اختي الغاليه ما عاد بدري

انا ما دري جيف اشرحلج بس انتي حاولي تيبينه بدون زيت الزيتون مجود عندنا وبكثر صابون الغار بس اذا ماحصلتي استخدمي صابون عند العطار يكون طبيعي 100% او الوزير ومشكوره على الدعوه واذا تريدين اوصلج تراه ما يسوى ب9 قوليلي ويكون عندج ويكون عربون صداقه :)

MARIGOLD
مرحبا اختي وشيف مشالله اكيد بنحتاجج في المستقبل يوم بنتوكل :) النواه صح تطلع ريحتها قويه ريحة حريج وتصخم اطحنيها وتوكلي على الله وماضني بيضر الكثره بس حاولي ما تزودين ولا ماتفرق بس انا استخدمت نوى السح اما عن زيت الجرجير هيه مال الشعر اما بو سنتين قوليلي انتي من وين وبقولج وين تحصلينه :) وباي يا قمر

عنوده ما قلتلج انج قمر وحلوه :) السر ان الله امبارك في النخله ولو تعرفين انها تعالج امراض ما تتخيلينها

MARIGOLD :::::::::

هلا الغاليه

والله الصراحه انا اول كنت دوم اسوي زيت خروع بس يعني جني اكحل عيني كامل بس بزيت الخروع احط من داخل ومن برع العين كامله ..

وقبل فتره بسيطه قلت خليني اجرب نوى التمر يقولون عنها زينه وحطيت فوقها نوى .. حرقتها لين صارت فحمممممممممممممممم بعدين طحنته لين صار ناااااااااعم عشان لو حطيت في عيني ما تدش قطع كبيره وتعور عيني تدري هالمنطقه حساسه ..المهم اطحنها زين مازين لين تصير ناعمه واخلطها مع زيت الخروع واتكحل فيه قبل لا ارقد وبسس والحمد الله احس رموشي غلظت و طولت بعد بس شوي لاني ما صار لي وايد معاه لو استمريت بعد ان شاء الله يتطولن ..بعدين لا تنسين الورااااااثه يلعب دور كبير ..انا خواني وخواتي كلهممممممممممم رموشهم طويله والله طويله ما شاء الله عليهم ما عدا انا بس ان شاء الله يطولن :) هي لين احينه من ناحيه الطول طولت طولت والكثافه كثفت بعد بس نبا الزين :)


وسلالامتك

دموع الامل :::::

تسلميلي والله يالغاليه وانتي الي احلى والله (:

عنوده تجحلين بالخروع من داخل العين مثل الجحال العادي اذا هيه ترى خطر مب زين بس منابت الرموش

واذا ما عليج امر قريت انج منزله من وزنج 7 كليوا اذا انا مش غلطانه ممكن تقوليلي جيف؟
:)

دموع الأمل
شكرا يا حلوة على الأجوبة ما تقصرين عيوني
والله محتارة اجرب طريتج واللا نوى التمر بروحه
على فكرة انا من راس الخيمة :)
المهم انا بشوف شو اختار و ان لقيت نتيجة طيبة بخبرج
تحياتي و شكري

العنود
انا كنت اكتحل بالأثمد و من برا احط زيت خروع ابو 5 سنوات .. و احسه زين بس موب لين هناك
بس انا الحين طحنت نوى التمر بالهاون (شورايج اطحنه بالمكينة مال البهارات؟) ..
المهم حطيته من برا على الرموش و شكله حلو يعطي لون غااااامج كاني حاطة شادو :)
المهم .. المرة الجاية يمكن اخلط زيت خروع و اثمد و نوى تمر و احطهم
بس مثل ماقالت اختي دموع الأمل يزاها الله خير .......... ترا الخروع موب زيت يدخل في العين ..
وعلى فكرة انا رموشي كانت طويلة و غليظة بس موب كثر اخواني الأولاد .. بعدين انا الشهر اللي طاف قصيتهم شوي .. هيييه قصيتهم لا تستغربون كر كر كر ك
لانهم تمن يطيحن وايد بسبب خلل الهرمونات اللي يصير لي كل كم شهر الله يكفيكم شر الخلل .. والله انه هو اللي مسبب لي كل هالبلاوي تساقط شعر و تساقط رموش و زيادة شعر بالوجه و حبوب و بلاااااااااااااوي
المهم .. انا متاكدة ان الموضوع بيفيدني بارادة الله لاني مرة قريت هالوصفة مال نوى التمر في كتاب و قريت عن الاثمد بعد
يللا بخليج الحين رمست وايد
بااااي