فعلا لا اختلاف ان الحيااه صعبه جدا هنا ...لكن المضطر مااشوف انها طريقه انه يروح جمعيات خيريه برا بلده ..في حلول وواجد كان الاجيال الي قبلنا يسوها الي هي يشتغل بارت تايم في مطعم في مكتبه اي شي الشغل موعيب ..اما انه طالب ودراسته على حساب الدوله ويروح جمعيه اشوفها قمه المذله يعني مو على مستوى الشهاده و العلم الي رايح عشانه ...والا مضطر مره يروح جمعيه سعوديه ولا سفاراته ...وهذا الموضوع مش حنا ننتقد فيه الي يتعب عشان كتبه ولا دراسته حنا ننتقد الي يبذرون فلوسهم ياسواق ومظاهر مالهاد خل بالدراسه .........على العموم الله يسهل امورنا كلنا ويرزقنا ااامييين.....وهذي ورده :26:ولكم ومانبي زعل تكفون:09:

مرحبا اختي شوفي المكافأة تكفي ماقلنا شي لكن تقولين توفير مستحييييييييييييييييل
وهو شوفي على حسب الشخص
وعاداته يمكن انتم ماتحبون تاكلون من برا معتمدين على اكل البيت وبعد المشتريات من ملابس وكماليات يمكن متنازلين عنها وكذلك التمشيات فيه اشياء كثير الواحد يحس انها هي اللي تلون له الحياة

والاعتراض على اننا اغنى دولة في العالم ودول الخليج واقلهم رواتب

يا قلبي انتي ما معاك اطفال
تقدرين توفرين
انا معاي الحين 4
2 بيدرسون كامل على البعثة..قولي مشى حالهم
وال2 ما يصرف لهم كامل...حتى اللي يصرف لهم ما يكفي اكلهم وحليبهم والدي كير والا ادوية ومستشفى...حتى انا كنسلت الدي كير وصرت احطهم عند حرمه عربية تاخذ ربع حق الدي كير
وبصراحة لولا الله ثم ان عندنا دخل ثاني والا ما راح يكفي راتب البعثة 10 ايام

ليه دلوعة ابوها الأطفال كمان يجيهم مستحقات من الملحقيات

حسب علمي انه في بريطانيا 200 باوند للطفل الواحد، ال200 باوند تكفي أشياء الطفل الأساسية الحفايظ تكرمين والحليب وغيره الطفل بياكل من اكل اهله خصوصا لاتجاوز 6 شهور

بس انا معاك النرسري هنا غالية جدا للي بتدرس ولذلك الاحظ اغلب زميلاتي ماكانوا يدرسون :)


بالعكس اجل انا احسد اللي عندهم اطفال عشان هالطفسة والله تنفع على الاقل تسدد فواتير الكهرب:)ياحبيلهم ياناااااااااث

بعدين اختي لاللخلطات اظن ان بدل الكتب ماهو محسوب مع الراتب ولكن يندفع في نهاية البعثة ..بس يمكن ملحقية امريكا مختلفة لكن مايمنع تسألونهم :)

ادري فيهم ملحقيتكم مهبلين فيكم يابعد قلبي دايم اسمع عنهم هههههههههههههههههههههه


بعدين ماادري بنات امريكا هل الخدمات الصحية ماهي مجانية عندكم؟

لأنها في بريطانيا مجانية ال NHS الله لايحوجنا لهم...والكل من حقه يستفيد منها لكن الوصفات بفلوس يعني تروحين تكشفين وكل شي لكن يعطونك العلاج بفلوس ...الله يديم عز أم تشارلز ياناس:)

عموما اتصور يمكن يكون عندكم شركات تأمين تشمل التأمين الصحي وتأمين السيارة والبيت ...حاولوا تشوفون يمكن بهالطريقة توفرون كمان يعني تدفعون شهريا مبلغ وقدره ويكون علاجكم على التأمين الله لايحوجكم ان شالله...



ياطعمي: معاك حق انا برمجت نفسي اني ماعاد اكل من مطاعم الا بالشهر مرة والشهرين مرة وكذلك استغني عن كل شي ماهو ضروري

بيني وبينك حتى لما ارجع السعودية بسوي كذا

والله ياناس حرام التبذير والحياة الاستهلاكية اللي احنا عايشينها وحجتنا اننا دولة غنية...من قال دولة غنية؟

هذاك أول يوم السكان عددهم 15 مليون هلحين عدددهم 24 مليون ونصهم ماهو لاقي يشتغل بسبب الفوضى مو بسبب اننا دولة غنية او فقيرة

ماراح افتح هالموضوع عشان مايتغير مسار الموضوع لكن بجد لو كل وحدة منا غيرت نظام حياتها خلاص...ماعاد فيه استهلاك الا الأشياء الضرورية

أولا دينيا هالشيء مطلوب احنا خلاص للأسف (اتكلم عن نفسي والله ) تعلقت قلوبنا بالدنيا ماعاد نفرح بالشي الجديد الله لايعاقبنا من كثر مانشري ونستهلك ونكدس في الدواليب وكل موسم لازم نروح نشري جديد ووووووو

واحنا لو فكرنا رسول الله صلى الله عليه وسلم ماقد شبع من طعام قد ولاقد شبع من تمر قط ولقد كنا نراه يربط على بطنه الحجر والحجرين من الجوع بأبي هو وأمي ....هو نفسه صلى الله عليه وسلم اللي كان يقول اذا سترتم بيوتكم كما تستر الكعبة ومشيتم المطيطاء (يعني باستكبار وشوفة نفس) وخدمتكم بنات فارس والروم سلط الله عليكم ذلا لاينزعه حتى ترجعوا الى دينكم ...او كما قال صلى الله عليه وسلم

طبعا من الناحية الدنيوية الاستهلاك هو عدو الانسان الاول ...والعقارات في السعودية كلمالها تطير والواحد همّه في هالدنيا بس بيت ينستر فيه آخر عمره ولايمنّ علينا أحد ان شالله...فكيف الواحد يدخر ويشتري لأهله بيت وهو يستهلك بدون وعي ؟ وهو مايقدر يستغني عن الشراء؟ وهو مايقدر يستغني عن المستوى اللي هو عايشه في حياته...

لذلك تجربتي في بريطانيا بجد علمتني ان شالله اكون خلاص بنت صالحة (:)) ومخلصة لديني ووطني ومليكي (:)) وأشد الحزام لين أشتري شقة تمليك واكتبها باسمي واطرد رجلي منها اول ماأمسك الصك...

بخليه يدفع لي ايجار الشقة ولايقضب الباب
:)

بدوره الحلوه رجعت مره ثانيه

والله كلامك عاجبني وبخليك قدوه لي

وتدرين بحاول اتدرب على القعاطه دامني بين اهلي علشان اتأقلم إذا جيت شيفلد

يارب لاتغير علينا النعمه