نفسي اولآ :

اذكر موقف صار لنا واحنا صغار واذكره للحين -قشعريره- هذا كان بيتنا شعبي ونبني بالحوش عماره دورين وخلاص جهزت باقي بس الاثاث والبويا وكذا وكان فيه مجلس للرجال برى باخر الحوش -لاحق لبيتنا الشعبي- المهم كنا نسهر فيه ونلعب بلاستيشن وكذا المهم لما كنا مارين تخيلت اني شفت احد يناظر من بلكونة العماره وادقق الا اختفى عاد بزر م اعطيت الموضوع اهميه ودخلنا وكان الموجودين اخوي الكبير ونعس وراح وباقي انا واخت اصغر مني واثنين من اخواني صغار نامو هم واحنا ع الساعه 3 كذا طفشنا وبنرجع البيت انا مسكت البلاستيشن وواحد من اخواني واختي الثاني واحنا راجعين الا اشوف نفس الشيء بالبلكونه واخاف واقول لاختي عجلي وبس دخلنا وقفلنا باب الصاله -كانت صالتنا مفتوحه- يعني لو احد نقز من جدار الجيران لعندنا صار بوسط بيتنا المهم وندخل الغرفه بسرعه ونقفل الباب م امدانا ننسدح الا احد يهز الباب يبي يدخل وامي كانت نايمه م حست وهو يهز ويهز ويبي يدخل والشباك كانت مفتوحه ربي رحمنا وم انتبه لها المهم ويناظر من فتحة الباب واشوف عينه مفتوحه ع الاخر ولونها عسلي وتخوووف وانا واختي ضامين بعض ونصيح بصوت واطي ونشاهق من الخوف هههههه المهم شكله طفش وراح وصحينا امي وعلمناها وجلست تضمنا وتهدينا وعلمت ابوي وطلع يدور -باليوم الثاني عرفنا انه واحد بحارتنا هو ممسوس الله يشفيه-

اذكر موقف صار لنا واحنا صغار واذكره للحين -قشعريره- هذا كان بيتنا شعبي ونبني بالحوش عماره دورين...