المشلتت
1_بيتزا المشلتت
تشترين من السوبر ماركت(فطيرة مشلتت) تلقينها في الثلاجة المنسدحة في كارفور وهايبر بنده وغيرها
وكيستها وشكلها مثل السبنج رول بالضبط وفيه منه نكهات وأحسن شئ اللي بالبصل واذا كنتي بتجربين نكهة ثانية مافيه مانع
وهذا شكلها
تطلعين فطيرة وحدة من الكيس وتحمرينها على صاج او تاوة من الجهتين مثل ماهو مكتوب على كيسها
بعدين تدهنينها بصلصة البيتزا
وتحطين على الصلصة جبن بيتزا بعدين اللي تبغين حسب الرغبة
ممكن حلقات فلفل رومي
حلقات بصل
فطر
زيتون
حلقات نقانق
واخيرا الجبن مرة ثانية
وتدخلينها الفرن دقائق مجرد مايذوب الجبن تكون جاهزة
2_المشلتت بالدجاج والجبن
حمري فطيرة المشلتت على الجهتين
بعدين حطي فيها حشوة الدجاج(تحمسين بصل وفلفل بارد مع زيت بعدين تحطين صدور الدجاج والملح والبهارات حتى تستوي)
بعدين تحطين في نصف الفطيرة حشوة والنصف الثاني فاضي عشان تطبقينها
واذا حطيتي الحشوة حطي فوقها جبن شيدر مبشور وطبقي الفطيرة بحيث تكون نص دائرة
ودخليها الفرن حتى يسيح الجبن على الحشوة وطلعيها وقطعيها مستطيلات وبالعافية
3_المشلتت الحالي
تدهنين الفطيرة بااللبنة(احسن شئ بينار التركية)
وبعدين تصبين عليه العسل
وتدخلينه الفرن دقائق تسخن اللبنة وبالعافية
4_مشلتت بالزعتر
وأحيرا ممكن تدهنينه باللبنه وترشين عليه زعتر
أو تدهنينه بأي نوع من الجبن حسب الرغية (جبن كاسات .كيري.مالح,,,,,
وترشين عليه زعتر
هذي أشكال فطيرة المشلتت وكل شكل أحسن من الثاني وأسهل من الثاني
كل الشكر للي قيمني ووصلني ل(فايف ستار)
ورد علي
بس ترى الصور من بابا قوقل
والشكر لله ثم للي ساعدني في تجميع الطبخات السهلة
ومازال للموضوع بقية
ورد علي
بس ترى الصور من بابا قوقل
والشكر لله ثم للي ساعدني في تجميع الطبخات السهلة
ومازال للموضوع بقية
الصفحة الأخيرة
ولي عودة للتكملة