موقف رعب قبل اسبوعين تقريبا مدرستنا صار فيها حريق بسيط بس الدخاخين وصوت الانفجار صاروا البنات صراخ وطبعا استنفار والمعلمات انفسهم تخبلوا والبنات انواع الاغمائات واكثر شي خوفنا يوم جوا الدفاع المدني 6 سيارات و4 اسعاف ومشغلين الجرس حقهم يمممه شي يخوووووووووووف مرررررره مررررررررررررررررررررررره

هههههههههههههههه .. موآآقفكم تضحك

::

آحنآ في المدرسه المررششده تخووف حييل و البنآآات يخاافون منننهآآ و آنآآ آكثثثثثر وحده آخآف منهآآ لآنهآ تقول ممنوع الشباصات الرفعات
وانا آلبسهم .. و مرره كآن عندننآ دفآتر الابله قآمت تقول لي انا وكم بنت نوديهم حق فصل ثاني و كنا جنب الحمااام و شقنا جايه لنا المرشده انا ارووح اركض الحمام مع بنت و اعطي البنت الدفاتر اقول لها انتي وديهم و انا بلبد في الحمام وتمييييييت في الحمام وقالت لي صديقتي ان المرشده سألت وين البنت الثانيه اللي كانت معاكم قالو لها اني في الحمآآم يآآآآآآآلهوي ..
وبعدين قلت خلااص بطلع الا واطلع اشووف الابله تستناني جنب باب الحمااااااااااام و اشوفها قدااامي احس ان بيغمى عليي و كنه احد كاب علي ماي بارد حاار اليي تبونه و و صااااااار وجهي احمر من الخوف و احس بحراره من الخوف >> جد جد هالمعلمه تخوووووووووووووووف
والمعلمه حست اني حيل حيل خفت و ما سوت لي شي بس اسئلتني و ييين الدفاتر قلت لها ع ع ع ند ...... و قالت لي شتسوين في الحمام قلت لهاا من الخووف كنت في الحماام > فهموها هه
و قالت لي يلا على فصصلك واروووووووح الفصل و احس اني طاالعه من محل حاار الى محل بارد حسسيت بنفجر و البنات يشوفوني و يقولون لي وش فييك اقول لهم مافيني شششششي ههه




وييييييييااااا كثر المواقف مع هالمعلمه اللي اخاف منهها

>> آدري كلآآمي كلش كلش مو مرتب

ارعب موقف مر علي كنت رايحه للدوام بدري وكانت ايام عوده للموظفات بعد الصيف يعني الدنيا هجده ومافيه طالبات مغير انا والمستخدمه ورحت الله يعزكم لحمام الطالبات لان حمام الموظفات مافيه مويه المهم وانا جوا الحمام واسمع صوت بنات برا عند الباب سواليف طالبات واشوف ضل من تحت وانا من الروعه تيبست وجلست اقرى بسري حتى اختفى الصوت ورحت اركض للمستخدمه قلت فيه احد جا للمدرسه قالت لا ابدا ماجا احد( مانساه ابدا واصواتهم بذني الى الساعه هذي)

القصه الاوى ....مره كنت في الحمام الله يكرمكم وانا صغيرونه امكن في رابع ابتدائي وتعرفون انواع الفله في الحمام واللعب بالمويه
وجالسه انا مروقه العب بالموه على البلاط شوي الا اشوف حشره ماره يمكن قد شفتوها اللي لونها شبابي وانا استلمها بالمويه كل ماجت بتهرب رشيت عليها وشوي اسمع صوت من ورايه يتكلم بشويش يقول تعالي وربي ليومكم هذا الصوت محفور في اذني وانا اللي اخرج باقصى سرعه من الحمام ماكني سلمت واهلي يسمو عليه ويقرو انواع الحفله ذاك اليوم

