السلام عليكم ورحمة الله وبركاته
كيفكم خواتي
سمعنا كثير مقوله مشهورة واعتقاد خاطئ ان الي عمرها 40 وفوق ماتنزل او ان نزولها صعب
لكن مع الإصرار والتعود والرياضة والرجيم التوازن نشوف العجب العجاب
بالذات اللي طول عمرها سمينة ولما توصل الاربعين تبدا تشتكي من خشونة الركب وهشاشة العظام او من تعاني من انزلاق الفقرات والتهاب المفاصل
كلها امراض ملازمة لكل امرأة وزنها زايد ووصلت لهالعمر وهي على هالحال
اختكم ام باسل ماتتكلم من فراغ
هذه رحلة عمتي (زوجة عمي) للرشاقة
بدات بتغيير نظام حياتها كله مو بس نظام اكلها
عمرها 42 سنة وكان تعاني من الم في المفاصل والركب
وعندها انزلاق في الفقرات ال3 الاخيرة
عرضت نفسها على طبيب قال لها:
اول خطوة لعلاجك نزول الوزن
هي عانت الكثير الكثير خواتي
ولا لجات لطبيب الا بعد ماصار الصحن يطيح من يدها من شدة الم الروماتيزيوم
شمرت عن ساعديها وبدات بكل حماس الله يحفظها ولا وقفت الى الان
الحين تشوفون النتيجة..
مسرح القضية
اول خطوة سوتها اشتركت في نادي صحي لمدة سنة
واعطتهم التحاليل والفحوصات انها تعاني من خشونة في الركب وانزلاق وروماتيزيوم
وانها في حالة مزرية جدا وتبي ترتاح من وزنها الزايد ومن التعب والعذاب اللي تتعذبه باليوم 100 مرة
بدات بجلسات العلاج الطبيعي
رياضة خفيفة
تحريك كامل الجسم
نشاط
حيوية
مشي
تمارين يوقا مرة بالاسبوع
تمارين سويدية
حمام بخار مرة كل اسبوع
النظام الغذائي:
تركت كل شي عقلها الباطن يقولها هذا ماراح يفيدك
هذا بيضرك
بيتعبك
بيزيدك الم وسمنة وشحوم متراكمة
تركت المقليات بتاتا والمكسرات وبدات
تخفف من السكريات
استبدلت لاحظوا وش اقول استبدلت ماحرمت نفسها لان الحرمان يولد الإحباط وبعدين الهجوم عالصحن واكل الاخضر واليابس:22:
استبدلت السكر الابيض بالبني
الملح بالليمون لانها كانت تعاني من الضغط
اللحم بالدجاج والسمك
الرز بخبز البر بالنخالة
الجبن كامل الدسم بقليل او منزوع الدسم
كنت اشوفها قدامي لما نجتمع في عزايم او اعياد او مناسبات كبيرة
ماترد اللي يعطيها لكن تاخذه وتاكل الربع وتترك الباقي
حتى في البوفيهات بالاعراس
تاخذ صحن وتعبي ثلاث ارباعه سلطات بابا غنوج وتبولة وسلطة تونة وسلطة خضراء
والربع الباقي من الصحن تحط فيه كباب وقطعه سمك
تستبدل المشروبات الغازية بالعصيرات
وتشرب موية قبل الاكل
قبل ماينادونااهل الزواج عالعشاء تشرب موية كثير
اشوفها في كل مرة كل مرة كل مرة يابنات
موبس مرة او 2
لالالالالالا
تعودت على كذا
القضية تعود يالغاليات
لو حرمت نفسها تعرف انها بتعوض بدل القطعه 10 قطع حلى
لكن ماتخلي نفسها فشي ماتذوقه
لقمة واحده صعنونة بسسسسسسسسس
وتستمر على باقي الخطوات ماشاء الله عليها لا قوة الا بالله
بداية الفرج
بدانا نشوف ملامح الوجه تتحدد
الخصر اترسم
المؤخرة ارتفعت
اليدين تناسقت مع الجسم
الافخاذ انشدت
بدانا نلاحظ لما تقوم ماشاء الله تبارك الله تقوم بخفة ورشاقة زي الفراشة
