بسم الله الرحمن الرحيم
جيتكم و انا طالبه منكم مساعدتي
عايشه بحيره لي شهر تقريبا :(
انا طالبه بثاني ثانوي و لي 4 اخوان و 3 خوات
انا ترتبيبي بينهم الخامسه فوقي 3 عيال و بنت و تحتي بنتين و ولد
ابوي علاقته مع اخوانه مررره قوية لكن الله يسامح زوجة عمي فرقت عمي عن ابوي عشان الفلوس
عمي ضعيف الشخصيه يعني كلمة تجيبه و كلمة توديه اي احد يقدر يلعب على مخه
و اخذ نصيب ابوي من الورث اللي تركه جدي
و اللحين الحمد لله الله من علينا و عندنا خير
مشكلتي بدت قبل شهرين لما خطبني صاحب اخوي << عمره 24
لكن انا رفضته والله مو عيب فيه لا والله الرجال مصلي مسمي و جميل و خلوق و يدرس طب
انا رفضته لاني مو مستعده ادخل حياه جديده و مسؤوليه و انا لسى صغيره يعني عمري 17 و ابغى اكمل
دراستي و احقق حلمي و ادخل طب و اخذ الماجتسير و الدكتوراه و لو وافقت بيصير عندي رجال انشغل فيه
ما راح اقدر اتفرغ لدراستي
و عطيتهم رفضي و اخوي كلم الرجال و قاله
رد عليه الولد : انا متمسك باختك و مستعد انتظرها لما تكون نفسها زي ما تبي و ماراح احرمها من دراستها
انا هنا ما عرفت وش ارد على اخوي قلت خلني افكر
قال صاحب اخوي : خلها تفكر المهله اللي تبيها و ترى انا شاريكم
بعدها باسبوع تقريبا
خطبني ولد خالتي :mad:
و امي قاعده على راسي الا و اوافق كيف ارفض ولد اختها
ولد خالتي عيبه انه كثير السفرات و انا لو بخير بين ولد خالتي و صاحب اخوي بختار صاحب اخوي
و قلت هالكلام لامي
عصبت امي و قامت وهي زعلانه و تقول : انت تبغين تسوين مشاكل بيني انا و اختي
اخوي اللي اكبر مني بـ 6 سنوات هو اقرب واحد لي و اقوله كل شي و اطلب مشورته :32:
قال اخوي : لا تخافين ان بغيتي عبد الله << ولد خالتي >> ماني زعلان و ان بغيتي فارس << صاحبه >> ماني زعلان كمان هذي حياتك انت اللي بتعيشينها مو احنا اختاري اللي يريحك و ان بغيتي تكملين دراستك و ترفضين الاثنين انا بوقف معاك
جد كلام اخوي ريحني و بعد يومين من خطبة ولد خالتي رحت لامي انا و اخوي و شرحت لها موقفي و رفضي لعبد الله :42:
و اخووي يأيدني و الحمد لله لان راسها و قالت : بكيفك بس لا تجيني بعد كم سنه تقولين ما انخطبت << ياحبي لها امي
المشكلة مو هنا المشكله
ان بعد تقريبا 3 اسابيع خطبني ولد عمي اللي ابوي متهاوش معاه :)
و كانت جملة عمي لما خطبني : يا سليمان << ابوي >> ان بغيتنا نفتح ابواب اخواتنا مره ثانية موافقة بنتك على ولدي هي المفتاح و يكون بعلمك لو رفضت والله ما تشوف خير و تنسى ان عندك اخو :angry2:
و كل ذا عشان عمي شركته على وشك الافلاس و يحتاج مساعدة ابوي
ابوي جاء و قالي انا والله تنرفزت ولد عمي صايع ضايع و يبوني اخذه :22:
ابوي يا حليله وده ان يرجع لاخوه و ما وده يضغط علي
اخوي عصب بس ما قدر يقول شي قدام ابوي :angry2:
كنت برد على ابوي بنفس اللحظه و اقوله موافقه عشان رضاه :26:
بس قالي قبل ما يطلع من غرفتي (( استخيري سواءً وافقتي ولا لا ما راح يأثر علينا شي اخوي هو اللي بغى الفرقه مو انا ولا تخافين محد راح يضغط عليك ))
يا عالم ودي اوافق على ولد عمي عشان ابوي و ودي اوافق على صاحب اخوي لانه كامل و الكامل الله و ودي ارفض الاثنين عشان اكمل دراستي
ابغى مشورتكم وش اسوي صار لي شهر بحيره محتاره
و اتمنى تساعدوني :26:
(...DAWN LIGHT...) @dawn_light_1
عضوة جديدة
يلزم عليك تسجيل الدخول أولًا لكتابة تعليق.