القصه الثانيه
كنا حنا واهل عمي رايحين نتمشى طالعين البر المهم انا ووحده من بنات عمي مرا نحب بعض بيننا انسجام غير طبيعي ومانصدق نتلاقى
واخذتها وقمنا نتمشى قبل الغدا في عز القايله ونسولف ونمشي نمشي نمشي ماحسينا بنفسنا ابد لاننا نهذر واثارينا مشينا مسااافه طويله والمنطقه فيها شجر وكذا ويوم قطعنا مسافه ليست بالقصيره <<يمديكم عاد شفنا شجره كذا حلوه كبيره وضلها حلو وحنا تعبنا ولامعنا ماء والشمس صرعتنا قالت بنت عمي خلينا نجلس نكمل سوالف تحت الشجره والله ونجلس ونكمل بربره واقول لها تصدقين ترا مرا ابتعدنا عن اهلنا <<توه تلاحظ قالت عادي بنرجع شوي وماهي الالحظات ونسمع صوت سياره الله لايوريكم جاتنا ام الركب بس صرنا نفكر وين نهرب محنا قريبين من اهلنا ابدن يعني يمديه يخطفنا بالراحه والله على طول فزينا قصدنا نطلق سيقاننا للريح شويه الا ويبرد جلدي علي اشوى طلع الشاص حق عمي قالت بنت عمي غريبه وش جا يسوي قلت انا مدري يمكن اهلي بينقلو الجلسه وشوي يوم وصل عندنا انواع التسفيل فينا ومرا خفنا وحمرت وجيهنا خصوصا انا اخاف من عمي من اول بعدين جينا بكل ادب بنفنح الباب قصدنا بنركب قال اطلعي انتي ويها في الحوض ونركب ومستحين مررره اول مره نكب حوض في حياتنا <<يقال احد درى عنكم
ويجي مسررررررررع وانواع النطنطه وربي اني انط كلي وارجع تكسير على كيف كيفكم واقول لها معقول احنا مشينا المسافه هذي كلها وشوي الا نشوف اهالينا منثرين في البر حالة استنفار البنات والشباب والعجايز اثارهم يحسبونا ضعنا ويدورو علينا واحنا نهفهف بعباياتنا في الحوض ومدنقين مستحين ويوم نزلنا انواع التسفيل منهم واحنا مصدومين ونقول لهم وشفيكم ماضعنا رحنا نتمشى ولاعطونا وجه وطول الرحله محد يكلمنا وكتبنا ع الشجره ذكريات يوم ضعنا هع
وش رايكم بس في القصه

مره سكنى بشقه وكنت انا واختي ننام في غرفه واعمارنا انا 9 واختي 7 وغرفة امي وابوي قدامنا طبعا لاننا صغار ونخاف كنا ننام وباب الغرفه مفتوح وتعالو شوفو الحفله الي تصير وقت مانطفي الانور طبعا بين الغرفتين حمام وانا واختي اسرتنا قبال الباب وكل يوم فالليل نشوف ناس داخلين طالعين من غرفة امي وابوي او من الحمام يروحون للصاله يعني مثلا نشوف حرمه طالعه من غرفة امي وابوي وتدخل الحمام او تروح الغرفه الثانيه الي جنب غرفتنا او طالعين من الحمام للصاله وهكذا واقول لاختي بصوت واطي تشوفين تقول ايه وتجي تنام في سريري او انا انام عندها واحيان نشوف ابوي يطلع من الغرفه معاد يرجع او امي تدخل الحمام معاد تطلع ولما نصحى نسالهم يقولون ماقمنا ابد واحيان اصحى فالليل واشوف نور الغرفه الي جنبنا والعه واروح مبسوطه على بالي امي سهرانه واجي القاها طافيه ومره اهلي كلهم طلعو وخلوني فالبيت ماابي اروح ولا كنت اخاف اقعد لحالي وانا اتفرج على التلفزيون المح يد تطلع من غرفة امي وابوي تاشر والتفت مافيه شي .. واختي مره تغسل يدها فالحمام وجت عندنا تقول ليه تمعطين شعري قلت اصلا ماقمت اتفرج على التلفزيون وابوي يقول ماقامت تتفرج وخافت تقول المعطه كانت قوووويه لدرجة رجع راسها ورا بقوه .