والله انا لي مواقف واجده اعوذبالله من كنت صغيره الي اذكرها الحين

قبل اتزوج كنت بثانويه بعد صلاه الفجر مافيني نوم قلت خل احفظ قران احسن عندنا تسميع في المدرسه

نزلت من سريري وجلست بالارض احفظ واقرا هدوء مافي الا انا في الغرفه فجأه حسيت احد جنبي يتنفس

طنشت رجعت اقرا كل ماقريت يزيد سكتت قعدت اتسمع سمعته وووواضح جنب خدي كأن انسان يتنفس

ونا طيرااااااان غرفه امي

الموقف الثاني الصبح زوجي كان طالع لدوامه وانا على السرير والمبات طافيه قالي فلانه تبين شي انا طالع لدوام

قلت ابد سلامتك وارجع اكمل نومتي وبنتي وحده صغيره تنام عندي وحده تنام بغرفه جنبي وهي مرات لا راح ابوها جت تنام عندي وراعيه سوالف وهذره اول ماسكر زوجي باب الشقه وطلع وانفتح باب غرفتي هو كان

مردود شفت نور الصاله وسمعت خطوات رجول بنتي تركض وافتحت البطانيه وانسدحت ورايي وانا اسوي نفسي

نايمه عشان ماتهذر على راسي واستنى تتكلم ماقالت شي استغربت وانا التفت مافي احد والله وافز واشغل

النور ماش مافي احد واطلع اشغل كل المبات واضيع السالفه نظفت كل الشقه وانا مشغله القران والله بغى يطير عقلي سبحان الي رزقني الهدوء

الموقف الثالث قبل كم شهر دخلت بنتي تغسل يدها بعد الغداء مدري ليه صدفه كانت عيني عليها شفتها تغسل

واطالع المرايه فجاه تغير وجهها ونزلت راسها كأنها شافت شي وقامت ترفع راسها تبي تشوف مره ثانيه فهمتو بعدها نادت اختها تقول يمه شوفي حرمه اطالعني انربط لساني

بعدها بؤقت ناديتها قلت وش شفتي ليتني سكت وصفتها تقول حرمه لها شعر طويل وفيها فرقه بالنص عيونها بالطول

وتذكرت بعد موقف لأختي بيت اهلي دورين فوق غرف النوم كان وقت عطله وخواتي يسهرون هم ثنتين ومايصحون الا بعد المغرب

الله يهديهم ويجمعون الصلوات نصحنا ماش المهم انه العصر يكون الدور الي فوق فاضي تنزل امي وباقي خواني ذاك اليوم صحت

اختي الي تنام معها قبلها قبل المغرب ونزلت بقت هي لحالها فوق نايمه اذن وصلينا مادرينا الا وهي نازله كأنها دايخه لونها اصفر

وشفايفها بيضاء اجلست على الكنب يالله تتنفس ودايخه خرعتنا قالت كنت نايمه انفتح الباب وشافت وحده واقفه تقولها قومي

صلي يالله صلاه تقول اول شي بشويش تفكرها انا تقول بعدها صرخت صرخه قويه مع ضحكه قووويه ماقد سمعت نفسها تقول ولفت رااحت تقول ياطول شعرها واصل للارض

رفع

عجبني المووضوع اشوا ان زوجي موجود اليوم عشان اقدر انام

اننا مره كنت نايمه وكنت انا واختي بغرفه وفجاه صحيت الساعه 3 او كذا المهم باخر الليل مدري وش خلاني اناظر للدولاب واشوف وحده تفتش بدولابي ولابسه بلوزه اختي ومقفيه ، انا خفت وقمت اغطي نفسي بالبطانيه وماحسيت الابالصبح مدري كيف نمت بسرعه .
واعوذ بكلمات الله التامات من شر ماخلق .

انا دائم احس بوجودهم حولي لأكن عمري ماشفتهم مثل ذيك الليله هاذا ياطويلات العمر قبل خمس سنوات كان عندي شغاله الله لا يجزاها خير مالها الا ست شهور عندي كنت دائم أنام لو جالسه حتى لو توني قايمه أنام واتحلم انها تجامع زوجي وأحس وأقوم وزوجي يكون عندي اما نائم ولا جالس على التي في ولا طالع وأتعوذ من بليس وارجع أنام غصبا عني مره ثانيه ولا يرجع الحلم مره ثانيه بس تكملت الاول يعني كأني كنت أتابع مسلسل ووقفته بعدين رجعت اكمل جلست فتر هكذا والمصيبة طلع زوجي نفس الشي يصير له اللي يصير معي كنا نعاني الله لايعيد ذيك الأيام بعد فتره كلم زوجي ابوه هو كان يرقي بس تركها وما يرقي الا أهل بيته المهم زوجي كلمه وجا قرى علينا انا وزوجي وعيالي وقرى على البيت ورش ماء وملح في البيت كله وذاك الليله نائمين وعيالي صغار ينامون عندي بالغرفة المهم وانا نائمة الا احس احد يمشي بالغرفة وجا عندي انا مدري شلون قمت وشفته جاي عندي ووقف جنبي ويوم حس أني قائمه طلع بسرعه من الغرفة كان شكله مثل الفقمه ويعرج وهو يمشي ودخل للحمام انا مدري شلون قمت ورآه كل ما اذكر السالفة استغرب من نفسي شلون قمت الحقه وافتح باب الحمام أدوره ما لقيته ورحت أدور بالبيت أقول بنفسي يمكن ماراح للحمام يمكن راح جهة الصاله وغرفة الشغالة وافتح عليها الباب الا هي لابسه حق الصلاه ومعطتني ظهرها جالسه ورافعه يدها كنها تدعي وماحست فيني واطلع وأتركها وارجع أنام ويوم قمت اليوم الثاني أقول لزوجي يقولي شلون لحقتيه ماخفتي وليش ماقومتيني عاد قلنا لعمي قال هاذا اللي مذيكم بعدها سفرناالشغالة والحمدلله ماعاد شفنا شي ارتحنا منها يالله لك الحمد ومن اذاها