الجــــــــــــــــــــزء الاول ^^
((يالله صباح خير))
كعادتي اليوميه .. رعاني الله
صحيت من النوم << اوما عاد
على هبدات وضربات في ظهري وتشويتات لا اذكر عددها
ربما كانت السبب في ما اعاني منه
من الآم في الحلق (أي اللّوز) والله اعلم
وفي حين ان هناك اشخاص من بني جنس البشر يستيقظون على تغريد العفاصير وضوء السمش و ثغاء مدري غثاء الغنم << والله لو ربعنا اللي بالديره خخخخ
في المقابل انا ما اسمع الا : قومي قاااام ضلعك
واقوم وانا معصبتون .. لاحووول تراني ماني بفايقه
ياربي محد يعرف ينام بذا البيت وش تبغون فيني يوم اصحى و ارز وجهي قدامكم ؟؟
فقمت من السرير اللي خبركم ابو نيدو
وقد انحاش كل اخوتي من امامي << لماذا؟ << ابو التشويق ياشيخه<< لاني وحده شخصيــــــه<< اعجبني ياشديد
المهم ... نظرت يمنه .. ثم يسرة ثم يمنة ثم يسرة ثم يمنه
ثم يسرة << عاادي كنت اطق رقبتي ههههه
الجــــــــــزع الثاني ^^
((بيب .. بيب ... جاك النصيب))<< تحمل ركاب حشى
انبطحت امام التلفاز .. واذ بالهاتف يرن رن رن رن
انا : وينكم يالعلل احد يرد على ذا العله اللي يرنرن من الصبح
وجع ياولد يابنت التفلون يدق ردوا .. ياعيال اللذينا ..وجع ويين غطيتوا
ذهبت واانا حاااقده ورديت ع الهاتف
آآآالو<< هذا انا
السلام عليكم << هذي اللي متصله
انا؛ نعم
هي : مين قناصه ؟؟كيف حالك وش علومك
انا: تمام الحمد لله .وش تبغين
قالت : عطيني امك
انا: امي ماهيب فيه
قالت خلاص قولي لها ام فلان اتصلت وبتسير عليكم بكرخ
;-)
انا : خير ان شاء الله
هي : فمان الله
انا :باللي ما يحفظك
بعد المغرب......
جاتني امي قالت قناصه بكره بيجونّا ناس
قلت: ومحتاجه قهوجيه الا هي انا صح ؟؟
قالت :لا ماابغاك تمسكين شي بس ابغاك تهتمين بنفسك
وبس
انا: ليييش؟؟
مامي : من غير ليش تكفين خلك هاديه وعاقله وخلك ناعمه..وخلــ..
قلت لحظه ..لحظه هاديه بلعناها ,, وعاقله ومشيناها
لكن ..... ناااعمه اسمحيلي ..اطلبي شي اقدر اسويه ياالوالده
اما ناعمه كثري منها
امي : انا داريه ان مخاواك لاولاد الحاره والقعده ع الدكه كل عصريه بيغيرك..
امي وهي قاعده تطالع بشعري وتقول وش ذا ..
انا: شعري يعني وشهو ؟؟
امي ..لا والله انه جاعد غنم قومي قومي استشوري شعرك من اللحين لييييين بكره العصر << ترى الوالده تحب تبالغ <<ترقييع خخ
بعدين وش بتلبسين ها؟؟
انا: ابكشخ بذيك التنوره الكلوش الفوشيه المقلمه بأصفر
وبلوزتي الكوراهات البنيه وفروة جدي جلد النمر عشانها تمشي مع لبسي
امي :يقلعك حبشيتنا ماتلبس كذا
بتطلعين قدام اهل العريس كذا
انا / اناقز مادريت الا وانا عند بطن امي : وش عريسه
امي : بيت فلان الفلاني خطبوك
دخت وشرقت وبغيت ابلع لساني وجاني عنقز<< ماتعرف تفرح
ومن لحظتها عرفت ان الحظ ابتسم لي بعدما كشر بوجهي 40 سنه الا عشر
ويالاالالااللي لالللللاااااالي اولوووواوولووو
وقعدت احلف امي نص ساعه ان السالفه صدق
ياربي لازم اطلع حلوه بس كيف ؟؟ كيف؟؟
اخليه ينعمي وياخذني
قلت :بركب لي سن ذهب حتى لو استعيره من فم جدتي
اللي كل ما طفى الكهرب علينا فتحت فمها تكشح وتنور علينا << قسمن لو تسمعني لاتقطع نصيبي في كل ابو قبيلتنا والقبايل اللي مناسبينا بعد ..خخخ
((فاصل : الذهاب للبنانيه ... لتصليح البنيه))
من اصبح الصبح وانا صاحيه واروح للكويفيرع
تسمكرني وتغير لي بواجي يمكن اركد شوي<<مصطلحات بنشرجي معه 5 ابتدائي ليلي
المهم دخلت عند ذيك اللبنانيه
اهلا وسهلا حبيبة البي شو بدك تعملي
وانا قاعده اسجل بهرجها... بصير ناعمه << يختي خذي نيفيا واخلصي
سقى الله ايام الدكه اللي كل ماكبرت الشوشه مدحوني الربع
الله ياني كنت راعية فزعه لا صارت مضاربة اول من يفزع انا ولا بغينا نحرق شي ولا غرض ما يجيب لهم الكبريت الا انا ..................
.دنيـــــا حدتني على سنون جدتي المشكله أجرته علي لمده 4 ساعات ب1000 ريال
المهم كذا طلع شكلي بعد اللبنانيه
الجزعـ الرابع^^
.................((النصيب عليك ..يسحب بريك))
جاء المعرص واهله
وقالت امي قنووصه تعالي
انا لا ما اابى مااني مااني بجايه <<يعني تدلع
امي عاضة شفايفها من القهر وتقول مو ب علي انا
قالت تعالي لا تستحين
انا : طيب شو بدك حبيبة البي
واجي داخله على الحريم والسلام عليكم
ورحبوا فيني وافتحلهم ذيك الكشره واكشح عليهم بسن جدتي الله يسعدها
المهم قالوا العريس يبغى يشوفها
وانا اللي ارجف تقول نافضتني كهرب 220
وينحني ظهري وتصيبني شيخوخه مبكره << الاعراض عندها دماار
وقفت عند باب المقلط واقول لامي ما ابى ادخل لا تحلمين
ماكملت الكلمه الا وامي دافتني وما لقيت عمري الا بوسط المقلط
وارفع عيني وماذا ارى ؟؟؟؟؟؟؟؟
ماهذا ........ هل يعقل << ليش اتكلم فصحى؟؟
هذا الوجه اللي عليه جرح من الجبهه الى نص الخد جرح ابو 15 غرزه انا .. اعرفه لا.. لالا لايكون حميدان الدلخ اللي جرحته بعلبة الكولا ومن حينها صارت عيرته ((جريح الكولا)) هو شافني وانقلب وجهه بغى يبكي
وخرج من المجلس وهو يغالب دمعاته
وقلت له : ما شربت الكولا..يالطيب
صدق انقهرت يعني الوحيد اللي جاء يخبطني يطلع عدوي اللدود
وبهذي اللحظه عرفت ان حظي ابن اللذينا خيشني وخمني
ولعب علي كانه يقول استريحي مالك امل
مايستفاااد من الروايه
(( اللي ماله حظ لا يتعب ولا يشقى ))<< وحده متحطمه خخخخخخخخخخخ
ملاحظه : القصه خياليه والشخصيات خياليه
سوالم