ماعاد فيه
ااااخ
اوووووووووووه
ياويلي
ياااااااربي لمتى على هالحال
لالالالالالالالالالالالا
الشي اللي بهرني انه بعد 6 اشهر صارت تلبس ملابس بنتها اللي عمرها 22 سنة بسم الله عليها
وصاروا يجلسوا جنب بعض وباينين انهم اخوات
موب ام وبنتها
تبارك الله لا قوة الا بالله
:o
بعد سنة
صارت كانها صديقة بنتها بس موب باللي بنفس الصف معاها
لا
كانها صديقتها اللي اصغر منها
والله العظيم ماابالغ
صارت قمر
قمررررررررر ماشالله تبارك الله
وين كانت وكيف صارت
السمنة كانت مخليتها كانها عجوز عمرها 65 سنة
والرشاقة رجعتها 20 سنة والله 20 سنة ورى
ماشاء الله تبارك الله لا قوة الا بالله
صرت كل مااشوفها اشجعها
قالت الحمدلله ولا راح اوقف
صحتي اهم شي
كنت باموت من الالام والحين بفضل الله ثم الدعاء والصدقة والاصرار والعزيمة كل شي يصير سهل
خواتي
لاتقولي وصلت 40 ومابقي من العمر قد ماراح:22:
لاتعصبون
ادري الاربعينات عمر النضج والرزانة ياسلام لو صار معاها رشاقة
شوفوا الصينيات
الاندونيسيات
الشاميات
اغلبهم مايشتكون من اللي يشتكون منه السيدات السعوديات
بسبب كثرة الحركة والنظام الغذائي السليم
لاتقولي بكرة ابدا
قولي الحين راح اتغير
تونا استلمنا الرواتب
خلي مقاضي هالشهر كله قليل الدسم
افيد لك ولعائلتك
لا تستهري بسمنة ابنتك وهي في الابتدائية
او ابنك
لالالا خواتي
حتى الاطفال نساعدهم على تجنب السمنة وبلاويها منذ الصغر
عوديهم على الاكل الصحي
فواكه خضار بسكوتات عصيرات شابورة
ابعديهم كل البعد عن المشروبات الغازية المسمومة واستبدليها بالحليب والعصير واللبن
ابعديهم عن البطاطس المقلية واستبدليها بالمسلوقة والمشوية
ابعديهم عن السناكس واستبدليهم بالفشار والذرة
شوي شوي يصير الموضوع عادي
تتعودي اذا رحتي السوبر ماركت تروحي دايركت على قسم ماكولات الرجيم والخضار والفاكهة
خلي بدايتك هالشهر
وخطوة بخطوة
نصل للقمة
اسأل الله ان يعافينا في اجسادنا ويرزقنا عبادته وحسن طاعته
والسلام عليكم ورحمة الله وبركاته
حبيبــ غندورة ــها @hbyb_ghndor_ha
محررة ماسية
رشاقة وجمال ونظارة سيدات الاربعين ربيعا ومافوق+تجربة حية امام عيني من 88لـ59 ماشالله
150
29K
يلزم عليك تسجيل الدخول أولًا لكتابة تعليق.
جزاك الله خير الجزاء ورزقك عيش السعداء مع الأنبياء والصديقين والشهداء
فعلا هالكلام هو اللي قاعد يصير معايه وان كنت لسه مادخلت الاربعين لكن قررت من اسبوعين اني ما انتظر واضيع صحتي اكثر من كذا
الله يوفقك ويديم على عمتك الصحه والعافيه وعلى جميع المسلمين
فعلا هالكلام هو اللي قاعد يصير معايه وان كنت لسه مادخلت الاربعين لكن قررت من اسبوعين اني ما انتظر واضيع صحتي اكثر من كذا
الله يوفقك ويديم على عمتك الصحه والعافيه وعلى جميع المسلمين
الصفحة الأخيرة
اقنعني كلامك .... وان شاء الله ربي يتمم عليها الصحه والعافيه
ويرزقنا العزيمه والاصرار