الله يدبر لك اللي فيه صالح
استخيري اول ثم قارني بينهم
وشوفوا اللي اقرب لله هو اللي اختاريه
وانا احس توك صغيره على الزواج وش لك بوجع الراس من الحين
كملي دراستك على الأقل حتى تكملي عشرين
الله يوفقك لما يحبه ويرضاه
استخيري اول ثم قارني بينهم
وشوفوا اللي اقرب لله هو اللي اختاريه
وانا احس توك صغيره على الزواج وش لك بوجع الراس من الحين
كملي دراستك على الأقل حتى تكملي عشرين
الله يوفقك لما يحبه ويرضاه
يــابعدي انت أستخيري و الله يكتب لك الي فيه الخــيره إن شاء الله...
بما انك تقولين ولد عمك صاايع ضيــيع فنصيحه لوجه الله أبعــدي عنه ... ..
وبما ان ابوك قال ردك ما راح يأثر علينا وان عمك هو الي بداء الفراق فماله داعي تضغطين ع نفسك وتعذبين نفسك وأولادك مستقبل لجل عمك الصيع ماا يجي من وراهم إلا العذاب.........<واسمحي لي عمك ماا يستاهل الي بااع اخوه لا تستبعدبن عليه يبيع زوجه ولده ..
بس نصيحه اوجه الله من ترضون دينه وخلقه فزوجه ...........<<مــاله دخل القــرابه أبد
ومن كلامك صــديق أخــوك مصلي ومســمي ما شاء الله ويــدرس طــب يعني متفهم ومتعلم وإن شا الله مستقبل ماا راح يمنعك تكملين دراستك.....وانت حالين عمرك 17 يعني صــغيــره ع العرس
وأنت قولي لأخوك إذا صــديقه بيصبر لين أكمل دراسه تخلصين الثانوي واول مستوى من الجامعه .......<لان بدايه الجامعه دايم صعبه ع المستجدين ... وبذاك الوقت يجي يخطب من جديد
وانت استخيري والحي بالدعاء والله يفرج عليك إن شا الله
بما انك تقولين ولد عمك صاايع ضيــيع فنصيحه لوجه الله أبعــدي عنه ... ..
وبما ان ابوك قال ردك ما راح يأثر علينا وان عمك هو الي بداء الفراق فماله داعي تضغطين ع نفسك وتعذبين نفسك وأولادك مستقبل لجل عمك الصيع ماا يجي من وراهم إلا العذاب.........<واسمحي لي عمك ماا يستاهل الي بااع اخوه لا تستبعدبن عليه يبيع زوجه ولده ..
بس نصيحه اوجه الله من ترضون دينه وخلقه فزوجه ...........<<مــاله دخل القــرابه أبد
ومن كلامك صــديق أخــوك مصلي ومســمي ما شاء الله ويــدرس طــب يعني متفهم ومتعلم وإن شا الله مستقبل ماا راح يمنعك تكملين دراستك.....وانت حالين عمرك 17 يعني صــغيــره ع العرس
وأنت قولي لأخوك إذا صــديقه بيصبر لين أكمل دراسه تخلصين الثانوي واول مستوى من الجامعه .......<لان بدايه الجامعه دايم صعبه ع المستجدين ... وبذاك الوقت يجي يخطب من جديد
وانت استخيري والحي بالدعاء والله يفرج عليك إن شا الله
u_o_nly
•
صلي صلاة استخارة
ومدام ولد عمج مو كفو لا تاخذينه
وا تنسين ان امه ما خافت الله فيكم من قبل
تتوقعين تخاف الله فيج لما تصيرين مرت ولدها
وانا انصحج تستخيرين الله على رفيج اخوج لانه شاؤيكم
وترى واايد بنات عرسوا وجابوا اعيال وكملوا دراستهم وصاروا دكاترة
فلاتفوتين الفرصه من يدج والله يوفقج دنيا واخره
ومدام ولد عمج مو كفو لا تاخذينه
وا تنسين ان امه ما خافت الله فيكم من قبل
تتوقعين تخاف الله فيج لما تصيرين مرت ولدها
وانا انصحج تستخيرين الله على رفيج اخوج لانه شاؤيكم
وترى واايد بنات عرسوا وجابوا اعيال وكملوا دراستهم وصاروا دكاترة
فلاتفوتين الفرصه من يدج والله يوفقج دنيا واخره
الصفحة الأخيرة
ون كان عل قولتك ولد عمك لو رفضتيه مايضر ابووك شي ارفضيه
وصاحب اخووك معجبك توكلي عل الله ................واهم شي استخيري مره مرتين وثلاث ..وربي يكتبلك الي فيه الخير ..
ادعيلي بتحقيق الي ببالي يااارب عاجل غير اجل