^
^
تصدقون اكتشفت شئ!!
اول مره في حياتي ابدا موضوعي بالسلام عليكم.. الله مير يصلحني اثرني مطفوقه :redface:
وش الدنيا بكم عساكم بخير؟؟
انا الحمد لله طيبه وازقح ياربي لك الحمد >> احد سالتس الحين!! :biggrin:
صايره هالايام احرث وانبش بالماضي .. ولازم استرجع طفولتي وتمسط بي الذكريات الى حيث لا أريد >> مهيب هينه الدبه
قبل كم من يوم جتني اختي تسألني ان كان عندي بالطو الابيض ذاك حق التدبير.. ودورته ولا لقيته .. قلت لها وشوله بالطو مهب لازم خذي المريله >> تعرفونها الله المستعان ام كاروهات ابيض بازرق والا اخضر واذا كشخه مرررره شرينا ورديه :icon20:
المهم انها دبه قريح قامت تناظرني بطرف عينها .. قالت لا وشو خييييييير وش مريله وينا فيه !! لازم بالطو >> اهبببب ياوجيههم بزران اخر زمن خخخخخخخ
ذكرت ايام التدبير من اول وخنقتني العبره .. يااااااااالله ذكرت فرحتنا وحنا برابع ابتدائي اووووول سنه ناخذ فيها تدبير .. ياحليلنا والله مسوين زحمه وبالاخير ماناخذ الا طريقه عمل الحليب والبيض المسلوق الله يكرم النعمه :biggrin:
اذكر ابلة التدبير في رابع كانت شدييييده وماعندها يمة ارحميني .. وذاك اليوم سوينا حليب ابيض ساده .. وصبت لكل طالبه في كاس وقالت ياله اشربوه ..
قلت : أبله انا ماابي حليب .. مااحبه :nerd:
قالت : وش ماتحبينه على كيفك .. ياله شوفي كل البنات شربوه
واناظر ياعمري البنات اللي مكشره وهي تشربه وعافطتن خشتها .. يعني اغلبهم مغصوبين .. مير لو مسويته بالشوكلاته كان اهون على الاقل
قلت في نفسي ايه هين اشربه هذا امي كل صبح تتطلبني ولا عطيتها وجه .. تجين انتي يام كشة تبين تغصبيني ببساطه>> من حيني بثره :biggrin:
واجيكم بكل دهاء ومكر واروح للمجلى حق الغسيل >>> اجل وشهو حقه!!
واجي يعني اني باغسل .. وعيوني تلاقط اخاف احد يشوفني..وصبيت الحليب فيه .. ولا من شاف ولا من دري
يالله لا تعاقبني وش اسوي طيب كنت بزير ولا اواطن شئ اسمه حليب...بس اواطن شئ اسمه عناد :S_45:
اذكر اني ماكنت آكل اي شئ يسوونه البنات .. تعرفون بعد النفيسه شينه .. تخيلوا ذيك المره ماانساها وحده حاطه حنا بيدها وقاعده تسوي كرات الشوكلاته .. وقاعده تدحربها على جوز هند تقولين تلعب بصلصال مب بشئ بنحطه ببطونا!! بالله من وين تجيني نفس آكل عقب ذي!! :unhappy:
مابعد خلصت >> تعودوا مايحتاج قول :
واللي تحرك القدر وهي فاله شعرها ولا يندرى الله يستر بعد وش ساكن بذا الشعر >> الله يقرفتس :biggrin:
والاستاذه بنت الحلال متكيه وتنافخ لا يبقى في الصحن شئ واللي مب ماكله بانقصها درجات
بقريح الدرجات والله الزم ماعلينا بطونا >> ياملحني احبني :biggrin:
بس اشوى يوم وصلت للثانوي واطيح في كبد ابله وش حليلها الله يذكرها بالخير .. تحبني بقوه مدري وش شايفه فيني خخخخخخخخخخخ
وراحت معها المعاناه وصرت مااضطر اجدع في الزبايل
ولا صاوا ينافخون علي .. كولي ولا تاكلين .. حلوه ذي غصب يعني >> طيب لا تصيحين
و مره كان درسنا عن ورق العنب .. وكان درس نموذجي على مااعتقد .. يعني فيه مشرفه ومدري وشو
المهم واجيك ايقالي اببيض وجهها انا وخشتي .. واقعد الف الورق بضمير .. قالت عذبه ماشاء الله لفتس وش زينه شكلتس متعوده بالبيت مااحد يلف ورق عنبكم الا انتي
واتشقق انا عاد من الوناسه من قدي مدحتني عند المشرفه .. قلت لا والله ماعمري لفيت اصلا ذي او مره :07: >> يعني ادري اني سنعه خخخخخ
المشكله انها ماصدقتني تحسبني انصب واقول كذا يعنني عند البنات ومسويه يااااي ماادخل الطبخ
بس سكتت مابغت تدخل في جدال عقيم معي .. خصوصا ان عندها مشرفه وتخاف تحوسها الظاهر :biggrin2:
تدرون اني مابعد بديت في الموضوع الأساسي
:
:
الله يهون عليكم بس :biggrin:
:
:
في المطبخ الله يسلمكم تصير مآسي .. فكم من بيت راح وطي بسبب بيض مقلي :biggrin:
وكم من جدران تفحمت بسبب زيت منسي على النار :biggrin:
وكم من قدر انجدع بسبب رز محترق :biggrin:
وكم من اسرتن تشردت بسبب المخدرات >> لحححححححسسسسه