح