رضاعتي لولدي يوم العيد

السلام عليكم ورحمة الله
خواتي من دون مقدمات بادش بالموضوع 
انا ولدي عمره ثلاث شهور ورضاعته والحمدلله طبيعي وصناعي يوم العيد ماعيدنا إلا بعد المغرب ولا رحنا إلا عند اهل زوجي وجلسنا عندهم إلى الفجر المهم إني طلعت صدري ارضع ولدي وكان فيه حليب نقاط طالعه المهم لاحظوني ام زوجي واخته رضعتي ولدي والحمد لله مافيني شي بس المشكله اليوم الثاني جيت ارضع الولد وشفت الموووت صرخت صرخه بقوووه لا إراديا حسيت كأنه ياكل مو يرضع وطالعت بصدري وملاحظت شي لاني ماقدر امسكه واتحسسه الم فضيع اليوم الثاني انفجعت لمن طالعت كانت الحلمات حمراء كأني جايبه سكين وابغى اقطعها صارت محدده من جميع الجوانب ولونها حمراء 
الحين لي ست ايام احط زيت زيتون مقري عليه لكن مره مافادني لاني اضطر اعطي ولدي يرضع ومع الرضاعه ماتلتأم واتألم بشكل فضيع لدرجة دموعي تنزل 
جيبولي حل وش احط الله لايوريكم التعب بصراحه شي مو محتمل 
للمعلوميه مو اول مره ارضع ولدي قدامهم بس اول مره اطلع صدري وهو ينقط حليب وقلت يمكن ماسموا ولا قالوا ماشاء الله وهم مو من النوع العيان 
الله يسعدكم ساعدوني فرج الله عنكم همومكم وغمومكم